البغدادية :

بان اني همين مو يومية اسوي تمن ومرگة لأن احنا ناكل الوجبة الرئيسية من يجي :arb: الساعة ستة ونص العصر فمترهم يومية تمن, فيوم اسوي گص لحم وبتيتة مقلية ويوم اسوي باسطرمةبالبيض واگلي نگتز , كبة حامض , كباب مشوي بالفرن وطماطة وبصل مشوية , دجاج مشوي بالفرن وتمن احمر, مقلوبة دجاج او بيتنجان, چلفراي , تشريب لحم او دجاج, سمچة مشوية بالفرن (هذي يوم السبت لأن نلتم عالغدا) طبعا وتنوعين بالسلطات , حمص بطحينة, تبولة, زلاطة خس, ... ها بعد اشتريدين اقتراحات؟ من اتذكر بعد اكلات اكبلچياها.واني همين مرات اكون مشترية حاجة لأكلة معينة اسويها غير اكله ياسو بالعافية التكة, اني هنا ما اگدر اسوي شوي عالفحم لأن احنا ساكنين بعمارة وممنوع الشوي ببلكونة الشقة , لازم ننزل جوة بالحديقة فاشوفها قدغة :22: (تعرفون شنو قدغة؟) يعني طويلة وعريضة , نزلي المنقلة والاكل والشياش ..فاشوي تكة الدجاج بالفرن, افوتها بشياش خشب واخلي الشياش على سيباية الفرن وجوة السيباية صينية الفرن حتى ينگط بيها, فتطلع مشوية بس ما بيها ريحة الفحم. اهلا وسهلا بيچ اختي ام محمد , ان شاء الله تقضين وقت حلو ويانة. ام زيد ---بريطانيا, سلامتهم الزيودي ولعلاوي, هاي كلنا هيچي بس واحد يتمرض تبدي السلسلة واحد ورة الاخ ومرات الى ان يطيبون كلهم يرجع اول واحد همين يتمرض :42: وهكذا.

بان اني همين مو يومية اسوي تمن ومرگة لأن احنا ناكل الوجبة الرئيسية من يجي :arb: الساعة ستة ونص...

banuk :

هلو ام زيد عدهم العافيه الجهال والله يساعدج يارب وشكرا لان طمنتينا والله ضل بالنا من اختفيتي الله يساعدج على التعب بس هاي هي بعد صرتي أم والتعب كله براسج بس تدرين اني جهال اختي هم نفس الشى من يتمرضون راسا الحرارة لل40 اختي تكول ماكو متصعد تدريجي راسا من تشوفهم حارين تفحص لو 39 ونص لو 40 ادري حالتج الله يعينج يله ميخالف ان شاء الله باجر عكبه يكبرون ويداروج وبالنسبه للاكل تدرين اني هم كلش احب المقبلات وهاي الشغلات الصغيرة ولو ادري شغله وتعبه مرات اكثر من الاكل طبعا قبل جنت اسوي هوايه شغلات بس هسه ماعندي لا وكت ولاواهس وبالاكل اهم شى الواهس :09:

هلو ام زيد عدهم العافيه الجهال والله يساعدج يارب وشكرا لان طمنتينا والله ضل بالنا من اختفيتي...

ام عبدالقادر :

السلام عليكم ورحمه الله وبركاته شلونكم يا بنات مشتاقتلكم كوووووومه ومشتاقه ارجع واتابع وياكم مثل قبل حبيت ادخل واسلم وان شاء الله ارجع واكتب وياكم بس والله اليوم خابرت بان ام مرومه ووعدتها انه اكتب اليوم .. فلازم اكتب ولو حتى بس سلام الف شكر لجهودج الحلوة ام مرومه باااااااان وان شاء الله يوم الي ترجع ام مرومه الجبيره ووتنور المنتدى.. اني الحمدلله بخير وملتيهه كلش بروان وياسين .. والي ما يعرفني من البنات الجدد ,, اني رشا ... ام روان عندي روان عمرها سنه وثلاث اشهر .. وياسين عمره اربعه اشهر ..الله يخليهم ويحفظهم ويبعدهم عن كل شر . وعايشه بالسويد . سلام سريع .. الى ام زيد (مها )هذه ايامج الله يساعدج وان شاء الله ساعه سهله يارب ..ام اموني ..بنوته بغداد ..ام زيودي وعلاوي ..ام زهراء وام مصطفى وام شهوده وام وسيم وماما زوزو وياسو .. والف اهلا وسهلا بالجدد من البنات ........ولو اني الي هسه جديده ولازم ترحبون بيه مع حبي ام روان .

السلام عليكم ورحمه الله وبركاته شلونكم يا بنات مشتاقتلكم كوووووومه ومشتاقه ارجع واتابع وياكم مثل...

banuk :

:icon28: :icon28: منوره الموضوع ام روان وياسين واهلا وسهلا بيج وانو اكول ليش الموضوع منور اثاري هاي انت اهلا وسهلا بيج ومشتاقين هوايه هوايه وان شاء الله نشوفج دائما يوم اللي ان شاء الله تكمل لمتنه بجيه نادية ونحتفل كلنه برجعوه يارب هسه صباح الخير ياحلوين اليوم السبت واعتقد جايتنه موجه برد الله يستر بس تعرفون اليوم يوم المسواك الاسبوعي ان شاء الله اشوفكم العصر وجايبتلكم شغلات حلوة ههههههه

:icon28: :icon28: منوره الموضوع ام روان وياسين واهلا وسهلا بيج وانو اكول ليش الموضوع منور اثاري...