اغلى وطن :

السلام عليكم بنات شلونكم ان شاء اله الكل بخير اني متابعتكم بس مدا الحك , واصلا من ورة اخبار العراق كلش تعبانة, ولو اليوم من صار اقتراح المصالحة من المملكة العربية السعودية (بارك الله بيهم على هالمبادرة الرائعة , بلكي عسى ولعل رب العالمين يفرجهه علينه وتتصافى القلوب , سبحان الله مقلب القلوب بيده الملك ويفعل مايشاء) يااااااااااااااسو ياعيني عليكم, والله لو نحجي للصبح مانكدر نواسيكم , على شنو وشنو نواسيكم (الوضع مو زين ومحد يدري بيه بس اللي عايش بيه) متغربين وانتوا ببلدكم , فاقدين الامان وانتوا بين حياطين بيتكم, مانكول إلا لاحول ولاقوة إلا بالله انت على كل شئ قدير وهو الرحمن الرحيم , قادر ياكريم تفرجهه بلمحة بصر ان قلت لشئ كن فيكون. والله يا ياسة ما ادري شكولج بس اللي اعرفه اكو هواية عوائل توجهوا الى شمال العراق بحدود 50 الف شخص طلباً للامان , يعني ممكن ان يكون مقترح يساعدج , وقسم لجئوا للمحافظات الآمنة .صحيح صعبة والواحد يصير مو مستقر بس مانكول غير الله كريم وماعدكم غيره. أنس المكان بارك الله بيج يااختي على هالاقتراح , مانكول إلا لعنة الله على من فرق بين العراقيين وشعل نار الفتنة بينهم, ويارب ياحنان يامنان يارحيم ارحم بحال اهلنا في العراق وألطف بهم وارجع الامن والامان الى ديارنا امين يارب. مبادرة كلش كلش حلوة وياريت لو نساهم ولو بكلمة بلكي يغير , ولو احنه ندري هيه الشغلة بأيد منو وشلون ديلعبون بحياة الشعب ولاهمهم انهار الدم اللي تجري يومياً, حسبي الله ونعم الوكيل على من تلطخت يديه بدماء اهلنا وعلى كل من خان بلده . moon_2005 حمدلله على سلامة علاوي وعلى سلامتج , وان شاء الله هسه احسن ابيسة ام جوجو , يارب ياكريم يرد ابن خالتج الى اهله ويعيد وياهم قادر ياكريم , يارب ارجعه سالماً معافى وأقر عين والدته برجعوه امين يارب دجلة سلامتج يا اختي, والله الكل مشتاقين , وقلوبنه نار على اهلنه واحبابنه وعراقنه, استغفر الله العظيم يارب لا اعتراض على حكمك , بس والله تعبنه مانريد بس القلوب تتصافى يارب يارب انزل السكينة والسلام على قلوبهم يارب رقق قلوبهم وانفخ بها الرحمة ليرحموا ويتقوا ربهم باهلنا, امين يارب سلااااااااااامي الى كل اخواتي العزيزات وان شاء الله الكل بخير وسلامة

السلام عليكم بنات شلونكم ان شاء اله الكل بخير اني متابعتكم بس مدا الحك , واصلا من ورة اخبار...

ياسو :

بنات عفية شلون بية اني كلش خايفة ومرعوبة الوضع هسة صاير زفت يعني يوم علة يوم ديصير فد مرة واني ما داعرف شسوي محبوسين بهالبيت لا نطب ولا نطلع كل شوية نسمع طلقات ويجون يكولون قتلوا واحد دبروني شسوي لا تكولولي سافروا لان تعرفون السفر شكد مكلف والكم فلس اللي عدنة ما يسوولنة شي يعني اني مااريد اروح لسوريا لو لعمان كم يوم وارجع لان تعرفون هناك شغل ماكو اني ماخذة الطابق الثاني مال بيت عيالي لا اكدر ااجرة لان عيب منهم ولا اكدر ابيعة عدنة قطعة ارض بس ما تنباع لان ماكو بيع وشرة هسة زوجي ديقترح علة ابوه اناجر سوية بغير منطقة لان اني ما اكدر اكعد وحدي وزوجي يروح للشغل وحتة لو اجرنة هية كولها نفس الشي يعني ماكو منطقة اامن من الثانية عفية راح اتخبل ساعدوني هسة خابرونة صديق زوجي خطية خاطفيه والبارحة جماعة اصدقائنة ماخذين ابنهم من المحل مالتة ولكوا بعدين بالطب العدلي ,يعني والله لو اريد احجي جان شيبت راسكم بنات تحملوني لان ماعندي غيركم اشكيلة:(

بنات عفية شلون بية اني كلش خايفة ومرعوبة الوضع هسة صاير زفت يعني يوم علة يوم ديصير فد مرة واني ما...

دجــــلــه :

لا يمكنك مشاهدة هذا التعليق لانتهاكه شروط الاستخدام.