auns almakan :

الى كل البنات و خاصة جماعة كندا احنا اخذنا فيزا لكندا طبعا الخبر مو كلش جديد صارلة شهر بس اني مكتلكم بسبب الظروف الي مرت على البنات و انشاءالله راح انروح عن قريب يعني بس يكسر البرد شوية فا اريد مساعدتكم.... اذا ممكن بالنصيحة و الجواب على اسئلتي اول شي...... الجو شلون يكون بالثلث الاول من اذار يعني درجة البرودة؟مثل متعرفون اني عندي اطفال تتراوح اعمارهم بين سنتين و 13 سنة......يعني شنو الملابس المناسبة بهذي الفترة ......يعني اجفتلهم كم بلوز....خخخخخخخ ثانيا........المدارس..شوكت الدراسة تبداء و شوكت تنتهي؟ و اذا طالب جديد يوصل كيف يتعاملون معاه يعني يمتحنوه وعلى درجة الامتحان يحطوه بالصف المناسب؟ او يحطوه بالصف حسب متشير الوثائق الدراسية في اي مرحلة هو لو فقط ينزلوه سنة و السلام ثالثا......الاجهزة الكهربائية اعرف ان الفولتية مختلفة هل يعني هذا ان جلب اجهزة بسيطة مثل السشوار او ماكنة ازالة الشعر حتكون بدون فائدة.......يعني اتخلص منها احسن؟ و ماذا عن الكومبيوتر؟ الشغل......طبعا ليس من السهل الحصول على الشغل بالاختصاص لكن حسب علمي اكو ايجنت ممكن يساعد شنو رايكم ؟ و اسم الله اذا واحد محصل شغل بسرعة و خلصت فلوسة شلون؟(اكو جامع يوكف يمةخخخخخخخخخ) علما ان زوجي ديحاول عن طريق النت لكن المشكلة ميكتبون الاختصاصات المطلوبة؟ السكن ........يعني واحد اول ميوصل يلكى سكن بسهولة؟و شلونها الاسعار ؟ وشلونها البيوت يعني اني عندي 4 اطفال احتاج بيت بيه 3 غرف نوم على الاقل وهل البيوت مؤثثة لو احنا ناثثها......وحوالي شكد نحتاج حتى ناثث بيت بس بالظروريات طبعا قريت ان احد من دائرة الهجرة يستقبل القادمين الجدد شنو دورهم و شنو الي ممكن يقدموه وهل صحيح ان يسالون عن الرصيد و الواحد لازم يكون حاملة وياه؟ اخر شي الاسعار شلون اسعارالملابس؟ احنا راح نجي على نهاية الشتا شوكت تصير التنزيلات حتى واحد يشتري ملابس للشتاء القادم اذا الله خلانا طيبين؟ لان هنا ماكو ملابس شتوية واذا اكو فهية اي كلام لان هنا ماكو شتا وهل الكفوف و الفاف والجواريبات الثخينة تلبس على اذار؟ وفي الصيف اكو حر حقيقي؟ يعني ممكن الاطفال يلبسون تي شيرتات و ملابس خفيفة الاجابة على كلها رجاءا ماكو ترك والي متجاوب عليها كلها راسبة من هسه ادري اسئلتي هواية بس اني ما اعرف اختصر وبالي مليون سؤال.....و خايفة حيل......مرعوبة لان حياة جديدة مختلفة عن ماليزيا الي راح اكمل بيها 7 سنين راح نرجع من الاول نحاول نستقر و نبني حياتنا......وهذا شي كلش صعب اني متونست بماليزيا الا السنتين و نص الي الاخيرة والا اول فترة كلها تعب وركض والله على كد مفرحت بيها على كد منقهرت لان اهلي شتتو بين الدول امي و اخواني وخواتي وممستقرين...و المشكلة احنا عاجزين ان نساعدهم .....و العراق الي ينهشون بيه الي ميخافون من الله انشاءالله تفرج و نرجع كلنا نبوس تراب العراق

الى كل البنات و خاصة جماعة كندا احنا اخذنا فيزا لكندا طبعا الخبر مو كلش جديد صارلة شهر بس اني...

mamazozo :

ياسو بشري ماكو خبر الله يفرحكم برجعته بالسلامه بنت ديالى تدرين واني اقره عبالك انتي تكتبين عني لكن الفرق اني لسه ما شديت حيلي لان اولادي بعدهم زغار بس همين ناويه اشد الحيل اذا كبرو شويه يله عفيه اكتبي شصار وياج بس بيج وما تطولين لان زوجي راح يروح للحج وراح اضل وحدي لازقه هنا فما عندي شغل وعمل حتى طبخ كتله ما راح اطبخ اذا انته ماكو auns almakan الف مبروك الفيزه وان شاء الله تتمم عليكم وتوصلون لكندا بسلامه ما اكدر افيدج عن كندا لان اني بامريكا لكن اذا انتو جايين لجوء اكيد راح تتلقاكم المنظمه ويتكفلكم احد لفتره او اذا عائله ياجرولكم بيت وينطوكم مساعدات كم شهر واذا جنتو جايين على حسابكم قصدي سويتو معامله الي بيها اللغه وقلتو عدنه رصيد فاعتقد كلشي ما تحصلون وشويه تجيكم ضروف صعبه الى ان ترتبون نفسكم وهذا الشي اعرفه لان بنت عمتي سوتهه هي وزوجها واجتي لكندا فاخذو وقت الى ان شتغلوا ورتبو امورهم كندا قريبه علينه فالجو ببدايه اذار راح يكون بيه بروده فاهم شي بلوزات وجاكيتات لان بره بارده لكن اي مكان تدخليه راح يكون بيه تدفئه فلازم ينزعون ام زيودي ومووون شلونكم قلب سلام لكل البنات الله يخليكم اكتبو تره روحي طاكه راح افارك الرجال وهذه اول مره شلون بيه راح اضل وحدي هنا

ياسو بشري ماكو خبر الله يفرحكم برجعته بالسلامه بنت ديالى تدرين واني اقره عبالك انتي...