شلونكم بنات اريد اسالكم سؤال ومستحيه
اخاف اتكولون بعد مفتي بس ميجبرك على المر غير الامر منا كتلكم الحجي سافر السوريا بس مكلتلكم ليش راح ايدور لجوء او هجره لانه مالنه عيشه بعد ابغداد اول شى الحمد الله والشكر على كل حال لاعتراض على حكم رب العالمين بس الله سبحانه وتعالى قال اسعى يا عبدي وسعى معاك فلعل وعسى رب العالمين دلاني عليكم حتى ان شاء الله وحده منكم تكدر تساعدني ومن فرجه عن مؤمن كربة من كرب الدنيا فرج الله عنه كربه من كرب الاخره بنات اني ابغداد ساكنه منطقه شيعيه والحمد الله والشكر وشهاده لله الجيران خوش جيران عايشين ابسلام كلنا مسلمين والحمد لله وزوجي يشتغل على باب الله ايوزع بضاعه للمحلات واكثر زبائنه شيعه عادي ماعنده فرق بس بحكم المنطقه الكاعد بيها المهم زوجي من النوع الخدوم جدا اني دائما اسمي سنفور خدوم وهذا اكثر شي احبه بي مفديوم قصر ويه احد الحمد الله فاتمه على رب العالمين انه يحفظليا مو اكثر والله مستعده اعيش وياه باي مكان بس الله يحفظليا ادري طولت بس عذروني ماريده ايروح من ايدي مثل البقيه الراحواومكدرت اسوي شي لهذا قررت اطلب مساعدتكم زوجي دائما يروح المحل خالي يكظيله حاجات مكتبه وشغله الي اضطر يتركه ابغدادويسافر بعد من خطف وتعذب فاخذ اهله اوسافر عادي مكتب خالي في منطقه شيعيه فذبوله تهديد في المكتب لانه سني هو وبقيه الموظفين باخلاء المكتب وتركه لهم اواعطائه الشيعي وبالفعل اعطوه الولد شيعي صديقهم لكن سبحان الله قبل فتره راح للمكتب عده غراض جابها ماكو ايام قليله بعدها وبالضبط مصباح العيد المفروض سعيد بلا اهل ولا اقارب غير الي دفناهم تحت التراب شمرو تهديد مباشر لزوجي وباسمه وهددو انه لو وجدوه في اي منطقه شيعيه وانه هم امراقبيه من مكان المكان وبالاسماء منطقه منطقه ماشين وراه ونهم عرفو طبعا وين نسكن فهددو لازم تطلع من المنطقه الكاعد بيها وان شفناك بهل منطقه او اي منطقه شيعيه سوف نقطع راسك عن جسدك ونرميك في مزابل بغداد ولم يمنعهم من فعل هذا الا انه سيدهم امحرم الكتل ابرمضان فنطونا التحذير الاخير قبل التنفيذ يعني اصورو لحد هسه من اذكر كلماتهم جسمي ايكوم يرجف بنات طلبي ان شاء الله بسيط اريدكم اساعدوني اطلع من العراق ضروري لانه زوجي متعلق ابشغله جدا واذابقى بالعراق راح يرجع البغداد ويكولي لو اطلع الدوله اجنبيه حتى ما ارجع لو ابقى ابغداد اني هسه بداخل العراق واذا محصل
لجوء او هجره راح يرجع البغداد بس دلوني وين اقدم على لجوء اوهجره اي شي بنات شلون امين وين ادور شي مضمون الله يرضه عليكم ماريده ايضيع من ايدي تدرون والله لو ممضطره ما اطلب بنات الحمد الله صابره على كل الي صار بس هوه سالم عندي 3 اطفال وين اروح الله نجى الامريكان ضربو لانه صار كدامهم وهسه طلقه واكفه يم العامود الفقري ايكولوله سبحان الله لو شويه ماشيه جان انشل وخافو ايطلعوها لتروح تطفر وتاذي والمره الثانيه هم صارو كدامه اوجاي سريع دعم كيه اوكابها والكزاز مال السياره بعد منا براسه ونكسر ظلع عنده وغيرها والحمد الله على كل حال واشكر ربي على فضله ونعمة لكن اريد جواب بنات ضروري ضروري ضروري كبل ميرجع من سوريا والله يحفظ غواليكم واذا مكدرتوا ساعدوني هم شكرا الله كريم ابوابه دائما مفتوحه..... حسبنا الله ونعمه الوكيل.
عذروني بنات طولت ادعولي
الصفحة الأخيرة
how are you all?
Nadia i saw you were talking about
what is this?u dont belive if i tell you how many kilos i am!!!!!:( حبوب الخميرة ??:حبوب الخميرة او فيتامين B-plex