banuk :

هلو بنات شلونكم ام زيد شلونه علاوي شلون صار طمنينا عليه والله يكون في عونك ام حمودي شكرا على تجربتك مع حمودي تعرفين الجهال مشكلة خاصة شغلة الاكل يعني مااعتقد اكو ام مدتعاني من هاي الشغلة بس تعرفين احس الوراثه اله دور هههههه:hahaha: مثلا اني الصبحيات اكعد ماعندي واهس للريوك ويعجبني الشغلات المكسبه بنتي هم نفس الشى تكعد الصبح وره ساعة او اكثر يله تاكل ويعجبه الشغلات المكسبه هم يعني الكورنفلكس ميعجبه ويه الحليب تاكله هيجي بس شنو قطعتين لو 3 لان ساعه على ميتنكع بحلكه ويله تاكله والاكل هم على التلفزيون احنه ناكل اذا برنامج حلو ناكل اذا لا مناكل يعني اقشمره يله تاكل وهم مرات اوكله ويانه بس تعرفين تاكل كلش قليل فمااعرف هاهي شبعت لو لا لان هي لحد الان يله بدت سنونه السفليه تطلع يعني حلكه فارغ لحد الان :22: علمود هاي اكله بطئ انشوف بعد الله يسهل وبالنسبه للختمه اني قريت اول جزء بعد مااعرف شراح يصير الله كريم وسلامي لبقيه البنات

هلو بنات شلونكم ام زيد شلونه علاوي شلون صار طمنينا عليه والله يكون في عونك ام حمودي شكرا على...

البغدادية :

اي والله بان صدگ چانت لمتنا تخلينا نعرف اخبار الكل , يلة الله كريم ان شاء الله ترجع. هلا بيچ بنوتة بغداد , اني دائما هيچي بايام مدارس الجهال اغيب لأن كلش التهي وياهم , وديهم وجيبيهم ودرسيهم وسويلهم لفات ...وووو فميصير عندي لا وقت ولا واهس لكلشي. بالنسبة للختمة اني اكون جاهزة يوم الاثنين الجاي 19/3 فحضرولي جزء اقراه.

اي والله بان صدگ چانت لمتنا تخلينا نعرف اخبار الكل , يلة الله كريم ان شاء الله ترجع. هلا بيچ...

banuk :

صباح الخير على بنات بلدي الحبيب شلونكم ان شاء الله الجميع بخير يله يمعودين راح يخلص الربيع ويجي الصيف وانتوا بعدكم بالسبات يله كعدوا كافي كسل هله بام زيد تسلمين عمري يوم اللي نفرح ان شاء الله بولادتج بالسلامة انت والنونو ولو مدنعرف لحد الان بنيه لو ولد وشناويه تسميه على الخير علمود نخطبله من هسه وان شاء الله ساعة سهلة يارب والله علمود اكل بنتي مااعرف الغلط بيه لو بيه ههههه حلوة هاي بيه بس صدك مثل متعرفون اول جاهل يكون نحس شويه والام هم جديدة بالتربيه ومتعرف شى خاصة لو وحده يعني مرات شغلات اكول بعد وكت بعدين يكلولي لا لازم تبدين بيه قبل شهرين :09: وبالنسبه للاكل اني دااحاول وياه بس هي كلش نحسه يعني كل شى تاكله وبعدين تذبه يعني البيض اول شى بديت وياه جانت دتاكله وانطيته مرتين اخر مره زوعته مااعرف يمكن جانت مستبرده واني انطيته بيضه كاملة وراه صارت متضوك البيض لا سلك ولا تكلاه جربت كل الانواع تركته 4 اشهر كلت بلكت تنسه ولحد الان متاكله الجبن كل الانواع متاكله لااصفر ولاابيض هم جربت كل الانواع يعني هاي شسوي اله اني اتمنى هسه تبدي ويانه بالاكل مرات تاكل بس هيجي ماله واح بس ديضوك مو ماله اكل وره 5 دقائق تكول جوعانه هاي قصتي مع مريومتي راح اسويه قصص الف ليلة وليلة وبالنسبة للكحة شويه احسن على الانتي بايوتك ولو مااكدر احجي هوايه لان راسا تكمشني والحمد لله على كل حال

صباح الخير على بنات بلدي الحبيب شلونكم ان شاء الله الجميع بخير يله يمعودين راح يخلص الربيع ويجي...

بنت ديالى :

لا يمكنك مشاهدة هذا التعليق لانتهاكه شروط الاستخدام.