لمى حبيبتي لا تزعليييين
و لاتحسين نفسج ثقيلة ولا شي
كلنا خوات ...
بس غير انت قلتي العراقيين هيجي ...
احزاب و اقسام :30:

السلام عليكم مرة ثانيه
اختي لمى .. بس لو اعرف ليش العصبيه والنرفزه مالتج ..
اني قلت ببدايه كلامي الموضوع راح يبقى على حاله موجود ومنور بيكم .. بس جان طلبي موجهه للبنات القديمات .. أنه نفتح موضوع وحد .. يعني ماكو اي تأثير على موضوعكم ..
ويا عزيزتي عيوشه ...
اني جنت انتظر رايء بنات معينين والحمدلله جاوبني بالاوكي .. ام وزيد وأبيسه وبان وليالي..
وانتظر رايء الاخير لاغلى وطن والبغداديه وكندا ..والجبوريه مسافر ان شاء الله من ترجع بالسلامه يكون الموضوع الثاني انفتح ..
عيوشه ما شاء الله ابنج كلش حلو جان المفروض تنطينه خبر على البرنامج علمود انشوفه ..اني اعرف انت مراح تجاوبيني .. لانه اكثر من مره اوجه حجي الج ولاسف ما تجاوبيني ..مره كتبتلج عن ابنج الله يحفظه ودعيتلج الله يصبرج ويقويج . ومره كتبتلج عن والدج واخوج .. ودعيتلهم من كل قلبي لاني مجربه الي ده تمرون بيه ... بس سبحان الله .. الله يقوي ايمانج

تسلمن ام زيودي-بريطانيا والف الحمدلله والشكر وتسلمين على السؤال والله يحفضلج الاطفال ان شالله

ام روان صح الموضوع راح يضل لكن هسه اني مثلا دا اتكلم عن نفسي اني بالنسبه الي تعلقت هوايه ام مريومه وبيداء وام مصطفى يعني صار فتره مو قليله على معرفتي بيهم سواء عالياهو او هنا وتعلمت ادخل هنا ومن فتره طويله اشوفهم موجودين احس من اجي هنا اجي لبيت بيه كل خواتي ملتمات انتي حبيبتي بهاي الحاله سويتينا فريقيين واكو ناس عزيزين عليه ماعرف اتخيل همه يصيرون بجهه واني بجهه ثانيه اي يا ام روان مو كافي الي عفناهم ورانه هنا هم لاحكتنه البعد والعزله ناس عن ناس

اولا شكرا ام امين وصلتني رسالتج ومشكوره هوايه وتسلمين
ثانيا بنات تره ميصير هيجي بله زعل وهسه راح نفرحكم شويه هاي بعض النكات
زوجة كالت لزوجها صارلك ساعتين دتقرأ بعقد زواجنا متكولي شدتدور ...
كللهة دا أدور تاريخ انتهاء العقد

واحد گالوله شنو أصعب موقف بحياتك؟.. گال من أزين لحيتي وأني أعلج.

كالوله للطلباني خلي انسوي الكهرباء دفن كال ما يسير كالو ليش؟ كال
بعدين عسفور وين يوكف؟..

واحد من الناصرية إسمه رزق الله صار عنده ولد سماه گاطع.

واحد مصلاوي راح يخطب كالوله المهر عشرة آلاف كال إشدعوة لكيت بالفين
وحامل.

وحدة سلمت على واحد شايب كالتله شلونك حجي كلها آني مرايح للحج آني
رايح للعمرة كوليلي هلو عمري.

وحدة كَالت لامها دا اتصل بزوجي ومدا يرد أخاف يطلع متزوج ردت الأم:
ماما تفائلي بالخير يجوز صار انفجار ومات.

كردي اشترى لأمه عصفورين واحد بس يغرد والثاني سا?ت گلتله
هذا ليش سا?ت
گلها هذا الملحن.

واحد مصلاوي راح للدكتور يشلع سنة كلة ابيش كلة الدكتور بـ 2000 كلة
المصلاوي أنطيك 500 بس اترخيه.

كردي احترك محله، كالوله: خو ما خسرت هوايه ؟؟ كال: لا .. الحمد لله
جنت مسوي تنزيلات.

حشاش اشترة تنكر مال مي راح للخطاط كلة اكتبلي عليه جاسم للشرب الخطاط
كلة بابة شنو هالحجي، مترهم، الحشاش كال لعد ليش صالح ابن عمي من اشترة
التنكر كتب علية صالح للشرب.

أشوفك ادوخ، أقترب منك أنسطل، ألمس ايديك أفقد الوعي، دخيلك........
فوت اسبح.

فد يوم مام جلال سئل الأمريكان كاللهم شوكت تطلعون كالولة 1/1 كاللهم
ليش مو كلكم سوه

ام عموري شنو هذا مصطفى اللهم صلي على محمد وال محمد
اذا يشبهج يعني ما شاء الله انتي هيج حلوه
الله يحفضه هوه وعموري ان شالله
ام روان انتي تكولين من تجي بيداء الموضوع الثاني يكون انفتح حبيبتي لعد انتي مقرره ومحصله الموافقه روحي افتحيه الله وياج بس الله شكد حلو حتى هنا مقسوميين قسمين ولا وهوايه عجبني جوابج من تكوليين اني يهمني راي بعض البنات وانطوني الجواب والموضوع راح ينفتح اي يا عيني هسه روحي افتحي الموضوه الله وياج