شذى العراق :

تصبحون على الف خير يا اهل العراق تاخر الوكت راح اروح انام المهم دخلت شيخلصكم مني باجر دخت بس تستاهلون التعب باجر ان شاء الله اسطركم.........................

تصبحون على الف خير يا اهل العراق تاخر الوكت راح اروح انام المهم دخلت شيخلصكم مني باجر دخت بس...

Layali*Baghdad :

السلام عليكم ورحمة الله وبركاته..:) مشمشة..الف مبرووووك الحمل حبيبتي..وديري بالج على نفسج..ومثل ما كالوا البنات..الحالة النفسية هواية اتأثر..منا اوضاع العراق ومنّا الحامل اصلا تجيهه كأبه مو طبيعيه.. أكلي زين..وكثري من الفواكه والخضراوات..وأشربي حليب يوميا..حتى لو متحبيه..اغصبي نفسج..وإذا اكو يمج سفرجل..أكلي :22: علمود البيبي يطلع حلووو أم زيد بريطانيا.. تدرين نفس الشغله صارت ببسومه بنتي.. والله نفس الشي.. ساعه 6 المغرب فتت سبحتها هيه وأختها..وبعدين لبستهم وكعدتهم يم الصوبه.. وسويت لفات جبن واجه زوجي وكعدنه ناكل.. البنت كاعده بحظني..أريد انطيهه الّلفه..اشوف وجهه لونه ازرق وعيونهه مكلوبه ليفوك..وما تتحرك..وما تتنفس.. والله العظيم وجهه صار يخوف..شفايفها زررررررررررك عاد اني كمت رأسا اصيح.. زوجي اخذها مني..وحظنهه وكام يقره عليهه قرأن وأدعيه.. واني رأسا رحت خابرت الطواريء.. وره 4 دقايق أجت سيارة الاسعاف...اخذونه للطواريء..ما سوولهه شي..انطوهه بنادول شراب مال اطفال..وانطوهه ايس كريم مثلجججج علمود ينزلون حرارتهه.. وطبعا هنا بنيوزلنده ماكو عدنه هاي التقنية مال يسوون اشعه للدماغ لو المخ..:30: بعدهم ما واصلين لهاي المرحله من التقدم العلمي والتطور الطبي.. بس تدرين ؟وراهه بكم يوم..همينه كامت البنت بس بالليل ترتفع حرارتهه.. وهنا صديقتي كالتلي تره ديري بالج من الحراره..ابد لا اتخليهه ترتفع حرارتهه..الله يكون بعونكم..عاد الشتا والثلج بده يمكم..وكل يوم المرض ناديه.. I am here.. behind the screen عيني بنات ديالى(ام عبودي ولوله وبنت ديالى) تره اني همينه نص كرايبنه بديالى.. وأغلبيتهم عندهم بساتين هناك. بيت حجي سالم الجبوري..وأبراهيم الجبوري وغسان الجبوري.. ما ادري تعرفوهم لو لا؟ همه ببعقوبه.. شذى العراق... هله ومية هلا بيج وباللي جابج..:26: هاي انس المكان جابتج مو؟ عندج خوش واسطه قوية..:)

السلام عليكم ورحمة الله وبركاته..:) مشمشة..الف مبرووووك الحمل حبيبتي..وديري بالج على نفسج..ومثل...

عراقية بصراوية :

لا يمكنك مشاهدة هذا التعليق لانتهاكه شروط الاستخدام.

Layali*Baghdad :

الله يسلمج حبيبتي..عراقية بصراويه ويحفظ أطفالج... بنات أشو عراقية بصراوية فلتت من التحقيق؟ وأشو محد حقق وياهه؟ بنات... أني اليوم كلش ضايجة.. البارحه بالليل حجيت ويه أهلي..وويه اخويه عمّوري حبيبي.. جان اسمع صوت بجي وصياح..كللي ده اتسمعين الصوت مو؟كتله اي.. كاللي هذوله جيرانه ابنهم كتلوه جيش المهدي(الله يشلهم ان شاء الله) لانه اسمه عثمان..والولد عمره 14 سنه..:( والبارحه لكوا جثته بالطب العدلي..والولد من عشيرة الزوبعي..أجوا كرايبه وولد عمه يكولون بسيطه..ما راح انخلي شيعي اذا ما نكتله.. و أخويه كاللي هم بشارعهم (بحي الجامعه) اربع جثث مال شباب.. يكول اربع ايام محد شالهه من الشارع..اجوا الامريكان شالوهه.. وطبعا اني احجي وياه وأسمع صوت طلقات..يكوللي عادي عادي لا اتخافين..احنه اتعودنه على هاي الشغلات..وحتى هاونات وهمرات بالشارع..:( واليوم الصبح حلمت حلم وشفت تفسيره بكتاب ابن سيرين..الحلم كلش مو زين..يكول..هم وغم ومصيبه تحل على اصحاب الدار..:icon33::icon33: وأني الله اليستر من احلامي..كلها تتحقق..سبحان الله...خصوصا من اكوم من النوم فازّة:icon33: بس دا انتظر يطلع يمهم الصبح..اريد اكوللهم عمّي هجّوا لسوريا.. اخويه يكول باليوم 1000 عراقي يطلع لسوريا.. كاللي..والله يا ليالي يمكن راح اتصير حرب طائفيه..ده يحاصرون المناطق ذات الاغلبية السنية...وكله رمي بالهاونات... حسبي الله ونعم الوكيل عليهم.. يلله اخذوا..هاي الديموقراطيه اللي ردتوهه.. يمعودين العراق راح وأنتهى...وهاي اللي ده يصير من علامات الساعه.. الشيعه يردون المهدي المنتظر يطلع..والمسيح يردون المسيح الدجال يطلع.. الله يستر من الايام الجايه.. نادية.. خابرتي اهلج؟شلون الاوضاع بالغزالية؟

الله يسلمج حبيبتي..عراقية بصراويه ويحفظ أطفالج... بنات أشو عراقية بصراوية فلتت من التحقيق؟ وأشو...