السلام عليكم
ياسو عظم الله اجركم و الهمكم الصبر والسلوان
وانشاءالله مثواه الجنة مع الصديقين و الشهداء
وجعلها الله اخر احزانكم يارب
والله اني كان بالي مشغول عليج حيل لان غيبتج طالت
الله كريم.......ربنا اسمه المنتقم الجبار
و انشاءالله الي قتلوه متطلع عليهم شمس النهار

اللهم اسكنه فسيح جناتك والهم اهله الصبر
اللهم امين اللهم امين

الى ام قدوري
الف مبروك الولد
وانشاءالله ولد صالح..ويرزقكم الله على وجهه كل الخير يا رب

السلام عليكم بنات شلونكم
واللة الي صار وية ياسو ضيع الفرحة مال الايام الفاتت
يا ربي رحمتك.......يا رب ارحم بحال العراقيين
منكول غير حسبنا الله و نعم الوكيل


الى دجلة و اغلى وطن
حاولت دز رسالة بس نفس الشي يطلع لي ان اني ممنوعة من المشاركة
والبارحة اصلا حتى بار الكتابة ميطلع لي
هذولة بالمنتدى حاطين نقرهم من نقري مش عارفة لي؟!!

وفوك هذا الماسنجر صار يكتب لغة غريبة ما ادري شنية هلكت يالله رجعتة انكليزي
المهم اليوم هم راح احاول......و ساوافيكم بنتيجة العملية اول باول
و انشاءالله منحتاج الى بتر احد من الاعضاء
انتو بس ادعولي

جمانة
ياهله بيج , هاي وينج, خوش يعني هسه المطيرجية كاموا مايطيرون طيور
الله يساعدكم على الوضع والله ويعينكم

بالنسبة للاشياء اللي تحتاجيهه هنا ومهمة , اشتري تراكسوتات حلوة وبجامات قطنية حلوة (العام من رحت شفت محل بالكرادة داخل , وين جينز سنتر اللي واكفين ببابه السودانيين اللي يبيعون جنط تدخلين اخر محل على ايدج اليمين عنده بجامات وتراكسوتات تجنننننننننننننننننننننننننن , البجامة على 30 و35 الف بوكتهه بس حلووووووة , تصدكين بالسويد مو حلوة مثلهه )
أحذية تكرمين لاتشترين ولاجنط (هنا الموديلات غير شكل) بس أشتري واحد بس كشخة وجنطة للكشخة , وتره هنا كله سبورت وكاجول وير (يعني ماكووووو كشخة ) وداعتج بطرك الجينز والقميص لو التي شيرت وحذاء فلات (بس بالشتاء اني البس بوت كعب واطلع شطولنيييييي اصير 178)هذا اكشخ شئ عدهم.
اخذيلج بديات للبيت ,او بلوزات حلوة (لاتكثرين)بس كم قطعة حلوة تكشخين بيهه جوه البيت
أشتري قمصلة جلد لان هنا قماصل الجلد غالية واذا تكدرين اختاري فد موديل حلو وخلي يفصلوه بالكرادة خارج. اشتري فد جاكيتين (تفيدج حتى بالصيف بالليل )
خيطي قبوط جوخ طويل اذا تكدرين (ولو مرات هان همين تحصلين وكت التنزيلات بس اذا يعجبج تفصلين فد موديل على مزاجج سوي, العام جان يكلف بالعراق تفصيل طويل لحد الكعب تقريباً 140 الف والقماش من الخياط )
قماصل لاتشترين لان هنا القماصل غير شكل مهيئة للثلج , يعني ماتفيدج الا اذا لبستيهه بالخريف , بس وكت الثلج لاااا لازم قمصلة مدرعة.
أخذي وياج كوستم أسود (يفيد وكت الطلعة ) بس تلبسين اي بدي جواه مال مناسبة او اي شئ (بالنسبة إلي لازم يكون عندي كوستم اسود)
بعد شنوووووووو؟؟؟ (بس اتذكر شئ اكولج)
انتي مو تشترين كلشي تشوفيه لان الموديلات تتغير وعود اشتري كله وكته بوكته , ليش حرمات تكومين هدوم وماتنلبس .

انس المكان
اليوم حجيت وية ياسو , وسلمت عليكم
تره إحنه فهمنه غلط , أخوهه ما أنقتل ولكن توفاه الله عز وجل بسكتة قلبية:( مع العلم الله يرحمه كان مواليد 1969 ,بس هذا قدر رب العالمين , ولكل أجل كتاب
اللهم اسكنه فسيح جناتك والهم اهله الصبر
اللهم امين اللهم امين