hadol :

البغداديه هلو عمري والله مشتاقين يمعوده هلا بيج بس تعالي واني افرج القاهره كله وخارج القاهره هم بس انطيج معلومه صح القاهره حلوه بس مو مثل مجنه نتوقعها وعيبها الازدحام هنا الازدحام قاتل يذكرني والله يبعدنه بزدحام السيطرات ببغداد يمه:icon33: اما بنسبه لخان الخليلي فرحتله مرتين طبعا حلو وتحفيات الي بي تخبل فمينمل منه واحلى مابي نقش الحنه على الايد هناك السودانيات كاعدات كومه وهمه ينقشون اما بنسبه لقناطر فرحت وتورطت لان هناك تلكين المستويات التعبانه وعينج مشوف الا النور بس هي منطقه حلوه وبيه مزارع الفنانين وكبار الشخصيات مثل مزرعه عادل امام ومزرعه المنكه الي تملكه ليلى علوي والخ اما القريه الفرعونيه فهي تخبل ومن تروحيله تحسين كنهو انتي عايشه بزمن الفراعنه والمتحف هم حلو ويتعب لان كلش جبيروبي كلشي من المومياء لحد المشاطه اما الاهرامات فرحتله بشته لان مستحيل دكدرين تروحيله بصيف بس حلوه ومتعبه بس لمن نزلت للهرم ردت اموت من الخنكه وطريقه النزول تشلع القلب لازم ادنجين وتنزلين والمسافه كلش طويله وتالي يطلع كلشي ماكو بس غرفه وبيه تابوت فارغ حيث التعب هسه نجي خارج القاهره بنسبه للاسكندريه فهي تخبل والجو هناك ايخبل وعدهم منطقه اسمها المنتزه كلش حلوه بيه قصر الملك فاروق وفندق وهي على البحر وحدائق وطبعا تكدرين تسكنين بقصر الملك لان مسوي مثل الفندق وليله بي تطلع 1200 دولار:09: :09: والمناطق الحلوه بسكندريه منطقه المعموره والساحل الشمالي ومنطقه ميامي الي تلكين العراقين بيه كومه اما راس البر فسبحان الله ومذكوره بالقران بهل مكان يلتقي الماء العذب والمالح ويصير كانه زجاج يقسم البحر وهذا المنضر المذهليبين الفجر بس روعه نعوف البحر المتوسط ونجي هسه على البحر الاحمر سبحان الله على الالوان الي بي فلون البحر يدرج الى 3 الوان من الازرق ومنطقه العين السخنه على البحر الاحمر كلش حلوه وتخبل وبيه منضر السفن الي تدخل للقناه كاش حلو وهي منطقه كلش حلوه بيها الجبال والبحر وتخيلي المنضر وحتى الدلافين اشوفيها كافي بعد تعبت ومن اروح لشرم اسولفلج عليه

البغداديه هلو عمري والله مشتاقين يمعوده هلا بيج بس تعالي واني افرج القاهره كله وخارج القاهره هم...