عراقيه4 أهلا وسهلا بيج ويانا وهسه تشوفين شلون راح تتمتعين بالوقت اللى تكضى ويانا...وراح تنسين الضوجه وتملين من وكت الفراغ بعد ما تكومين بالسلامه..وبعد يمكن ما نشوفج بالمنتدى...الله يكومج بالسلامه وتفرحين بأطفالج. ام زيد الموضوع يخدم الجميع ........ومثل ماافتهمت انه الكل متفقين على انه التربيه تبدأ من البيت وهذا فد شى كلش حلو...الله يوفق الجميع. ام شهد العفو حبيبتى....بس انتى يرادلج شويه طولة بال وياها ..والظاهر هى هوايه جانت متونسه ابيت جدها..سوى اللى كتلج على يعنى وياها وياها وبمرور الوكت تتعود....شوية خلك.

هلو بنات شلونكم
اهلا وسهلا بيج ام شهد وشلونهم البنات ان شاء الله بخير وخلي نشوفج يوميه لتكولين الجهال تره اني عندي مريومه وحده تعادل عشرة جهال بس شنسوي ينرادلنه هم شويه ترفيه بعدين لو نتخبل لو يصير عدنا ضغط وسكر
صدك بنات التربيه صعبه اني كل شهر اكول شهر الجاي بنتي راح تكبر شهر راح ارتاح شويه اشوف الشهر الجاي تعبانه اكثر
يمكن مجرد ميجي الطفل للدنيا بعد هاي هي ماكو راحه حتى من يتزوجون وهاي دتشوفون حال اهالينا لحد الان يركضون ورانه وخايفين علينا :09:
مثلا اني بنتي اليوم خبلتني من اول مبدت بالاكل ومديعجبه لا بيض ولاجبن بكل انواعه واشكاله ومااعرف شسوي اله والله راح تخبلني وكل شى تاكله بعدين تذبه من حلكه :06:

هلو بنات شلونكم
والله ملتهيه كلش
والسبب
انو اجه جيران جديد وعازميه اليوم
وباجر عازمين صديق ابو زينه لان يريد يسافر للعراق
والبارحه جنت عزمه صديقه لان مشتهي فطاير فعزمه زوجي حتى ياخذ الفطاير
شايفين شلون مشغوله
وره ما اخلص العزايم اروح اتسوق وارجع للموضوع من جديد


عراقيه 4
اهلا وسهلا بيج ويانه وعالخير الحمل والله يتمم عليج وتقومين بالسلامه


بان
بيني وبينج اختبار الغباء فضيع واثبت ........... بنجاح ساحق


اكيد كلتوا اثبت غبائي
لكن جوابكم غلط
الجواب الصحيح انو اثبت ان دماغي ماخذ اجازه كم يوم
وان شاء الله يرجع



بالنسبه لموضوع تربيه الاولاد فهو شغلي الشاغل
وهو من اكثر المواضيع التي نتناقش بها انا وزوجي
فالتربيه في المجتمع الغربي صعبه جدا وهي تتلاقى وبتماس مباشر مع عاداتنا
واساسيات حياتنا وبالطبع ان تربيه البنت والولد صعبه
لكن في الحقيقه ان تربيه البنت اصعب بكثير
فمن الصعب اقناعها
(لاحظو كلمه اقناع ففي بلادنا اذا ابنك ما سمع الكلام ادبتيه وضربتيه اما هنا فالوضع مختلف ) بالاختلافات بيننا وبين المجتمع الذي تعيش فيه
وهي تشعر باختلافها في كل شيء
فاكلها مختلف ولبسها مختلف
ماما لاترقصين بدرس الموسيقى
ولا تذهبين للسباحه
وعليك لبس الحجاب
ووووو اشياء كثيره يصعب على الطفل استيعابها
وان اجبر عليها مع تهاوننا ببعض الامور فان ابناءهم سيتحررون
لانهم ليس مقتنعون اصلا
ونحن مسؤلين امام الله عن حسن التربيه والتوفيق من الله

اما ما افعله فهو ترك ابنتي تذهب للمدرسه الامريكيه وبنفس الوقت للمدرسه العربيه
حتى تجد اطفال يتكلمون العربيه ويلبسون الحجاب
احاول التساهل ببعض الامور وقد لايوافقني الراءي البعض
مثلا اذا قالت لماذا لااستطيع السباحه او الرقص مثلا يكون جوابي
اننا سنحجز مسبح وفيه بس نساء ونقدر نسبح او ممكن تتعلمين الموسيقى بدلا من الرقص
والكثير الكثير من الامور التي اعاني منها
لكن ما باليد حيله فالظاهر ان اقامتنا طويله والله يستر على اولادنا وشلون لو وصلو بعمر حرج


باقي البنات سلام لكم جميعا ولي عوده ثانيه لكن لازم اروح ابهر الدجاج

ماما زوزو بالعافيه عليج العزايم ولو هي الواحد يتعب بس احسن من الراحة والملل لان تحسن عندج فده شى مثل شغل واجب انجازه
وبالنسبه للاختبار تره كلنه تعبانين والذاكره صايره صفر لان بيه مية شغلة وشغله
وخلي نشوفج قريبا ويانه بس بصورة مستمره

عراقيه 4 ماشاء الله والله يحفظلج الولد وتقومين بالسلامة يارب
ماشاء الله على العراقيات قبل فترة هم وحده من الخوات بأسبانيا جابت توام ولد
يله تره عدنه اهنايه هوايه بنات اذا تردين بعدين تخطبيلهم او تحجزين ماكو مشكلة هههههههههه
وخلي نشوفج يوميه ويانه وان شاء الله تتونسين