اني من العيد اتذكر المراجيح القديمه اللي تكون خشبيه ومتنقله
ومن الحلويات والنستله تقريبا كله اتذكره
سما عاشت ايدج على المعلومات

السلام عليكم
اني كتبت ردود تملي الصفحة وما ادري النت فاصل صارلي ساعة اكتب و لما دزيتها راحت بالباي باي
باجر ارجع اكتبها انشاؤالله

سما انت كتبتي مصطلحات ومعناه شوفي اني شجبتلج

اهم العبارات العراقية المستخدمة

تريد الصدك لو ابن عمه = مقدمة لكذبة من الحجم العائلي ;)

ومااطول عليك السالفة = جملة محشورة داخل قصة يزيد عدد كلماتها عن 100000000كلمة :09:

ومانشوفلك إلا = يعني موسيقى تصويرية قوتها 7.9 على مقياس ريختر لقصة سخيفة

وما كذبت خبر = عبارة لنفش العضلات وبداية لكذبة ورسم بطولات ما حصلت إلابالخيال :7_5_122:

انت بعدك متعرفني زين = تقال عندما يشعرالمتكلم انه تبهذل وانمسحت كرامته بالكاع

الله يستر عليها = تقال بعد نهاية كل قصة تم فيها نشر جميع بنات المنطقة وصديقات بنات المنطقة عالحبل :a_smil17:

والله مكانك خالي وتمنينا تكون ويانه = تقال لحرق أعصاب المستمع واذلال شعوره

بس انت بصراحة يعني لاتزعل مني = مصطلح يهيؤك نفسيا لسماع مسبة ولكن بطريقة مؤدبة

أني والله ميهمني = تدل على اهتمام المتكلم حتى الموت بالموضوع

هسه شعلينه احنه = نهاية الحديث البايخ الذي كان يتكلم فيه على غيره بما لايخصه

الله كريم و ان شاء الله مااقصر وياك= بعبارة أخرى.. انسى الموضوع

بس لا يروح فكرك بعيد= يعني سوي نفسك مسمعت كل البلاوي ال حجيتلكياها

والله لو ادري ولااعوفك =عبارة لتحميل منية ببلاش فوق الهم الأكله :ohplease:

بــــــــــــــــــــــــــــــــــــــــان
ههههههههههه اليوم بدعتي ( ماتكوليلي هذه من يا موقع دتجيبيهه)
(الله يستر عليها = تقال بعد نهاية كل قصة تم فيها نشر جميع بنات المنطقة وصديقات بنات المنطقة عالحبل )


(انت بعدك متعرفني زين = تقال عندما يشعرالمتكلم انه تبهذل وانمسحت كرامته بالكاع) ههههههههههههه

تسلمين حبيبتي نادية بس انت اللي معبرتني ورافعه معنوياتي هههههههههههه
مو وعدتكم البارحة وان شاء الله وفيت
وهاي الشغلات صدكيني مااعرف على ياموقع بس الناس تدزلي واني انزله الكم

(الله يستر عليها = تقال بعد نهاية كل قصة تم فيها نشر جميع بنات المنطقة وصديقات بنات المنطقة عالحبل ) هاي اني هم عجبتني لان صدك اكو هوايه ولد يستعملوه