السلام عليكم بنات:)
تعبت رايحة جاية اجيبلكم اخبار ومحد طش جكليت :angry2:لو هلهل:icon28: :icon28:
صلوا على محمد وال محمد وكولوا ماشاء الله
هاكم لعد أستلموا العريس الخامس
سمااااااا ولدت بالسلامة وجابت ولد:arb: سمته (يعقوب)
الف الف مبروك ام يعقوب وان شاء الله يتربى بعزكم وتشوفون كل الخير على كصته وتاخذون الاقامة امين يارب:26:
السلام عليكم بنات:)
تعبت رايحة جاية اجيبلكم اخبار ومحد طش جكليت :angry2:لو هلهل:icon28:...
بنات اني شفت الكلام من الصبح بس جانت نفسيتي متسمحلي اجاوب الى ان هدات يالله جاوبت
اني حامل ومو حمل اي خبر اسمعه لان اني من النوع الي انقهر بسرعة واعصب ومااتحمل وجربوني البنات بموقف الي صار قبل كم يوم من جنت خايفة على بيت ننو الله يحميهم يعني بسرعه اتعب
واليوم من سمعت زوجي يحجي وية اخوه ويكوله انفجار و لاحول ولا قوة الا بالله راسا بطني كامت تاذيني من الهبطة وجانت نفسيتي زفت واني من ادخل على حواء والي دخلت وشاركت بيه علمود بصراحة نادية (اغلى وطن ) طبعا قبل ماااتعرف على لمتكم الحلوة والطيبة وقبل ماااحبكم حيل اني كنت متعرفة على ننو وكلتلي ادخلي وشاركي وراح تتونسن وتنسين الغربة ف شاركت بموضوعكم الحلو وبهاللمة الحلوة الي صدك صرنا بيها مثل الاهل نفرح لفرح الاخرين ونحزن لحزن الاخرين وندعي للي يحتاج دعوات سواء مريض او بشدة . وكنا نضحك ونفرفش وماوحدة تجرح الخ!! او تزعل من الخ وصارت بيناتنه علاقة اكثر من علاقة جات او اي شيء لا بالعكس صرنه صدك اخوة بالله ميجمعنه غير حب الله ورسوله وحب الوطن
واغلب البنات يعرفوني اني منو وشنو طبعي لان صار احتكاك بيناتنه ومخابرات مو بس على المسنجر والي مصاير بيني وبينها حجي فهي تعرفني من ردودي واحترامي الها ومحبتي الكم الي اني ممجبورة اضهر بهذا المنضار كدامكم لان انتو بعيدين واني بعيدة ومحد يعرف الخ لكن الي طبعه الطيبة ميكدر يصير حاقد !!!!!!!!!!
اني مااحب اذكر اسماء البنات لان الكل احبهم لكن ام طيبة تعرفني تعرفت عليها عن طريق منتدى اخر قبل تقريبا 4 سنوات واكرمتني ببيتها وضيفتني ببيتها وصارت العلاقة مو بس علاقة منتديات او تلفون صارت علاقة عائلية بينه يعني الازواج ايضا تعرفوا على بعض وحبوا بعض في الله
ونادية وشيماء وام حيدر وريم وسوسن وام زهراء وام مصطفى وام وسيم وام روان (رشا) وليالي وام زيد وياسو وجمانة وسما هذولة كلهم احجي وياهم على المسنجر وشيماء اتصالات هاتفية وكلهمم يعرفوني اني شنو وشنو معدني لان يجوز اكدر اضحك ومااابين صورتي من ردودي قد استطيع ان اتحايل!! ولو يبين الانسان لكن خلي افرض اني اكدر اما الي ذكرت اسمائهم هذولة ماعدا سما وجمانة اني تكلمت معاهم قليل الباقين تقريبا كل يوم اتكلم معاهم من شاركت بهالمنتدى واسالوهم عني?
اني ماااريد اكعد ابرر واكول اني شنو لان ماااحب هذي الخصلة ابدا احب الانسان يعرفني من يعاشرني
يعني حتى زوجي من اجه يخطبني وهو ميعرفني كلي احجيلي عنج كلتله ماااعرف اني اكول اني هيج واني هيج انته راح تعرف اني شنو
ف يالمى مو انتي الي تجين على اخر الزمن تكوليلي انتي حاقدة!!!!! ترة هذي الكلمة وحدها تكفي انه مااادخل لهالمنتدى مو ماادخلة من وراج لان بصراحة اني متعمدة ماااجاوبج وتركت المنتدى فترة حتى اهدا
اي نعم اني كنت مع البنات الي مجانو يجاوبوج
لكن بعد مرجعوا البنات يجاوبوج اني جنت حالفة اني ماااجاوبج
نعم رشا اختي وغالية علية( ومن كلتي على انه هي مو من مستواج وهاي الحجاية عيب واحد يكولها لان انتي متعرفين هي شنو حتى تكعدين تحددين المستويات لان مو انتي الي تحددين مستواج الناس تحدد انتي شنو عن طريق احترام الاخرين وعدم التكبر عليهم وتعاملج معاهم !!!) ومعجبني اسلوبج معاها والبنات كلهم مصادقين رشا يعني من مستواها يمكن احنا كلنا مو من مستواج!!!!!. لكن انتي اعتذرتي للباقين على الرغم انج معتذرتي على هالكلمة وهذا يخصج انتي وغاليتي رشا وبعد اعتذارج للبنات مالمفروض احد يدخل بينج وبين رشا وتحلون السالفة بينكم لان انتي حاولتي تبينين للبنات انه انتي وحدة حبابة ومو صاحبة مشاكل !!!!!!!!!!
لكن اني ماكو داعي احلف لان ماملزمة على ذلك لكن الله وحدة يعلم اني من سالت سؤال باخر صفحات الجزء الثاني وسالت عن الكاربت وعلاجة وجاوبتني ام زهراء مشكورة هي وام حيدر ورديت عليهم اني مجنت شايفة ردج والله يشهد على هالكلام واحاسب عليه يوم القيامة وكمت ورحت انضف الكاربت بس بقيت الانترنت مفتوح جيكت على الردود لكيت ردج قبل ردي بدقيقتين او دقيقة وشوية مااادري يعني اني وياج جنة نكتب الرد بنفس الوقت
لكن بعد ردي كاتبة انتي اني مو جاوبتج شنو هاي وين الاخلاق والمبادئ واني ماااعرفج وتحجين وياية بهالاسلوب سكتت وبوكته دزيت الكتابة لبعض البنات وكلتلهم تفضلوا شوفوا !! اني مراح اكتب اي شيء لان كلت من اتنرفز اني ماااكتب اي شيء اخاف اكتب حجي اندم عليه لكن ثاني يوم شفتج ماسحتة!!!!!!!!!!!!!!!. والبنات كلولي لتردين عليها احسن !!!!!
ومذكرت هالشيء على العام كلت اني مااحب اسوي مشاكل حتى لو اني مو جديدة عليهم اني مو مشكلجية!!
من يومها كلت هذي البنية انشطبت من قائمتي ولو هسة شيكولولي مراح اجاوبها واكف الشر عني لان اني مرية حامل وتعبانة ووره فترة شفت المنتدى في مرحلة سبات والكل يدري منو السبب!!!!! كلت ارجع احط موضوع حتى اخلي الكل يشارك واولهم ام روان الغالية الي الكل ديفتقدها بهالمنتدى ويسال عليها وان شاء الله ترجعلنه وترجع النور لهالمنتدى
ونقطة مهمة يا لمى واتوقع شيماء كالتها الج او احد البنات واذا مكايليها الج احب اكولج اياها
اذا عندج اي شيء اكو فوق خاصية اسمها الرسائل الخاصة زين روحي انقري عليها وارسلي رسالة واشرحي بيها الي بقلبج وشوفي المقابل شراح يكولج وبعدين اذا تاكدتي نزلي الي تريديه
مو تكعدين تكتبين كلام انتي ممثمنته لان لو معاتبة عتاب نكول ميخالف المحب يعاتب !!
لكن من تكتبين كلمة جبيرة مثل حاقدة او يحقد وعايدتها اكثر من مرة للتاكيد ترة هاي مو سهلة زين لو كايلة ضايجة ! او كارهة! على الرغم من كبر هالكلمة لكن متجي شيء امام كلمة حاقد لان الي يحقد ميعرف الرحمة والي ميعرف الرحمة وماكو رحمة بكلبة يسوي كل شي وهاي بلدنه اتحطم بسبب الحقد والكراهية ف تخيلي وصفج الي وانتي متعرفيني شنو معناه!!!! (ارجع واكول قبل لتكتبين اي شيء ثمني الكلام واوزنية وشوفي انتي ويامن دتحجين وبعدين سوي ارسال للرد)
وثانيا احنا مو صغار نكعد اني خطان وانتي لا او منو الخطا ومنو الي ما خطا احنة مو لازمين ورقة وقلم ونكعد نحاسب !!
ولو كايلة ليش مباركتيلي اخاف مشفتي الرد ترة اني همين ولدت ام امين يمكن اني مشفت الخبر اواسمج مكتبته وهاي صارت وية هواي بنات مرة نسيت دجلة ومرة جمانة وبعدين يالله كتبتلهم ومرة نسيت ابيسة واعتذرت منها وكالتلي عادي يعني مجوي كالو احنة كتبنة بموضوعج ليش مجاوبتينة والموضوع جان موضوعي فلو انتي همين سائله على الرغم انه اني جنت متعمدة وياج وكلت شنو السبب جان يجوز ارجع واعدل عن قراراي واجاوبج !!!!!!!!
المهم اني اليوم جانت نفسيتي زفت بسبب خبر اجاني الصبح وكلت ادخل على حواء حتى اتنفس لان اني حامل وراح اطك من ورة هالاخبار جمالة تجيني انتي تزيدين عليه!!!!!!!!!!!!!!!!!!!!!!
فرجاءا مثل ما تركتي ام روان بحالها بعد الدكة الي دكيتيها وياها انسيني مثل مااني ناسيتج ولا كانه انتي ويانة بهالموضوع واذا جاوبتي من اجوبتج الجميلة !!!!!!!!! الي تهدي الاعصاب وتريحها بهالغربة !!!!!
ف من هسة بنات اكولها الكم
استودعكم الله الذي لا تضيع ودائعه
واكوللكم اني من صدك حبيت هالللمة وحبيت اخوتكم رغم الي ديصير والي يعكر هاللمة حبيت كل البنات حتى الجديدات الي متعرفت عليهم حبيتكم
اذا تركت هالموضوع ف موجودة الرسائل الخاصة تكدرون تستفسرون عني
واكو بنات يعرفوني موجودات على المسنجر تكدرون تعرفون اخباري منهم هذا اذا تركت الموضوع لان اني مابيه على هد الحيل الي بينه كافينه لان اذا صار اي شيء اني ماراح ارد وماادخل هذا الموضوع بعد مابيه على شد الاعصاب
والكلام الجارح الي لو نسمعه بالعراق تكون عليها عشائرية . ومابيه حيل اخسر اعصابي او الطفل من ورة حركة الاعصاب. ومابيه حيل على الاشياء التافهة
السلام عليكم بنات اعذروني اذا غثيتكم بس حبيت اوضح الامور مو الكم لان اتوقع انتو تعرفوني
ل
لمى الي متعرفني
والسلام عليكم
محبتكم بالله
ام اموني