ام زيد شونج عمري وشنو اخبارج ان شاء الله بخير والجهال شلونهم الله يخليهم بس اني شفت دايما يقولوا الج ام زيد ولينا وعيني دانية وين راحت لعاد ان شاء الله تفرحين بيهم وتشوفيهم عرايس

هلو حلقومة شونج بعدج سهرانة يمعودة احنا شعدنا غير نتذكر ذيج الايام الحلوة الله يعيدها علينا يارب وترجع تصفى العراق ويرجع بلدنا مثل قبل واحسن والله كريم ويلتم شملنا ويا اهالينا وهم واحنا بأحسن حال

هلو سكر بغداد شلونج اي بعدني سهرانه
ما ادري ليش الظاهر عندي ارق انتي ليش بعدج سهرانه

والله يا حلقومة ابني هسا يالله نام وقلت ماباقي وقت على الفجر فقلت اصلي الفجر وانام وهسا اقوم اصلي لان صارت الصلاة واقللكم تصبحون على الف خير

أرجو المعذرة خواتي آني أبو شهد أم شهد خلت عليه أمانة أنه أدخل للمنتدى مالتكم وأكتب هذا الموضوع هي اليوم باتت بالمستشفى لأنه صارلنه حادث بالسيارة أصطدمنة بسيارة أخرى والضربة كانت من جهة أم شهد وتأذت براسها وأنكسرت فقرة برقبتها الآن هي خيطولها راسها والحمد لله أنه ماكو كسر بالجمجمة وراح تبقى تحت العناية لباجر يقررون شوكت ممكن تغادر المستشفى آني والبنات مابينه شي والحمد لله على كل حال هي وصتني أنه أكللكم تدعولها رب العالمين أنه يشافيها بأسرع وقت ويارب دعاءكم أن شاء الله مستجاب.