السلام عليكم بنات
اني صارلي اسبوع دايخة على قصة وحدة صديقتي جانت وياية بالكلية زمان وبالصدفة شفتها بعمان قبل تقريبا شهرين القصة تحير وتحزن وينرادلها حل بس اني معرفت بيش انصحها
اسمعو عدها بنية من جمالها يعشقها ابن امها وابوها شنو حلاوة شنو خفة دم ،اتيكيت ،اناقة ،ثقافة ،شهادة،متكلمة،ماطولها عليكم بنية تعجب الباشا بس هاي البنية من جانت بالمتوسطة ضربتها سيارة ضربة كافرة وظلت بالمستشفى تقريبا اسبوعين تتعالج صارت الضربة برجلها بالضبط بركبتها وطارت البنية لفوك ووكعت على الكاع المهم يجوها الخطابة الام مترضى الا تكمل الجامعة بهاي الاثناء صار عدها التهابات نسائية ودتها الام لطبيبة نسائية حتى تعالجها وهناك اكتشفت ان البنية فاقدة عذريتها والله يساعدها جانت صدمة جبيرة عليها المهم الطبيبة انقهرت عليها وخافت على البنية لاتكتلها امها لان الام تتعارك وياها وتضربها وهي تكلها يمة قتليني خلاص بس والله محد صايبنيفالطبيبة هدأت الام وكعدتها وبدت تحجي وياهم وتسألهم عن تاريخ البنية وشصاير بحياتها ولما سمعت بالحادث كالت على الاكثر من الحادث وشلون الاطباء ميسوولها فحص من هالناحية حتى ينطوها تقرير بالموضوع وكان هذا تقصير من الاطباء فطلبو منها تقرير رفضت الطبيبة لان بيها مسؤؤلية عليها وهسه البنية عمرها 27 سنة لكن مكسورة ،يجوها هواية خطابة وترفض والناس والاقارب يتسائلون ليش الرفض والمصيبة ميكدرون يحجون القصة لاي واحد يطلبها من خوف لايفهم غلط ولو يفضحها او يستغلها والله من كثر ماانقهرت على البنية فكرت اخطبها لابني رغم انها تكبره بخمس سنين بس صدك البنية مسكينة وما تتفوت
هسة بنات كلولي بيش انصح الام؟؟؟؟؟؟؟؟؟؟؟؟؟؟؟؟؟؟؟؟؟
وشنو رأيكم؟؟؟؟؟؟؟؟؟؟؟؟؟؟؟؟؟؟
على فكرة لاتكولولي البنية كذابة ،لان من سمعت القصة حبيت اساعدها بأي طريقة حجيت لابن خالتي من اجا لعمان انقهر عليها وراقبها كلي البنية ما عليها اي غبار مسكينة بس هو متزوج ويحب مرته وما عنده استعداد يتزوج مرة ثانية بس كال لعل وعسى اشوف واحد من جماعتي عنده استعداد هسه اتحفوني بارائكم

هلو بنات شلونكم
wado هلو عيني والله قصة حزينه غلطة بسيطة او اهمال من الاطباء حطمت حياتها
بس اني برايي انو اذا عدهم اي شخص طبيب بالعائلة يشرحوله القصة بصورة علمية وهو اكيد راح يفتهم واي شخص يطلبه يشرحله ويفسرله
واذا ماكو طبيب هم يرحون لاي طبيب ويطلبون منه هاي المساعده واكيد هي عده تقارير من وكت الحادث يعني نص الحقيقة مبينه ويبقه على الشخص اللي يطلبه اذا يحترمه ويقدره راح يصدك فخلي تتزوج بيه واذا شك معناه راح تتعذب وياه
واذا اكو شخص من الاقارب يتزوجها بعد احسن لان اكيد يعرفون قصة الحادث بوكته يعني اللي ينكال بعدين راح ينعرف انه حقيقة وممكن ان يتصدق ومثل ماانتي صدقتي اكيد اكو ناس هم تصدق
وحرام تتزوج وتتطلق لان هذا دليل على انه هم سووا غلط وديتسترون عليه حتى اكو اطباء يخيطون الغشاء اذا ممكن بس هم مااشجع هذه الفكره هم هوايه لان اذا انكشفت بعد مراح يتصدق اللي بعده
حبيبتي احسن نصيحه مني هي الصراحة والله يسهلله يارب

دجلة شلونج راح ادزلج رسالة على الخاص البارحة كله ببالي

ام خالد

دزيتلج على الخاص

حتى لو طبيب حجى بالموضوع يمكن الشخص الطالب ميتقبل الامر وميصدك ويطلع ابن حرام والنوب يشهر بيها واذا وافق جائز في يوم من الايام يصير سوء تفاهم بسيط بينهم يعيرها بالموضوع ياريت الي ميوافق يرفض ويظل ساكت

هلو بنات شلونكم سلامي للجميع وحده وحده

ام خالد القصه الي سمعتها حيل حزينه الله يكون بعون البنيه المسكينه بس ام خالد مثل مكالت بان التقارير مال حادث موجوده يعني يكدرون يسولها شي ينقذون مستقبلها بيه
اذا طبيبه وحده رفضت اكيه اكو غيرها بس لازم تسويلها حل للبنيه وبالاخص اذا هيه خوش بنيه حرام يتدمر مستقبلها