الله يسلمج حبيبتي ويبارك بيج ويحفظلج بناتج الحلوات يا رب ..

دلع
لتشيلين هم عزيزتي .. لابد ما رب العالمين يسخرلج الناس الطيبه وان شالله متحتاجين احد وتتيسر كل امورج وتكومين بخير وسلامه ..
وفطومه ما عدهه الا العافيه وربي يشافيهه ويعافيهه بحق واحد احد ..

مشمشه
شلونج عزيزتي أن شاء الله يوم نشوفج أنت والبيبي منورينه وساعة السهله

الجبوريه
شلونج عيني أم وسيم الجهال شلونهم

سما علي
شلونج عقب قب شلونه

بنوته
أم حماده هاي وينج أشاكينالج حبي

ام زيد وعلاوي
سلامتهم للجهال وما بيهم الا العافيه

بان
شلونج حبيبتي مريوم شلونهه هسه أكيد شويه خلصتي منهه مو من حبستيهه الله يحفظهه وتسلمين عالدعاء بارك الله بيج وأني لبيت طلبج ورجعت أكتب والله نفسيتي زفت صاير تفكيري محصور بالأهل:( حتى من أطلع ويه زوجي ميعجبني احجي اي شي وهو يكولي والله أخذج واوديج تشوفين أهلج أن شاء الله عن قريب الله يسهل وأشوف أمي صايره فد مره عليهه أني كل اسبوع جنت أشوفهه بالعراق الله يعينه على فراكهم

مامازوزو
شلونج كلبي وبالعافيه على زنود الست عيني أني بطلت أسوي حلويات راح أصير دبه من الحلويات هههههه

أنوسه
شلونج حبيبتي وهواي سلمينه على شذى العراق وربي يسهل أمورهه والله طكيت من القهر عليهه :( ومنكول غير حسبي الله ونعم الوكيل ليش هيجي:angry2: بسرعه نسو العراق كلهم ؟؟؟؟؟؟

نريد من الله ينظر الحال العراقين اللهم رحمتك أغثنا يا الله يا مغيث اغثنا يا الله يا الله أنظر الحال العراقين يا الله يااااااااا رب.

أم يقين شلونج عيني

وسلامي للباقيات وأعذروني أذا نسيت أحد حبيباتي

مشتاقه كوووومه
واتمنى اقعد اكتب وياكم للصبح .. بس روان وياسين اثنيناتهم ده يطلعون سنون ..وثابريني اثنيناتهم نحاسيه وبجي ...ان شاء الله ارجع واكتب وياكم مثل قبل .........
سلامي وقبلاتي للجميع
مع حبي
ام روان



اهم الادوات التي يجب ان تكون بحوزتكم عند دخولكم سرة البانزين:-

1- 12 جيس حب ابو ال 500 (احمر مهبط للذكاء) لان انتة بالسرة ما تحتاج ذكاء و انما تحتاج صبر

2- 17 لفة فلافل بدون عمبة لان العمبة ترفع درجة السيارة 11 درجة مئوية ( كما جاء في تقرير المعهد العالي النووي لأنتاج قياطين القبغلي)

3-12 سطل مي (2 تشربهم و الباقي تغسل بي) و للاحتياط يرجى وضع الليفة في المكان المخصص لها(جوة الكجمجة)مع صابونة ديلوكس مستعملة حتى تاخذلك فد قاط قاطين نظافة و انتة بالسرة مع شورت نظيف و فانيلة توضع في الخزانة (صندوك الورة فوك السبير)

4-12 رزمة جرايد( الزمان الصباح الشاهد المستقل) مع انتقاء المجلات ذات الكلمات المتقاطعة مثلا كلمة من 4 احرف بمعنى نصاب شنووووو؟ بحار و ابقة حل الى ان يجيك السرة

5- لا اتعيط ولا اتصيح لمدة يومين لان راح تحتاج العياط و الصياح بالسرة( لمن واحد يطبك و يحاول يضرب السرة)

6- 18 كاسيت من خضيري ابو عزيز لحد حسناء لان راح تسمعهن كلها مرتين 3 و السرة بعدة ما جايك

7- املي الشحن مال موبايلك و سوي فووول حتة اتكضي الوكت اللي يبقة بالمسجات و الفايلات اللي عندك

8- 23 باكيت اكلنكس عبوة كل قطعة 12 كيلو عرك استعمل كل قطعة مرتين بس

9- 8 قواطي بيبسي و فلتر مال تريوعات لان راح تكلب معمل مال غاز وراها (ملاحظة ماكو شي اسمة فلتر مال تريوعة بس احتياطا لا تتثاوب اثناء التريوعة حلكك بعد ما ينسد)

10- قنينة اوكسجين خاف يا ستار تتخربط يتلحكون عليك تنحط عال كشن الورة

12- هوياتك و بطاقة السكن و القصة التموينية دنيا هاي خاف كلشي يصير

13- مهفة حجم 2 طن تربط يدويا و يتم تحريكها بواسطة الساعد (ايدك يعني) مع قوة دفع 14 لفحة بالدقيقة

14- 3 تكات جكاير سومر ام التتن المعفن حتة تحرك و ترجع لي ورة مع باكيت شخاط علامة النقيب(3 نجمات) حتة اتنعثل براحتك)

هلو بنات شلونكم
سويت زنود الست وطلعت طيبه بس يمكن لو قشطه الحلويات تطلع شويه اطيب
عاشت اديكم على الطريقه

والبارحه لكيت عد الايراني باقلا خضره ويم يم يمي
سويت باقلا وكباب وبصل وطماطه وبتيته يعني اكله عراقيه تشهي

بس احنه موجوده عدنه بالصيف بالفارمر ماركت يجيبوها واتعنه اروح اشتريها
لان موسم تمن باقلا ومرقه بس ما اعرف طريقه المرق اذا تفيدونه خير على خير


ام زيودي
تدللين انتو بس تفضلو يمنه بارويجن واسويلج كل شي يعجبج
وتره اوريجن بالصيف تخبل وكل الناس تجي تتونس بيها

ليالي
نور الموضوع عمي وين من زمان لو ظاله عالياهو ومختفيه هنا



بهراء
شلونج عيني
سلالالام للجميع الحضور والغياب

ام عبد القادر
يا هلا ويا مرحبا شلونهم الصغار والله يساعدج اذا ثنينهم يسننون سويه
وعاشت ايدج على المشاركه والله يساعد اهلنه بالعراق ويفرجها عليهم