السلام عليكم و رحمة الله و بركاته

شلونكم بنات

أدري داخلة عرض و مسجلة غياب من زمان

بس دايما وياكم و متابعتكم

أكول أريد طريقة كبة البرغل الموصلية

و لا تكولون فيها جريش

ما عندي غير البرغل

دبرولي صرفة

أريد أسويها (كبة برغل عراقية مسلوقة مومقلية)

الله يخليكم لا تنسوني

أذكر الأخت نيبال كالت سوتها

بس ما حطت المقادير و طريقة العمل

رجاء حار خواتي

أريدها بشكل عاجل

اي سوتها نيبال وحطت المسكينه حتى الصور مو بس المقادير
تلقيها باطباق حواء الساخنه

اني جربت كبه حلب طلعت تخبل
هم على طريقه نيبال

واريد اجرب ام الجريش بس ما بيه حيل هسه يمكن باجر

<<<< كل يوم تقول باجر


صدك نسيت اقولكم رمضان كريم
بنعاد علينا وعليكم بكل خير
ويفرجها على العراق من هل مأساه الي صايره بيه
ولو ما تفرج بعد على العراق ابد


والله من زمااااااااااااااااااااااااااااااااااااان ما داخله تجمعكم
دخلت بس كم مره وكتبت شويه وبعدين فللت
من سقطط ليهسه مادخلت هنا


بس يلى راح ارجع ادخل انشالله ولو رمضان ما يخليلنا وقت



هنادي
اذا انتي تريدين بي ام البرغل فهذي تصير كبه سوريا مو عراقيه
تصير العجينه مالتها بس برغل ولحم
تعجنيهم بست البيت او اذا عندج مثرامه كهربائيه تصر احسن
والحشو نفس الحشو بكل كبه

هذا الي اعرفه
ولو اني مره جربتها اخذت المقادير من بنت سوريا والله طلعت تخبل
بس طبعا برمضان ماكو اطيب واحلى من الاكل العراقي

دوختكم مو باله
اكيد اريد اسولف مليت محد احجي وياه هنا بس رجلي

جزاك الله كل خير يا أختي

حصلت موضوع الأخت نيبال

بس ما عندي جريش

خليني أجرب و أرجع لكم

هلو بنات شلونكم ان شالله زينين طبعا رمضان ملهينه والله بس يا محله هاي اللهوه الي بالعباده والله تخبل ياريت لو كل ايامنا رمضان
حبيت اسلم عليكم ان شالله الجميع بخير
بنات على سيره الحلقوم شنو يعني مستكه
وشنو تسو هاي للحلقوم اني سويته والله هوه طلع طيب مو مطيب بس مو من هذا العلوج
يله اشو فكم على خير وبركه ان شالله الكل اجمعين

مستكه

هو نفسه علج بستك مدري مستك الي ياكله بيبياتنا بالعراق
ما عدهن سنون ويعلجن بيه
يصير شويه بيه طعم مروره على ملوحه
ويصير شكله مثل الكرستال مخربط ماله شكل محدد


وهو ينضاف للحلقوم دوم اقرى عنه بالحلقوم بس ولا مره جربته والله