السلام عليكم شونكم بنات
اني كمت اكره الاماراتيات كلششششششششش اكتشفت حقيقتهم والله زوجي شكد يكلي نقدم هجرة واني اكلة مااروح ابلد اجنبي بس هسة لا والله يمكن الاجانب احسن منهم ذني والله لو تشوفوهم كلشي ميفتهمون ويروحون فدوة لتراب العراق مع الاسف والله يعني كاعدين بلبيت ومنطلع وهم تجينة المغثة مع الاسف والله مال واحد يشتكي عليهم وينحذف الموضوع
سلالامي الى كل العراقيات الي اشرف من الشرف على عناد شيخة وموزة ووو

في هذه الاثناء معسكر فالتون المستودع الرئيس لعتاد الجيش الاميركي يتفجر ويحترق بالكامل وانباء عن مصرع وجرح قرابة 100 جندي اميركي اتصلت الان باحد الاخوة في منطقة كرطان واوضح لي ان سماء المدينه تشتعل وان جنوب بغداد يتهز مثل مهد الطفل جراء الانفجارات من داخل القاعده وان القوات الاميركيه لا تستطيع انقاذ جنودها الذين داخل القاعده وساقوم معكم حتى الصباح باذن الله بنقل اخر التفاصيل لكم
والخبر الآن بالصورة على الجزيرة مباشر .. ( ولا يزال الذين كفروا تصيبهم بما صنعوا قارعة أو تحل قريبا من دارهم حتى يأتي وعد الله ) .. ( قل هل تربصون بنا إلا إحد الحسنيين ونحن نتربص بكم أن يصبكم الله بعذاب من عنده أو بأيدينا فتربصوا إنا معكم متربصون ).. الحمد لله حمدا يليق بجلال وجهه وعظيم سلطانه الله أكبر ولله الحمد

السلام عليكم بنات
اني لكيت هذي المسجات و فرحت بيها و ردت افرحكم ويايه
و اني هسه راح اروح افتح التلفزيون و اشوف شصاير
والله يهجم امريكا بعقر دارها و ايران و كل من يريد شر بالعراق حتى لو بكلبه
اللهم امين............اللهم امين............اللهم امين............

الله يبشرج بالخير بارب العالمين ويفرج قلبج مثل ما فرحتيني




بنوته بغداد
والله لا تروحين بلاد عربيه ابد
روحي عيشي بوسط اليهود ارحم من العرب
واذا تريدين تطلعين من العراق تعالي دوله اوربيه حبيبتي
حتى لو تعيشبن عمرج كله بدون اقامه مو مشكله المهم امان ولا منيه عربي واحد
وحقوقج تاخذيها كانج بنت البلد بكل الدول الاوربيه الي يقولون عنهم مسيح ويهود والله والله والله اشرف من اكثر من نص العرب


شويه وارجع اشوف الجزيره

السلام عليكم ورحمة الله وبركاته (اليوم داخلة جديات )
اول شي بنات يمكن قريتو الخبر عالجزيرة احنة للصبح واكفين عاسطوح ونتفرج عالانفجارات يعني والله فد شي يفرح وطبعا المنظر وكانه العاب نارية بحيث سماء بغداد اشتعلت شعل وصارت حمرة اني صورتهة وطبعا الانفجار هوة علة طريق السريع مال حلة يعني بالضبط يم جسر صدام( تذكروا )وجماعة خابروا من العامرية والجادرية يكولون دنشوفة فتخيلوا حجم الانفجار والله عاشت ايدة اللي سواها هذة صدك مجاهد ان شاء الله ايدة بالجنة
نجي علة موضوع الاماراتيات قبل كولشي اللي صار شنو, كاتبة الموضوع دتحجي عالوافدين يعني ما حددت العراقيين بالذات يعني احتمال مر كدامهة موقف ضاجت منة وحبت تحجي عنة واني اللي اعرفة انو العراقيين اللي بالامارات كولش راقيين وحملة شهادات يعني مو اي شي واذا اكو فد نماذج مو زينة فهاي موجودة بكل الدول يعني مو بس العراقيات وهذة مو معنى انو يحكمون عالعراقيين انو همة هيجي
ثانيا يا ام يوسف انتي من طلعتي من العراق مو بطر لا ,انتو طلعتو لان الاوضاع صعبة ومن المستحيل انو تعيشين العيشة اللي جنتي عايشتهة ببغداد يعني سامعة بالمثل المصري من دخل من داروا قل مقداروا وحشاج يعني مو قل قدركم بس اذا ما تاذيتو ماديا ف معنويا ف مثل ما كتلج انتي ما طالعة بطر فلازم تتحملين كولشي انتي اجيتي لبغداد وشفتي بغداد والعراق كولة صار مو النة ف مستحيل بعد تفكرين ترجعين فعلة هالاساس لازم تتحملين وطبعا همة بلدهم وهم يريدون يدافعون عنة وترة العراقيين بغير دول تعرضوا لاكثر من هذة بالخص الاردن وكالو بعد ما نطلع من بغداد وبعد ما نروح لعمان بس راحوا لان مجبورين وما عدهم غير مكان
ترة انتي بغداد عيشتج بلا كرامة يعني يكفينا اهانة انو يدخلون عالعوائل هذولة الجلاب ويحطون كيس براس زوجج او ابوج او اخوج او يفوتون علة غرفة نومج ويفتحون المجرات والدواليب وبالشارع تسمعين منهم كل انواع المسبات وغيرها وغيرها هاي مو اهانة فيا بنات اللي ارجو منكم انو تتحملون ولا تخلون ببالكم هاي السوالف يعني انتي ما شاء الله طالعة بزودج وما رايحة بصدقاتهم دتعيشين ومستحيل تتعاملين معاملة المواطن لان هاي جانت بس عد صدام ف هدوا نفسكم حتة لا تصير بينكم هالحزازيات واحنة كولنة اسلام واذا همة ما فتهموا هالشي انتو فهموهم وان شاء الله يرجعلنة العراق ونعيش كلنة جوة سقفة وعود ذاك الوكت ما نعامل الوافدين مثل المواطنين
بنات ارجوكم لاحد يزعل مني ترة اني ما دادافعلهم بالعكس اني اريد اريحكم حتة تتحملون الغربة وتعينون ازواجكم واطفالكم عليها :26:

والله انعل اليوم الي طلعنا بيه من بلدنا
حبيبتي احنا العراقيين عمرنا ما نرتاح والله
من ضيم لضيم
ومن قهر لقهر
اني بدوله يهوديه والله ما بيون سمعت كلمه وحده تغثني
ومحجبه وحجابي قوي ملتزمه وبعد معاملتهم الي والله من ارقى ما يكون
بس هذا حال العرب كل سوه له زين بدو بهل معاير والمنيه الي محد يتحمله حتى الميت جوع
واحنا الحمدلله عايشين كنا باحسن عيشه والله وبيتونا نحلم بيها هسه وحدايقنا
بس الدنيا جارت علينا يا اختي
نخليها بيد الله الي ما يضيع حق احد
وترى الطعن بالشرف كبير وحسابها عسير عند الله
ومو يعني عايشين عدهم نتحمل كلامهم القاسي
ومو اي كلام كلام الشرف ومحد يرضى عليه والله ولو عدنا هل حجي بالعراق صاير والله كان صار بيها مذابح
لكن الله كريم سبحانه ماعدنا غيره


وبالنسبه للانفجار والله برد قلبي والله
وهسه اريد ادق على امي واشوف الاخبار شلونها


وترى صاحبه الموضوع كتبت اعتذار بنفس الموضوع

من ادق على امي ارجع انطيكم الاخبار
لان امي حاطيها منتكارلو المنطقه
موجز الاخبار كله يمها
اخويه يكولي لا تشوفين اخبار دكي على امي وهي تقولج كل شي
ههههههههههههههههههههههههه