amira48 :

ام شهدعزيزتى اول شى تره الضرب مايجيب نتيجه...بل بالعكس ينمى عند الطفل العناد وهذا الشى لاحظته بحفيدتى فاطمه كان ابوها يلجأ للضرب احيانا..فبدت هى تعاند اخوها وتشاكسه مع انه اكبر منها...ففهمت ابنى انه احسن طريقه انه يعاملها كصديقته..وبالفعل بدأت شويه تلين وتجى بالاقناع...حاولى تشغلين بنتج بأشياء هى تحبها...اذا تحب ترسم هىء الها كل الاشياء المتعلقه بالرسم....اذا تحب القصص المصوره ..اشتريلها ...اذا تحب الاعمال اليدويه شجعيها..يعنى ..اكيد انتى تعرفين هى شتحب.. بالنسبه للروتين فكلنا عايشين بنمط واحد...اعرف الصبح شراح يصير وكذلك الظهر واعرف باجر شلون راح يمر اليوم بكل تفاصيله...الازواج ملتهين بعالمهم...فأكول لازم نخلقلنا عالم النا...حقنا لوموحقنا؟؟؟؟اتصور الحياة بدبى بيها المجالات اللى تكدرين تاخذين البنات وتطلعين على الاقل فد مره بالاسبوع..ولو انى بالنسبه اللى مااكدر اعيش بيها لان عندى ربو من الجو والرطوبه والله يعينكم ..وماكو تره مثل بلادنا الحلوه..والله كريم...يحفظلج البنات وتشوفيهم عرايس ان شاء الله

ام شهدعزيزتى اول شى تره الضرب مايجيب نتيجه...بل بالعكس ينمى عند الطفل العناد وهذا الشى لاحظته...

amira48 :

ليالى بغدادأهلا وسهلا بيج حبيبتى كل اللى كلتى صحيح وهاى يمكن معاناة اغلب العراقيين بالغربه ...اطفال نشأوا فى بلد تختلف قيمهم عن قيمنا الاصيله بس ارجع واكول ان للبيت اكبر الاثر بالتربيه لان الطفل اول خمس سنين عمره راح يكون مثل الصفحه البيضه تكدرين تنقشين عليها اللى تردى....صحيح مغريات الشارع(الشارع اقصد بيه الجو خارج المنزل) كثيره بس تبقى القيم المغروزه بالطفل قويه بس تضعف لمن نهمل الامر لكن لو احنا وراهم ومن غض الطرف عن اشياء تبدو لهم طبيعيه بس بالنسبه النا تخالف القيم اللى تربينا عليها ذاك الوكت راح يدركون انه اكو من يحاسبهم...وان هذه الاشياء يمكن تخالف دينا او عاداتنا...دائما احجى وياهم...امى هيجى علمتنى...امى هيجى كلتلى ...ابويه جان يزعل عليه من اسوى فد شى غلط...احنا عدنا عادات تختلف ويا هذوله الناس....يعنى من هالحجى...والله يساعدج حبيبتى..وانى عندج..اذا يصعب عليج امر من الامور...وان شاء الله مايصعب عليج شى...اتمنالج الموفقيه...وان شاء الله تشوفيهم بالشى اللى انتى تتمني الهم.

ليالى بغدادأهلا وسهلا بيج حبيبتى كل اللى كلتى صحيح وهاى يمكن معاناة اغلب العراقيين بالغربه...