هلو بنات شلونكم ان شاء الله الجميع بخير شلونج سما حبيبتي
سمراء العراق خلي نشوفج دائما ونريد معلومات عنج يعني الحاله الاجتماعية وين انت ببغداد بيامنطقه
يعني اي شى عنج علمود نتعرف بيج اكثر واهلا وسهلا بيج مره ثانية

بنات صدك اريد مقادير الكنتاكي بوكته وحده من البنات جانت مسويته يمكن ريم ام يوسف اريد المقادير مضبوطة يعني اسويه الدجاجة بدون سلق راسا ني واكليه وشكرا مقدما

سمراء العراق
اهلا وسهلا عزيزتي ان شاء الله انشوفج دائما بالموضوع
بس شويه مشغولين ويه رمضان والمدارس

دجله

عاشت ايدج عالزلابيه ويمكن اني الي خليت المقادير
لان هذه طريقتي ما استغني عنها ودائما يطلبوها مني بالجامع
دجله بيمن حطيتي العجينه

ام مريم
عيد ميلاد سعيد لمريومه وكل عام وهيه بالف خير والكيكه تشهي هوايه
والنشيد هذا يعجبني هوايه يطلعو بالتلفزيون وضل لازق بلساني


انس المكان
شلونج عيني مشكوره عالطريقه واجرب واكلج شلون طلع
لان تعبت من الاكل والطبخ

سلالام لكل البنات ورمضان كلش شاغلنه
البارحه جان فطورالجامع عليه اني وبنات اثنين وياي
وسويت دولمه وبورك وتبسي بذنجان ورز بالشعيريه ودجاج بالفطر وسلطه
صارلي 3 ايام اشتغل بالطبخ
والحمد لله طلع طبخي كلش طيب
فاني فرحانه لان فظل افطار الصائم كلش جبير
وانتو بنات ماكو جامع تجمعات تتونسون وتفطرون

بارك الله فيج ام زوزو ونيالج ياريت لو يمي احد وافطره لان اعرف اجر افطار الصائم كبل بالعراق جنه برمضان ندزه حلويات للجامع بس هسه ماكو مفتقدين هالاجر الله يرزقه هالنعمه على القريب يارب
الله ياجرك بالخير يارب

السلام عليكم شونكم بنات ان شاء الله بخير
مشتاقتلكم هواي بس سبحان الله رمضان ايامه حلوة وحرامات خلص بسرعة وشوية التهينة وتعرفون جهال وطبخ الله يعين ويتقبل صيامكم ودعواتكم ويحفظ اهلنة كلهم بل عراق والله تعبانة كلش من وضع العراق الله يحفظ اهلنة والله كاعدين بلنار دعواتكم وياية الله يحفظهم وتزول هلغمة عن العراق

بان عزيزتي اشلونج وبنتج اشلونه ان شاء الله بخير ..
هاي طريقة الكنتاكي نفسها مال ريم صديقتي ام عبدالله علمتنياها ارجو ان تضبط معاج هي يرادلها تتقله بدهن غزير
طبعا بلبداية تاخذين دجاجة وتقطعيها او افخاذ الدجاج اي شيء تحبيه ونغسلها بل ماء بس مانسلقها
ننقعها بلتتبيلة لمدة ساعتين على الاقل وكلما زادت المدة كلما احسن
اللتتبيلة
1 ملعقة اكل لبن
1 ملعقة اكل راشي
1 ملعقة اكل كجب
فص ثوم
بيضة مخفوقة
نومي حامض
تخلط المقادير السابقة وتنقع بها قطع الدجاج او الافخاذ لمدة ساعتين او اكثر وتوضع بل ثلاجة وممكن زيادة المقادير التتبيلة السابقة حسب مقادير الدجاج اللذي عندج
وبعد ان تنقع في التتبيلة تلوث بلبقصم ( الخبز المكسر ) وبعدها نضع الزيت كمية غزيرة من الزيت في الطاوة او جدر صغير وبعد ان يحترق كلششش نضع القطع الدجاج الملوثة بلبقصم ونتركها على نار هادئة حتى تنضج واذا لم تكن الزيت غزير والدهن حار راح يوكع البقصم مثل ماصار بيه اول مرة بس المرة الثانية نجح عندي وحاولي انه الزيت يغطي قطع الدجاج ولفترة طويله وعلى نار هادئة ولما تنضج القطع ممكن انه تحطيها على الورق النشاف للتخلص من كمية الدهن
ارجو ان اكون فهمتج لان اني ابني حرم علية الكمبيوتر ومعيشني بحصار لا اكدر اتصفح نت ولا اخابر بلتلفون معذبني والله وعذريني على سوء التعبير لان كوة كتبت
سلالامي للجمييع
دجلة شكرا على الزلابية بس مشكلتيييييي دجلة :( :( كبة الحلب العجينة صار 3 مرات تخرب راح اتخبل ماادري ليش بلرغم كبل امسوية اهواية هل يوم اتنرفزت ماادري يجوز من ورة ابني بس يكنكن ويتبجبج فوك راسي بس وراها وراها الا اسويها لان شفت طريقة الكبة ماشاءالله كلش حلوة عاشت ايديج

سلالامي للجمييع واهلا وسهلا بلجديدين كلهم

دجلة نسيت ان شاء الله ربي يرزقج بلذرية الصالحة ان شاء الله بس يكون الطفل عاقل مو مثل ابني
ام مريومة اشلونج عيني ماشاء الله على الكيكة كلش حلوة عاشت ايديج ومبروك ميلاد مريومة ويوم اللي تشوفيها متخرجة وعروسة وان شاء الله السنة اللخ تسوين كيكة اخوها او اختها
سلالامي للجميع مرة لخ