banuk :

اليوم اكمل بقية المعلومات ولو بعد هم ماكو مشاركات العراق يقوم بأستيراد اكثر من 1200 مجرم و 400 مهرب و ذلك لتوفير فرص عمل للشرطة و القضاة و المحامين الذين يعانون جميعا من البطالة المستمرة منذ اكثر من 3 سنوات بسبب الاستقرار الامني و الاجتماعي الشديدين * العراق يقول أنه لن يسمح لفرنسا بالاستمرا في برنامجها النووي و يحذرها ان مصيرها سيكون نفس مصير كندا لو استمرت بذلك البرنامج و فرنسا تتعهد بالنظر في التهديد العراقي بصورة موضوعية * 3 طلاب سويديون يفصلون من جامعة بغداد لتقديمهم رشاوي الى أستاذ بحريني *أحالة مسؤول في مجال الطاقة الى القضاء بعد ثبوت التهمة الموجهة اليه بالاهمال في اصلاح خلية شمسية تجهز نخلة بالضوء و الطاقة في منطقة العلاوي ويذكر ان العديد من المتخصصين طالبو بأنهاء العمل بهذة الطاقة القديمة و استبدالها بالطاقة النيوتراليكترونية التي تجهز العراق بالطاقة اضافة الى 77 دولة اخرى .. * العلماء العراقيون يعلنون انهم استطاعو اجراء اول عملية جات مع مواطن في كوكب المشتري عن طريق (yahoo messenger with voice) و لمدة ساعتين متواصلتين و ظهر المواطن كألخبل و هوة يرسل (buzz,,buzz,,buzz) بصورة متواصلة مما يرجح ان نظام الاتصال في المشتري يعتمد على كارتات اوروك المنقرضة من اكثر من 1200 سنة * عراق سات 2 يتعرض لخلل طفيف يوقف شبكة الموبيل لمدة 1.22 ثانية و انتحار 22 مواطن بسبب هذا الحادث . يذكر ان مدى شبكة عراقنا يصل الى تنزانيا :hahaha: :26:

اليوم اكمل بقية المعلومات ولو بعد هم ماكو مشاركات العراق يقوم بأستيراد اكثر من 1200 مجرم و 400...

ياسو :

هلو بنات (شدعوة بنات هوة احنة صفينة كم وحده ولله الحمد ) شلونج حبيبتي بان شسويتي بية خربتيني من الضحك والله بس احلة شي مال منتخب البرازيل وشبكة عراقنا هوة اني زوجي كاعد بصفي وما احصلة هههه اغلى وطن خير اشو ماكو انتي دجلة ووووووو:09: بنت ديالى اللة يسلمج حبيبتي ورمضان كريم:26:

هلو بنات (شدعوة بنات هوة احنة صفينة كم وحده ولله الحمد ) شلونج حبيبتي بان شسويتي بية خربتيني من...

ريم ام يوسف :

السلام عليكم شلونكم بنات حبيت اسلم عليكم ادري الكل مشغول بالعبادة وقراءة القران الكريم لان هو شهر القران والله يزيدكم ايمان وتقوى يارب ياسو حبيبتي احنا كلنا موجودين بس ملتهين لو بالفطور لو باالعبادة وقراءة القران لو بالمدارس مابيهم شي البنات حبيبتي ليظل بالج ولتخافين مراح نصفة على كم وحدة كلنا موجودين بس يخلص رمضان على خير وسلامة وتشوفين الحماس :7_5_131: بالمشاركات اتكومون اتكولون هاي ليش مشيتوا بسرعة انتظرونا لتركضون على كيفكم يمعودين مدنلحك بيكم عفناكم قبل شوية جينا شفناكم ماشين خمس صفحات مو؟ لو مو مو؟

السلام عليكم شلونكم بنات حبيت اسلم عليكم ادري الكل مشغول بالعبادة وقراءة القران الكريم لان هو...

ياسو :

هلو بنت ديالى حشاج حبيبتي والله اني هم كولش ضايجة مااعرف البنات شبيهم مزاعلين المنتدى وما يدخلون الة كوة واللة مع الاسف بس ياللة البركة بيكم ان شالله:) بان عيوني والله اني موجودة بالليل والظهر وا شوكت ما جان اني اتشرف بيج:26:

هلو بنت ديالى حشاج حبيبتي والله اني هم كولش ضايجة مااعرف البنات شبيهم مزاعلين المنتدى وما...