احب العراق :

السلام عليكم بنات ما شاء الله رحت شويه افتر بباقي المنتديات و رجعت لكيتكم ما شاء الله ماشين هوايه الله يزيد هذه اللمه الحلوه انس المكان ان شاء الله باجر نبتدي الحفظ , و ما شاء الله انوسه طلعت ممثله و احنه ما ندري بيج, بس مو خطيه الوالده هيج تفززيهه. دلع دلع الله يكون بعونج و يصبرج على النونو الي ما عاجبه الوضعيه بره و ضحكتيني على شغلة طولج مثل نيلز و سوالفج انت و هدول الله يجعله ضحكة خير يا رب شلونكم عيني باقي البنات و شلونهم الصغار الحلوين اما موضوع السياقه اني من خلصت صف اول كليه الوالد الله يخليه سجلني بدورة تعليم سياقه و جنت كلش فرحانه و طبعاً او ما كعدت و بديت اسوق جنت اشيل هم تبديل الكَير لأنه اكول اني شلون راح اعرف ابدل من الواحد على الاثنين و بعدين صارت عادي كلش و اني اموت على السياقه مثل هدول و من اول ما تعلمت بديت اخذ السياره و اطلع بيهه و اكَضي كل شغلاتي و خصوصاً الوالد ما جان يمانع حتى بعد ما تزوجت :arb: ما جان عنده اعتراض على الموضوع لأنه جان كل المسواك عليه فهو مرتاح من هذه الشغله و حتى جنت السايق لصديقاتي يعني وين ما ريدون يروحون اني اوديهم لأنه كلهم ما يعرفون يسوقون و حتى بعد الحرب بقيت اسوق الى ان صارت الشوارع جداً تعيسه يالله بطلت اما الموقف الي صار بيه مره بعد الحرب اتفقت ويه صديقاتي انه نروح الى سهام العبيدي و طبعاً كل وحده من عدنه وياها علاكَه(صغارنا) المهم افترينه شويه بالمحلات الي يم سهام و بعدين رجعنه للسياره علمود الصغار الي تريد تشربه الحليب و الي تريد تغيرلهه ملابسه و كعدنه بالسياره حوالي نص ساعه و نزلنه من السياره حتى نكمل باقي المحلات و هنا صارت الفقره اللطيفه نزلنه من السياره و قفلنه كل البيبان و نسيت مفتاح السياره داخل السياره و ما جان عندي واحد ثاني و تعالي تفرجي علينه ما بقه احد بالشارع ما عرف بالموضوع و كل الشباب الي بالشارع اجوي يحاولون بالسياره حتى يفتحوهه و السياره ما تقبل تنفتح ابد و صديقاتي يكولولي خابري على زوجج خلي يجي يجيبلج المفتاح الثاني و اني ما اقبل لأنه اكيد راح :angry2: (و هو زوجي الى الان ما يعرف بهذه الشغله) و بعدين بواسطة (سلك حديدي) و عن طريق فتحه صغيره بالشباك فتحنه السياره بس اني جنت صايره فلم هندي و امشي و اكولهم للبنات هاي كله من وره :arb: لأنه هو يموت من سهام العبيدي و طبعاً عندي بعد هوايه سوالف بس هذه اقوه وحده بيهم دوختكم مو بالله هسه تكولون هذه شكد :a_smil17: تحجي

السلام عليكم بنات ما شاء الله رحت شويه افتر بباقي المنتديات و رجعت لكيتكم ما شاء الله ماشين...

احب العراق :

يالله عيني بنات اني تسمحولي اروح انام تصبحون على الف خير

يالله عيني بنات اني تسمحولي اروح انام تصبحون على الف خير