السلام عليكم شونكم بنات ان شاء الله بخير
بان عيد ميلاد سعيد مريومة وان شاء الله 100 عام وريارب تشوفيها متخرجة وعروسة ان شاء الله بوساتي المريومة
ام مناف اهلا وسهلا بيج مرة ثانية ونورتي الموضوع ويارب الشقة الجديدة تكون عتبة خير عليكم باذن الله ويوم اللي نرجع بي كلنة للعراق بعد مانخلص من الاحتلال واتباعه امين
ليالي اشلونج عيني وشخبارج ان شاء الله بخير شخبار الحمل ربي يكون بعونج تهون ان شاء الله
ام شهد اشلونج والله مشتاقتلج هوااي وان شاء الله ازورج عن قريب بوسيلي البنات
ام زيد بريطانيا اشلونج اخبارج وشلون صارو الولد ان شاء الله احسن والحمد لله الجو ديتغير ديصير ربيع عدكم طبعا عدنة ديصير رطوووبة
والله يساعدنة على الجهال اني حمودي راح يخبلني اول مرة اشوف طفل يحب يلعب بالجداري وغراض المطبخ ؟؟؟؟؟ كل يوم مطلع الجداري والخواشيك والطاسات طشرهن وراح رجعت لميتهن رجع مرة لخ طشرهن قفلت باب الكاونتر كام يريد يفتحه مينفتح هنوب يبجي اخير شيء فرغتهن والغراض حطيتهن بجيس شايفين بله شلون هوايه هنوب اروح البيت اي احد كبل المطبخهم وجاب جداريهم واجة مثل ناسوة ويه بيت ام شهد لما زرتهم الله يسساعدنة بلكت يكبرون ونخلص
السبت رحنة ودينا الى حديقة الحيوانات وتخبل على الحيوانات لانه يحب الجدورة والحيوانات يمكن مستقبلة الشيف محمد
مشمشة اشلونج اختي اخبارج الله يهون عليج الحمل ياربي ويطمنج على زوجك ويحفظه والله يساعده صدك هنا الامارات كلش مشددة على العراقيين الله كريم يرجعلنة بلدنة ونرجع ياربي
ماما زوزو اشلونج ان شاء الله بخير

لي رجعة ان شاء الله

هلو بنوته بغداد تسلمين عيني يوم اللي نفرح بعيد ميلاد الحمودي الثاني الله يحفظه الج
تدرين اتوقع احسن حل لابنج اشتريله العاب تكون ادوات موسيقية مثل الطبل علمود بلكت يعوف شغلات المطبخ مالتج لان ديبين يعجبه الطقطقه والصوت وتره كل الجهال يحبون الجدوره اني ابن احتي هم نفس الشى والله يحفظه الج يارب

هلو بنات بان كل عام ومريومة بالف خير وان شالله يوم تفرحين بعرسهة (باع احنة العراقيين عدنة اهم شي نزوج البنية )ههههههه بان وين الصورة مال كيكة نزليهة حتة انزل مالت جوجو لان قبل شهرين جان عيد ميلادهة
طبعا المربى الموعودة سويتهة وصورتهة بس النت شلع كلبي ف بلكي شوية يصير احسن وانزلهة
ام زيد عيني هاي انتي زينة واني شكد مطفية عبالي غير وحدة عفية عليج والله كدرتي ترجعين وجوجو والله اليوم انتبهت شوية طولانة لان جانت تلعب بالملابس الصيفية وطلعت عباية جان جايبهة جدهة من دبي ولبستهة وطلعت ششششششششششششوية كصرانة عليهة
ام مناف والله موضوعج حلو وبلكي نستفاد منة بتربية اولادنة اني هسة مو ببغداد بس اشو سبحان الله البشر اختلفت والوجوه غير وجوه بحيث جيراني هاي صار 3 اشهر كاعدة هنا وما شفت وجههم مو بس وياية حتة وية البقية ما واحد شايف الثاني بس مرات جوجو بنت الجيران تصيحهة وتروح يمهم ف مرة اجة ابوهم ايكولة لزوجي ليش ما تخلوون بتكم تاكل عدنة كلة شلون كال جنة نتغدة وكلنالهة تعالي تغدي تكوللهم ماما ماتقبل تكول حتة لو تشوفين فواكه عالميز لا تاكلين وشكد خجلت منهم عاد زوجي اعتذر منة كالة لا مو احنة انكوللهة لا تاخذين شي من احد وهية عبالهة عليكم
وما شالله بنتي فضيحة شنسوي وشنكول تروح تحطة بحلك العالم وطبعا هية ما تسمينة ماما ولا لابوهة بابا فاللي بالشارع كلهم يعرفون اسمائنة حتة ابو المحل
وبالنسبة للعيب والحرام اني هم اكللهة بس صارت علة كلشي تصنفة لو عيب لو حرام عاللي يصرفلهة
بس اني احسن انو التربية من هسة ح تبدي يعني من السنتين ونص فما فوق لان ح يبدي يفتهم الطفل ويتعرف عالناس
ومثل ما كالت بان الله يساعدهم اهلنة شلون ربونة واني دائما اكول البنية والولد شكد ما يحبون اهلهم بس من ايصيرون ابهات ح حبوهم اكثر لان شافو معاناة اهلهم بتربيتهم
والله يحفظ اولادنة واولادكم

بنوتة بغداد شكرا لترحيبك وكلماتك الحلوه...تتمنين يكبرون؟؟!! والله كلما يكبرون تكبر همومهم ومشاكلهم...والنوبه مشاكل من نوع جديد...هاى سنة الحياة حبيبتى..الله يحفظهم ويستر عليهم وعود الله كريم

ياسو عزيزتى... الموضوع بكد ما هو حلو بس معقد..واتمنى نستفاد من عنده كلنا...انت تكلين الله يساعد ابأنا وامهاتنا شلون ربونا...انى اكول الله يساعد ابأء وامهات اليوم على التربيه...كلنا على الاغلب عشنا طفولتنا بالعراق وتذكرون كلش زين من جانت امنا بنظره وحده تخلينا نرجف ...ولو دخل الأب للبيت الكل ينجر بوشهم!!! ماكو طلعه ولا خشه الا ويا امنا...وكبرنا ودخلنا كليات الاهل يودونا لبيت صديقاتنا ويجيبونا اذا ردنا زيارة صديقه...بس هسه نعيط ونصيح وتتطلع عيونا من الخزرات والنظرات..ولا يمهم..(جيل دعدع)..بالأضافه للستالايت والنت.ووووو...هنى اكول الوكت ابدأ مو حلو والله يساعد الأباء والامهات..وخاصة المغتربين.