احب العراق :

مرحبا بنات شلونكم ان شاء الله الكل بخير ام شهد شلونج عيني ام شهوده و شلونهم الحلوات شوشو و ايوته ان شاء الله بخير و اليوم لعيونج جايبتلج اكله جديده و ان شاء الله تعجبكم و رانيا و روان بخير و يبوسون خدج و بالنسبه لتعليم الاولاد و الله اني رناوي هيه علمت روحهه بروحهه اني ما علمتهه و بعدين دخلت روضه و صارت احسن بس اهم شي من تعلميهه لشوشو كوليلهه الحروف (يعني مثلاً حرف أ لا تكوليلهه هذا الف كوليلهه هذا ااااا)يعني مثل ما ينلفظ بالكلمه حتى بعدين من تبدي تريد تقره كلمه تعرف تتهجاها و تقراها و ما تصير صعبه عليهه. و عاشت ايدج على الاكل الي يشهي كلش (طكوك خالي طكوك) انس المكان شلونج عيني و شلونه حروثي ان شاء الله بخير و عاشت ايدج على (تفاحه؟و رمانه؟و حليب) بان شلونج عيني و شلونه مريومه الحلوه يالله دنزلينه فد صوره الهه حتى نشوفهه هدول سلامتج عيني و ما على قلبج شر و هذه الحصوه منين اجتج و الله يكون بعونج على المهه زيتا شلونج ان شاء الله بخير ياسو مرحبا حبيبتي شلونكم و شاونهم اهل زوجج ان شاء الله بخير و الله يصبركم اما الباي هذا كله من ايدج الحلوه اغلى وطن هلو حبيبتي ام مريم شلونكم و الحمل شلونه (هسه انت بيا شهر على خير و سلامه) و اني ساكنه بعمان بالدوار السابع ابيسه سلامتج عيني و اني اشوف لو تراجعين طبيب احسن حتى تعرفين الشغله بالضبط و عاشت ايدج على الروابط دلع دلع هلو عيني دلوعه شلونج ,و تاليتهه وه عاصي افندي شوكت راح يفضهه للشغله و يريحج و هذوله جماعتكم الاطباء شكد فاهين احنه بالعراق وين اكو هيج شي من اول ما يصير عندج وجع راساً يجيبوج و سلمينه على بنت المشتل و ان شاء الله ساعه سهله سكر بغداد هلو حبيبتي شلونج و لا و الله اليوم مو نايمه بس ما لحكت ارد عليكم لأنه التهيت مسواك و طبخ و طلعنه بعدين و الله المستعان الواثقه بالله اهلا و سهلا برجعتج و نورتينا و لاتغيبين بعد منتهى يا اهلا و الله بهالطله اشتكنا لعيونك و الله هاي وينج عيني ليش هيج تثكلين علينه و شلونه عزوزوكو بوسيلنه اياه رفوله ام طيبه شلونج عيني و اخبارج و يالله ارجعي ادخلي للمطبخ مو :arb: خطيه اما بخصوص الصديقات فاني هنانه ما عندي صديقات بس عندي وحده من ايام المدرسه ببغداد و هيه من صديقاتي العزيزات و صدك الواحد بالغربه من يكون صاقات يحاول ان ما يخليهه تصير صداقات قويه تبقه الهه حدود احسن حتى لا تصير مشاكل لأنه الواحد مو ناقص مشاكل بالغربه ام عبد الله مرحبا برجعتج ويانه و ما عند الا العافيه و الله يكومج بالسلامه و ساعه سهله ان شاء الله و تستمرين ويانه حتى نعرف اخبارج و نطمن عليج حلقومه اهلا و سهلا بيج ويانه نورتينا ام زيد و ام زيد و ماما زوزو و هدى ام رحمه و بغداد حياتي و ام الرافدين و بهراء و رنا و IRAQI_MOON وسما علي و بعد اي وحده ما ذكرت اسمهه اسلم عليكم كلكم و اكولكم شلونكم و هذه الكم

مرحبا بنات شلونكم ان شاء الله الكل بخير ام شهد شلونج عيني ام شهوده و شلونهم الحلوات شوشو و...

+3

احب العراق :

حيل معجبه بنفسي على اعتبار شيف(شيف ركي) اليوم جايبتلكم اكله اسمهه كفته بالراشي(كفته بالطحينه) يالله نبلش بالمقادير و الصور اول شي نصف كيلو لحم مثروم باقة معدنوس مثرومه بصله كبيره مثرومه ملح ,فلفل اسود ,دارسين نخلط هذه المقادير سويه و بعدين نخليهه بست البيت الى ان تصير متماسكه حيل(مثل العجينه) و نخليهه بتبسي او بايركس (الي موجود) و ندخله الفرن الى ان يستوي ثلاث ارباع سوه و بهذا الوقت الي خلينه بيه التبسي بالفرن احنه نحظر بطاطا مقليه و نحظر الصلصه و الي هيه عباره عن ربع كوب خل +ربع كوب عصير حامض +نصف كوب زيت +ثلاث ارباع كوب راشي (طحينه)+ واحد كوب ماء +ملعقه اكل ملح و نخلطهه مع بعض الى ان تتجانس و بهذه الاثناء يكون اللحم استوه ثلاث ارباع سوه نطلعه من الفرن و نخلي عليه البطاطا و الصلصه

حيل معجبه بنفسي على اعتبار شيف(شيف ركي) اليوم جايبتلكم اكله اسمهه كفته بالراشي(كفته بالطحينه) ...