السلام عليكم ورحمه الله وبركاته
شلونكم يا بنات ..
اولا ........ الف الف مبروك الحمل لدجله وبهراء يارب يتمم على خير ..والله فرحتلهم هوايه ودزيت مسج لناديه ابشرها بهذه الاخبار الحلوة ..
ثانيا ......... الف شكر لترحيبكم وسؤالكم عني ..
اني هسه دا اكتبلكم على السريع لانه ياسين يمي ده يوووون ما اعرف ليش ..
يمكن نعسان ..
اني الحمدلله والشكر بخير وياسين وروان زينين الف الحمدلله والشكر بس طبعا همي الاول والخير اهلي ببغداد .. الله يبعد عنهم كل شكر .
بان حبيبتي .. ضحكتني نكاتج وبجاني الحجي مالتج عن بغداد .. اه يا بغداد.
شلونها مرومه .. ما شاء الله عليها صايره تخبل الله يحفظها ..
ام مصطفى شلونج عيوني .. شكرا لكلامج الحلو عن روان وياسين ( ولزياده المعلومات اني دخلت للمنتدى وجنت حامل بروان 4 اشهر ونص ) وهسه رنونه سنه و3 اشهر ..الله يديمها عينه هذه اللمه يارب ..ونجتمع سويه ببغداد .. روان صايره حلوة احلى من قبل واوكح من قبل .. اما ياسين فـ حباب وهادىء ..
ماما زوزو .. سبحان الله اني من اول ما قريت ردودج تخيلت شخصيتج مرحه وحلوة هيج .. اني نفس مشكلتج .... يعني اني زوجي يحب هاله فؤاد ((تتذكريها ))واني بعيده كل البعد عن هدوء وعقل هاله فؤاد فتخيلي المشكله هههههه..ما اعرف ليش يا ماما زوزو اني هوايه احبج مع انه ما صاير حجي بيناتنه هوايه بس سبحان الله الحب من الله..الله يهدي لزوجج عليج ويشوفج احسن وحده بالعالم .
ام شهوده حبيبتي شلونج .. عيونج الحلوة الي تشوف روان حلوة الله يخليلج البنات ..ويفرحج باخ للبنات.
ام وسيم اشرقت وانورت .. شلونه الحمل وياج..ياسو شلونج حبيبتي وشلونها جوجو ..
ام زيودي .. شلونهم الصغار ..حبيبتي روان ظلت تشتغل مكناسه فتره طويله وهسه بطلت هسه ده تشتغل ب المجرات وتشيل منها غراض وتحشي بيها غراض .. يعني هسه من اضيع شيء لازم ادور كل مجرات البيت . الخواشيك الكاها بالمجر مال هدومها .. تخيلي..
ام عزوز .. شلونج عيوني وشلونه عزوز ..
ام زيودي .. يارب تقومين بالسلامه .. وطمنينه دائما .. شنو اخبار ام حيدوري .. اريد رقمها ..ياريت دزيليها بالياهو .. وتسلميلي عليها هووووايه
بنوته بغداد .. شلونج حبيبتي وشلونه حمودي الله يخليله وشلونها زينه شنو اخبارها ؟؟ مدا اشوفها على الياهو ..سلميلي عليها كوليلها رشا تسال عليج .. احجيلي شنو فعاليات حمودي الجديه اريد اشوف بنتي شراح تسوي الاشهر الجايه ؟؟
ام يقين .. شلونج عيوني .. شكرا لسؤالج وعيونج الحلوة حبيبتي بس وين شفتي روان وياسين ؟؟ اخاف صور قديمه ترى هسه هما صايرين احلى بعد ...( صلى على محمد وال محمد ) . اني بنتي روان عمرها بكد بنتج مريم ..روان سنه و3 اشهر .. تقول ..ماما ..بابا ..دادا ..نانا .. أدو ( جدو ) أنده (هنده ) ندا (ندى ).. بس كل شي تفتهم الحمدلله .. لانه اني احجي وياها من عمرها يوم ..يعني اي شيء اطابه من عدها تفتهمه .. تعال روحي انطيني اخذي ..واي شيء اشرالها عليه اكوللها انطينياه راسا تروح عليه وتنطينيا .. وهسه علمتها وين شعرج وين بطنج ووين حلقج ..وبس ..هههههه.. انت سولفيلي على مرومه شنو الاشياء الي تعرفها علميني علمود اعلم روان ..

ام زهوره حبيبتي شلونج والله انتو كلكم عزاز ولو مو عزاز ما جان فرغت نفسي بالقوه علمود اكتبلكم ..
مشمشه .. الله يتمملج على خير وتفرحين بطفلج معافى وسالم يارب وتقومين بالسلامه .
الله شاهد اريد اكتب لكل البنات بس ياسين راح يقعد العماره كلها .. بلكي ان شاء الله باجر التتمه ..\

بنات .. بمناسبه الحمل ..
والله والله والله .. والله يشهد على كل كلمه دا اكتبها هسه .. اني بولادتي بياسين دعيت للبنات الي يريدون الحمل ..رب العالمين يرزقهم ( لاني اعرف من زمان انه الام خلال الولاده من تدعى رب العالمين يستجاب الها وتنفتح ابواب السماء ) والله اعلم
فدعيت .. لناديه وزينه وبهراء ودجله ورنين وليالي ...دعيتلهم بالاسماء ..والله شاهد
والحمدلله والشكر ..الحوامل هوايه .. مابقى شيء .. الكل حوامل والله يرزق الباقيات من البنات

هلو بنات شلونكم
بنت ديالى شلونج تعالي خلي نشوفج يوميه
تدرين هاي اول مره اعرف انوا ممكن الشجر يطلع مر اني سامعه البيدنجان مرات يصير بيه مروره والخيار هم بس الشجر شى غريب هذا ديبين الشجر الاجنبي هيجي حتى شجرهم غير شكل هههههههه
هله بمشمشه الله يسهلج على الخير يوم اللي تقومين بالسلامة يارب وبالنسبه لسفرج الاحسن تسالين الدكتورة احسن اني اتذكر بوكته كلتلي وره الثامن منقبل تسافرين بس الاحسن سالي الدكتورة احسن

هله بام عبد القادر شنو هالنور اكول المنتدى منور خلي نشوفج يوميه
لتخافين ناخذلج تصريح من روان وياسين ههههههه علمود نشوفج يوميه

سلام لباقي البنات يله بنات منو بعد تريد تشارك بالختمه

بنات هاي شنو والله فرحت لحمل دجله مثل فرحتي لاختي
الله يتمم عليها الحمل بخير وسلامه



ياهوووووووووووووو
لكيت وحده مختلفه ويه زوجها مثلي
ام عبد القادر احرجيتني بكلامج الحلو
واني وزوجي والزمن طويل يا اغيره يايغيرني


مشمشه
تدورين ملابس للجهال لو تقضين وقتج لان الرجال ماكو وفارغه
واذا تكدرين ترحين لسوريا روحي تونسي
اني سافرت من سوريا لامريكا واني حامل بالسابع
واذا رحتي لسوريا لاتفوتج المطاعم
القريه والريان و...... تره اكلهم يخبل


بنت ديالى
شلونج عيني شلون صحتج
وليش هيج تتداهرين ويه صداميه بس لاتزعليها تره كلنه نروح ننتخبها
هههههههههههه



انس المكان
اخيرا بينتي يمعودات ارجعو للموضوع وشنو وصلتي لكندا
الف مبروك يله ننتظر اخبارج

بان
اي يطلع الشجر مر يمكن اذا لونه طوخ وما تقشري زين
همزين تبسي مو محشى