البغدادية :

مرات اكعد افكر شلون الماضي جان وشلون هسه..... ما ادري ليش يوم على يوم دا اكرهه التكنولوجيا وهذا التطور السريع يعني مثلا خلي ناخذ الشغلات وحده وحده: كرة القدم: كبل جانت في السبعينات والثمانينات بسيطه وتونس... الناس يرحون يتفرجون بالملعب ويكظون وكت حلو واللواعيب يلعبون على نيتهم... لا جانو يفكرون باستعراض عضلاتهم حتى فد فريق يشتريهم ولا جانو يمثلون على الحكم ويعثر نفسه بطريق ماكرة حتى ياخذ ضربة جزاء وجانت ملابسهم حلوه وبسيطه. التلفزيون: جنا كبل نلتم على التلفزيون ونتفرج قناة وحده... وعلى اكثر تقدير 4 قنوات... جان الكل يلتم ويتفرج نفس البرنامج واذا انريد نحول القناة نكوم ونروح نحول القناة بالدكمه الموجوده بالتلفزيون مو بالرموت ومتمددين على القنفه وكرشنا هالكبره والجبس والبيبسي على الميز...كبل.. وهناك وتخرب القناة... فنصعد فوك بالسطح ونعوج ونفرفر بالاريل وواحد واكف بالطرمه والي بالسطح يكلله ها؟؟ رجعت؟؟؟ والثاني يكلله اشويه حركه . لو المسلسات.... جنا نتفرج على مسلسل واحد ونتابعه كلنا احنا والمدينه كلله... يعني مره اجتي اوقات صارت بيهه خوش مسلسلات.. مثل ليالي الحلميه لو الرايه البيضه لو الاماني الضاله والهاجس. او مثلا جان اكو هاي البرامجه التعليميه... يطلعللك شلون تستخدم العدد اليدويه وشلون يتم استخراج الغازات من الصخور وطبعا لحد الان اتذكر شركة الانتاج وكانت المانيه واعتقد جان اسمهه ترانس تل او فد شي مقارب. او برنامج كان واخواتها. لو برنامج التلي ماتش الهولندي مدري الماني..... اشكد جنا نتونس لمن نتابعه. التليفون: اشكد حلو تلفون ابو القرص.... هيجي الواحد يفر الرقم بيده... لو مثلا الواحد راح للسوك والمره نست تكلله يجيب جبن وما كو موبايل حتى تخابره... فيروح ويرجع وما جايب جبن... ويروح مره ثانيه للمحل يجب جبن ويجي. لو جنا نريد نخابر اهلنا في احدى الوزارات... ويدك التلفون بالبداله وابو البداله ما يرد... ولمن يرد ويربطنا باهلنا الفرحه تملي الككلب لان سوينا انجاز. الرسائل: جنا كبل نكعد ونكتب الرسائل من كل كلبنا... وننتضر كذا شهر يلله توصل للعراق او لكندا لو للسويد... ولمن تجينا رساله كبل نركض ونشوف العنوان ونفتح الراسله ونطفر من سطر لسطر فرحانين بالراسله. الكتب: جان لمن تجي العطله الصيفيه... جنا نلعب ونتونس وهم جنا نقرا.... جنا نجيب قصص لو روايات ونخلصهم بالعطله ونستفيد من معلومه لو معلومتين قرناهم. المعجنات: كبل جانت الوالده تسويلنا الكليجه والكيك اللحم بعجين... لو جنا نجيبهم من المحل الي بالسوك... وجنا ناكلهم ويا جاي العصريه ونجيب الجاي ونخدره بعدين اصغر من في البيت يروح يركب البايسكل ويجيب صمون حجري حار هستوه طالع من الفرن. الكيمر: جنت اكوم من الصبح واروح على ابو حمزه... الي جان يجيب الكيمر ساعه بالخمسه الصبح... واخذ من عنده نص كيلو واكلله بالله كثر الحليب اذا تكدر. الاكل بصوره عامه: كان اكلنا صحي ومعتدل وجنا نعرف اكلاتنا الشعبيه وناكل اكل طيب وصحي اهم شي..... يمكن عدنا اكلات دهينه لكن بيها مذاق. الفواكه: كانت الفواكه طازجه وطبيعيه.. لا معدله وراثيا ولا شي.... جنا نجيب برتقال عراقي مجعمر و مفعص وجنا نحط يمه برتقال اجنبي... لمن ناكل البرتقال العراقي جان المي يشرشر والحلاوه تخبل.. والاجنبي جان بس شكل. المسواك: جنا نروح للسوك وبيدنا العلاكه القماش... نروح ونلكي البياعات لو البياعيين مبسطين وفارشين بالكاع قطعة قماش جبيره وحاطين البصل والفلفل والخيار والتفاح والبتيته والرمان والنومي حلو والنومي حامض والكوجه والركي والبطيخ. بعدين نجي نكمبص يم الخضره ونستنكي.... لو اذا ردنا كرفس او معدنوس.... احلى شي سوك الخضره... لان جانو يحطون غطا على المنطقه المحيطه بحيث بلب الصيف ما نشعر بالحر لان اربع وعشرين ساعه يرشون مي على الكرفس والكراث والمعدنوس والسبيناغ... وهناك وتشوفلك دعسوقه دتمشي على الميز لو فد بزونه نايمه على البراد يم الرجل مال الميز. الشتاء: جنا نرجع من المدرسه مبليلين.... مثلا نوصل للحصه الرابعه والمطر يبدي يدك دك.... فيدك الجرس وتكول المديره الكل يروح للبيت.... هذا الي يركب الباص مال مدرسه والي يروح مشي والي يركب ( الامانه ) باصات حكوميه للنقل... وجنت لمن اركب الامانه اكون منكع من المطر... اباوع على البوتين مالتي اشوف صاير ثكيل من المي... احرك اصابيع رجلي يطلع المي من البوتين.... يوصل الباص المنطقتنا... انزل وامشي فد 400 متره للبيت... وابدي اركض والجنطه على ظهري عود يعني اني منزعج من المطر بس اني مكيف على الوضعيه ولمن اوصل للبيت اريد ادك الجرس لكن اتذكر الوالده كلتلي انه ما ادك الجرس لمن تمطر حتى ما انتل اذا جان اكو لييك كهربائي... فادك على الباب الى ان يفتحلوي.. اطب وانزع البوتين احطه بالطرمه جوه السكيفه واروح ابدل هدومي والبس البجامه البازه الي عليهه صورة طيور واكعد بالهول وادفى على الصوبه النفطيه الي اسمهه علاء الدين... وبعدين امي تكللي انتظر بين ما يجي ابوك حتى نتغدا... ويجي الوالد وهوه هم مبللل يطب يبدل ويغسل ونكعد نتغدا والصوبه تتشتغل والمطر صوته قوي و الجام مبلل وينزل عليه المي مثل شلال صغير. وعلى العصريه يخف المطر.... اروح لبيت جدي القريب من عدنا واروح اوديلهم كليجه... وبالرجعه وهم تبدي تزخ شويه شويه واني اركض حتى ما اتبلل. ويجي الليل والمطر ما شاء الله يدك من التسعه بالليل الى صلاة الفجر وبعدين يبدي يوم جديد ويا المدرسه لكن هالمره راح اخذ ويايه شمسيه حتى ما اتبلل. ولمن ارجع من المدرسه امي تكللي ديربالك.... تره كدر الهريسه على الصوبه لا توكعه.... وتنطبخ الهريسه الا ان تستوي وبعدين نحط عليهه دارسين وشكر وناكلله ونكول الله اشكد طيبه... عاشت ايدج ماما. الصيف: احلى تبريد هو تبريد المبرده..... تشتغل ويا سوطهه الهادر... ونكون مسوين البردات بحيث لون البردات بني... لكن يصير ذهبي لان الشمس تضرب عليه من بره... والبرده تتحرك من الهوا مال المبرده... بعدين وبعد الغدا اروح افتح المجمده واطلع الموطا الي آني سويتها وهي عباره عن كلاص بلاستك.. حطيت بي حليب وشكر وحطيت بي خاشوكه صغيره وجمدته ولمن اطلعه راح يصير عندي موطا مجمده ماخذه شكل الكلاص والخاشوكه ربعهه طالع والباقي داخل الموطا. اللعب وكت الطفوله: جنا نلعب طوبه بالشارع.. لو نلعب دعابل... ومرات تجي فترة التصاوير وهي لعبه نستخدم بيها صور لواعيب ونبدي نجمع لزكات. ما جان عدنا بلايستيشن لو سيكا حتى نتسمر كدامه اربع ساعات متواصله. الاقلام: جنا نكتب باقلام الرصاص وانقط القلم كل شويه وما جان عدنا هذا القلم الميكانيكي ابو النباله. درس الفنيه: جان عدنا خلك نسوي اشكال بالطين الاصطناعي وجنا نسوي تجارب العلوم ونجيب كارتون على شكل سهم ونلزكه بعلبة شخاطه ونسوي مؤشر مال رياح. التصوير: جنا ناخذ صور بالكاميرا ام الفلم المستطيل ( 110 ) وننتظر الى ان يخلص الفلم حتى نحمضه... وجان ولا زال عندي الكاميرا الزنث الروسيه والي اكعد افرفر بالعدسه يمنه ويسره واعدل الفوكس حتى تطلع الصوره حلوه. لو تريد تاخذ صور مال معامله.... جنا نروح نكعد و بغرفه ويجي المصور ويكللك باوع على اصبعي.... وهناك ويجق الصوره. الناس: جانوا الناس كبل مثل اهلك وبسيطين و ما عدهم هالشك والريبه وياك... وجان عدهم شي اسمه المروه والغيره. البنات: كانو البنات على نياتهم... جانت الوحده حبابه وعلى الله... جنا اذا نباوع على البنيه كبل نشوف الجمال اذا جان صدك لو لا... جانت الكحله الخفيفه والحمره الهادئه تضفي رونق ناعم على جمال البنت... كانت جميله ام لا.. لان الشاب يكدر يفرزن اذا البنيه صدك جميله لو المكياج هوه الي مجملله. هسه البنيه ما تنعرف.... تشوف الحواجب قوس روبن هود... والرموش سعفه... والعيون اتخبل وتلمع... والخشم نازل من القالب عدل.... والشفه تكول دوشك نفرين.... والاسنان متراصفه.... والمدري شسمه دكول دعاميه مال راينج روفر فور. جميع هذه المواصفات موجوده في بنات اليوم ولكن من النادر وجودها بصوره طبيعيه ولكنها نتاج عمليات التجميل والتاتو القصير الامد ( سنه او سنه ونص بالنسبه للحواجب ). طبعا ليست كل البنات هكذا. طبعا الي ذكرته جزء يسير وبسيط من الماضي الحلو وهنلك الكثير... كبل جنا عايشين من صدك..جنا عايشين بين اهلنا وكرايبنا... جنا عايشين ابسط سبل العيش... جانت نيتنا صافيه. عجبني ونقلته

مرات اكعد افكر شلون الماضي جان وشلون هسه..... ما ادري ليش يوم على يوم دا اكرهه التكنولوجيا وهذا...

banuk :

نادية حسب الجدول مريم صح وهسه حملج ان شاء الله ولد والله اعلم البنات بهراء وريم مشكورين احنه بس دنجرب انشوف شكد نسبه الخطا من الصواب وبالتالي هي تسليه

نادية حسب الجدول مريم صح وهسه حملج ان شاء الله ولد والله اعلم البنات بهراء وريم مشكورين احنه بس...

البغدادية :

مرات اكعد افكر شلون الماضي جان وشلون هسه..... ما ادري ليش يوم على يوم دا اكرهه التكنولوجيا وهذا التطور السريع يعني مثلا خلي ناخذ الشغلات وحده وحده: كرة القدم: كبل جانت في السبعينات والثمانينات بسيطه وتونس... الناس يرحون يتفرجون بالملعب ويكظون وكت حلو واللواعيب يلعبون على نيتهم... لا جانو يفكرون باستعراض عضلاتهم حتى فد فريق يشتريهم ولا جانو يمثلون على الحكم ويعثر نفسه بطريق ماكرة حتى ياخذ ضربة جزاء وجانت ملابسهم حلوه وبسيطه. التلفزيون: جنا كبل نلتم على التلفزيون ونتفرج قناة وحده... وعلى اكثر تقدير 4 قنوات... جان الكل يلتم ويتفرج نفس البرنامج واذا انريد نحول القناة نكوم ونروح نحول القناة بالدكمه الموجوده بالتلفزيون مو بالرموت ومتمددين على القنفه وكرشنا هالكبره والجبس والبيبسي على الميز...كبل.. وهناك وتخرب القناة... فنصعد فوك بالسطح ونعوج ونفرفر بالاريل وواحد واكف بالطرمه والي بالسطح يكلله ها؟؟ رجعت؟؟؟ والثاني يكلله اشويه حركه . لو المسلسات.... جنا نتفرج على مسلسل واحد ونتابعه كلنا احنا والمدينه كلله... يعني مره اجتي اوقات صارت بيهه خوش مسلسلات.. مثل ليالي الحلميه لو الرايه البيضه لو الاماني الضاله والهاجس. او مثلا جان اكو هاي البرامجه التعليميه... يطلعللك شلون تستخدم العدد اليدويه وشلون يتم استخراج الغازات من الصخور وطبعا لحد الان اتذكر شركة الانتاج وكانت المانيه واعتقد جان اسمهه ترانس تل او فد شي مقارب. او برنامج كان واخواتها. لو برنامج التلي ماتش الهولندي مدري الماني..... اشكد جنا نتونس لمن نتابعه. التليفون: اشكد حلو تلفون ابو القرص.... هيجي الواحد يفر الرقم بيده... لو مثلا الواحد راح للسوك والمره نست تكلله يجيب جبن وما كو موبايل حتى تخابره... فيروح ويرجع وما جايب جبن... ويروح مره ثانيه للمحل يجب جبن ويجي. لو جنا نريد نخابر اهلنا في احدى الوزارات... ويدك التلفون بالبداله وابو البداله ما يرد... ولمن يرد ويربطنا باهلنا الفرحه تملي الككلب لان سوينا انجاز. الرسائل: جنا كبل نكعد ونكتب الرسائل من كل كلبنا... وننتضر كذا شهر يلله توصل للعراق او لكندا لو للسويد... ولمن تجينا رساله كبل نركض ونشوف العنوان ونفتح الراسله ونطفر من سطر لسطر فرحانين بالراسله. الكتب: جان لمن تجي العطله الصيفيه... جنا نلعب ونتونس وهم جنا نقرا.... جنا نجيب قصص لو روايات ونخلصهم بالعطله ونستفيد من معلومه لو معلومتين قرناهم. المعجنات: كبل جانت الوالده تسويلنا الكليجه والكيك اللحم بعجين... لو جنا نجيبهم من المحل الي بالسوك... وجنا ناكلهم ويا جاي العصريه ونجيب الجاي ونخدره بعدين اصغر من في البيت يروح يركب البايسكل ويجيب صمون حجري حار هستوه طالع من الفرن. الكيمر: جنت اكوم من الصبح واروح على ابو حمزه... الي جان يجيب الكيمر ساعه بالخمسه الصبح... واخذ من عنده نص كيلو واكلله بالله كثر الحليب اذا تكدر. الاكل بصوره عامه: كان اكلنا صحي ومعتدل وجنا نعرف اكلاتنا الشعبيه وناكل اكل طيب وصحي اهم شي..... يمكن عدنا اكلات دهينه لكن بيها مذاق. الفواكه: كانت الفواكه طازجه وطبيعيه.. لا معدله وراثيا ولا شي.... جنا نجيب برتقال عراقي مجعمر و مفعص وجنا نحط يمه برتقال اجنبي... لمن ناكل البرتقال العراقي جان المي يشرشر والحلاوه تخبل.. والاجنبي جان بس شكل. المسواك: جنا نروح للسوك وبيدنا العلاكه القماش... نروح ونلكي البياعات لو البياعيين مبسطين وفارشين بالكاع قطعة قماش جبيره وحاطين البصل والفلفل والخيار والتفاح والبتيته والرمان والنومي حلو والنومي حامض والكوجه والركي والبطيخ. بعدين نجي نكمبص يم الخضره ونستنكي.... لو اذا ردنا كرفس او معدنوس.... احلى شي سوك الخضره... لان جانو يحطون غطا على المنطقه المحيطه بحيث بلب الصيف ما نشعر بالحر لان اربع وعشرين ساعه يرشون مي على الكرفس والكراث والمعدنوس والسبيناغ... وهناك وتشوفلك دعسوقه دتمشي على الميز لو فد بزونه نايمه على البراد يم الرجل مال الميز. الشتاء: جنا نرجع من المدرسه مبليلين.... مثلا نوصل للحصه الرابعه والمطر يبدي يدك دك.... فيدك الجرس وتكول المديره الكل يروح للبيت.... هذا الي يركب الباص مال مدرسه والي يروح مشي والي يركب ( الامانه ) باصات حكوميه للنقل... وجنت لمن اركب الامانه اكون منكع من المطر... اباوع على البوتين مالتي اشوف صاير ثكيل من المي... احرك اصابيع رجلي يطلع المي من البوتين.... يوصل الباص المنطقتنا... انزل وامشي فد 400 متره للبيت... وابدي اركض والجنطه على ظهري عود يعني اني منزعج من المطر بس اني مكيف على الوضعيه ولمن اوصل للبيت اريد ادك الجرس لكن اتذكر الوالده كلتلي انه ما ادك الجرس لمن تمطر حتى ما انتل اذا جان اكو لييك كهربائي... فادك على الباب الى ان يفتحلوي.. اطب وانزع البوتين احطه بالطرمه جوه السكيفه واروح ابدل هدومي والبس البجامه البازه الي عليهه صورة طيور واكعد بالهول وادفى على الصوبه النفطيه الي اسمهه علاء الدين... وبعدين امي تكللي انتظر بين ما يجي ابوك حتى نتغدا... ويجي الوالد وهوه هم مبللل يطب يبدل ويغسل ونكعد نتغدا والصوبه تتشتغل والمطر صوته قوي و الجام مبلل وينزل عليه المي مثل شلال صغير. وعلى العصريه يخف المطر.... اروح لبيت جدي القريب من عدنا واروح اوديلهم كليجه... وبالرجعه وهم تبدي تزخ شويه شويه واني اركض حتى ما اتبلل. ويجي الليل والمطر ما شاء الله يدك من التسعه بالليل الى صلاة الفجر وبعدين يبدي يوم جديد ويا المدرسه لكن هالمره راح اخذ ويايه شمسيه حتى ما اتبلل. ولمن ارجع من المدرسه امي تكللي ديربالك.... تره كدر الهريسه على الصوبه لا توكعه.... وتنطبخ الهريسه الا ان تستوي وبعدين نحط عليهه دارسين وشكر وناكلله ونكول الله اشكد طيبه... عاشت ايدج ماما. الصيف: احلى تبريد هو تبريد المبرده..... تشتغل ويا سوطهه الهادر... ونكون مسوين البردات بحيث لون البردات بني... لكن يصير ذهبي لان الشمس تضرب عليه من بره... والبرده تتحرك من الهوا مال المبرده... بعدين وبعد الغدا اروح افتح المجمده واطلع الموطا الي آني سويتها وهي عباره عن كلاص بلاستك.. حطيت بي حليب وشكر وحطيت بي خاشوكه صغيره وجمدته ولمن اطلعه راح يصير عندي موطا مجمده ماخذه شكل الكلاص والخاشوكه ربعهه طالع والباقي داخل الموطا. اللعب وكت الطفوله: جنا نلعب طوبه بالشارع.. لو نلعب دعابل... ومرات تجي فترة التصاوير وهي لعبه نستخدم بيها صور لواعيب ونبدي نجمع لزكات. ما جان عدنا بلايستيشن لو سيكا حتى نتسمر كدامه اربع ساعات متواصله. الاقلام: جنا نكتب باقلام الرصاص وانقط القلم كل شويه وما جان عدنا هذا القلم الميكانيكي ابو النباله. درس الفنيه: جان عدنا خلك نسوي اشكال بالطين الاصطناعي وجنا نسوي تجارب العلوم ونجيب كارتون على شكل سهم ونلزكه بعلبة شخاطه ونسوي مؤشر مال رياح. التصوير: جنا ناخذ صور بالكاميرا ام الفلم المستطيل ( 110 ) وننتظر الى ان يخلص الفلم حتى نحمضه... وجان ولا زال عندي الكاميرا الزنث الروسيه والي اكعد افرفر بالعدسه يمنه ويسره واعدل الفوكس حتى تطلع الصوره حلوه. لو تريد تاخذ صور مال معامله.... جنا نروح نكعد و بغرفه ويجي المصور ويكللك باوع على اصبعي.... وهناك ويجق الصوره. الناس: جانوا الناس كبل مثل اهلك وبسيطين و ما عدهم هالشك والريبه وياك... وجان عدهم شي اسمه المروه والغيره. البنات: كانو البنات على نياتهم... جانت الوحده حبابه وعلى الله... جنا اذا نباوع على البنيه كبل نشوف الجمال اذا جان صدك لو لا... جانت الكحله الخفيفه والحمره الهادئه تضفي رونق ناعم على جمال البنت... كانت جميله ام لا.. لان الشاب يكدر يفرزن اذا البنيه صدك جميله لو المكياج هوه الي مجملله. هسه البنيه ما تنعرف.... تشوف الحواجب قوس روبن هود... والرموش سعفه... والعيون اتخبل وتلمع... والخشم نازل من القالب عدل.... والشفه تكول دوشك نفرين.... والاسنان متراصفه.... والمدري شسمه دكول دعاميه مال راينج روفر فور. جميع هذه المواصفات موجوده في بنات اليوم ولكن من النادر وجودها بصوره طبيعيه ولكنها نتاج عمليات التجميل والتاتو القصير الامد ( سنه او سنه ونص بالنسبه للحواجب ). طبعا ليست كل البنات هكذا. طبعا الي ذكرته جزء يسير وبسيط من الماضي الحلو وهنلك الكثير... كبل جنا عايشين من صدك..جنا عايشين بين اهلنا وكرايبنا... جنا عايشين ابسط سبل العيش... جانت نيتنا صافيه. عجبني ونقلته

مرات اكعد افكر شلون الماضي جان وشلون هسه..... ما ادري ليش يوم على يوم دا اكرهه التكنولوجيا وهذا...