كوبونات الراقية تسجيل الدخول

Layali*Baghdad
Layali*Baghdad •
دجــــلــه دجــــلــه :
لا يمكنك مشاهدة هذا التعليق لانتهاكه شروط الاستخدام.
السلام عليكم بنات..

الاخوات..ريحانة السنة(اسمج يخبل) والاخت نيبال..
مشكورات وبارك الله بيكم عالكلام الطيب اللي ذكرتوه بخصوص اختنه لمى..
ولمى وحده من عندنه..وكلنه مغتربات وعراقيتنه هي اللي تجمعنه..
وفعلا..المسلم لازم يكون التسامح هو طبعه..ولمى خطيه ما قصرت..اكثر من مرّه اعتذرت..وهي لو ما عاجبتهه هاي اللمه ما جان تدخل علينه بين فتره والثانيه..

ويارب يديم المحبه بيننا ويصفّي القلوب..:26:
ريحانة السنه وعيوشه وبهراء وباقي البنات طبعا..:)
الوضوء شلون يكون للشعر المسيشور؟والمسرّح؟
قصدي مسح الرأس..مقدمة الرأش؟
لانه اني متعوده مو بس امسح مقدمة راسي..لا...اخليهه اتصب ماي
فه شلون يكون مسح مقدمة الشعر؟والبارحه بنيه صديقتي كالتلي ايصير بس تمسحين مقدمة الرأس شي بسيط يعني..بس اتبللينه بأصابيعج..مو الا يتبلل كله..والله اعلم
بنات اريدكم اتجاوبوني اذا اتعرفون لانه بصراحه اريد اسوي نيو لوك:42:
ان شاء الله اليوم راح اروح عند وحده اتكص شعري..وباجر اسوي تمليس للشعر(تسريح شعر ابو ال 6 اشهر)
ووراهه ان شاء الله اصبغ لو اميش..
فه بنات مثل متعرفون تمليس الشعر يحتاج كم يوم الشعر ما يوصله ماي..لانه يكون مسيشور فه علمود ياخذ شكله..مثل ما يكولون..

واني بالاردن من رحت هناك..ملسّت شعري بس ما جان علّيه صلاة جنت معذوره..
اش تنصحوني بناتي؟

الاخت دجله..:)
الف شكر الج..وبارك الله بيج عالمجهود اللي اتقدميه لخواتج..
بس عندي اقتراح؟
ليش متكون صيغة المخاطبه بالمؤنث؟يعني...مثلا..
انتي عراقيه؟مية هلا بيج؟...اتفظلي هنا!!
مو احسن؟شتكولين؟
سلامي:26:
ام عبدالقادر
ام عبدالقادر •
ياسو حبيبتي
ان همين يعجبني اتعرف عليج اكثر وعلى كل البنات الي ادخلو ويانه اخيرا ومنها الاخت دجله ..
100 هلا بيكم وان شاء الله الله يديم هذه المحبه بيناتنه ..

نيبال ..
شلونج عيني ان شاء الله بخير .. والف شكر لسؤالج وسلامج ..


ام زيد ..
الف شكر حبيبتي .. للتهنئه .. وان شاء الله الموفقيه للجميع
ابنج علاوي اشكد عمره الله يخليه اني روان راح تكل 8 اشهر والى حد الان الخاتونه مدا تقعد وحده الا اسندها ..


توليب ابيض ..
شكر حبيبتي لكلامج الحلو اني اتذكرج من الجزء الاول دخلتي شاركتي ويانه .. بس بعدين اختفيتي .
اهلا بيج مره ثانيه ومبروك الاقامه ..

ام حيدوري
دائما تخجليني بكلامج الحلو .. الله يديم هذه المحبه والاخوه وان شاء الله تبقى العمر كله ..

ام وسيم .
الف شكر حبيبتي ترحيبج الحلو .. الله يحفظلج وسومي وايمن .. وان شاء الله نفرح ببنيه حلوة قريبا
Layali*Baghdad
Layali*Baghdad •
ياسو ياسو :
دجلة حبيبي ولو راح نتعبج ويانة بس انطي احسن ما عندج لان ترة الموضوع صدك يسوة وعاشت ايد الي طرحتة :) اني اقترح نخلي فد جملة او بيت من اغنية عراقية معروفة وطبعا مو البرتقالة ههههه:42: اني هسة تذكرت بيت كلش حلو (كالولي ليش خشمك بالسما ونفسك ابية كلتلهم يا بشر مو بيدي جنسيتي عراقية )و(ارفع راسك انتة عراقي)وبعد هم حدور بلكي الكة شي حلو
دجلة حبيبي ولو راح نتعبج ويانة بس انطي احسن ما عندج لان ترة الموضوع صدك يسوة وعاشت ايد الي طرحتة...
لج ياسو؟ظلّت نفس أبيه وخشم عالي؟اي مو هسه اللي جواز سفره عراقي وجنسيته عراقيه ولا مطار يقبل يدخله..خليهه سكته:09:
هذا البيت شعر مالتج المفروض ينكال بالسبعينات..من جان الدينار العراقي يساوي 3 دولارات امريكيه و 3 دنانير كويتيه..ومن جانوا العرب يتمنون يعرفون اللهجة العراقيه اشلون صايره!!!
اووووف اوووف يالقهر..
ام عبدالقادر
ام عبدالقادر •
السلام عليكم ورحمه الله وبركاته
الاخت العزيزه ... لمى
اولا وقبل كل شيء
الف مبروك وبالخير ما جاكم وان شاء الله يتربى بعزكم يارب ..

اني أسفه يمكن تأخرت هوايه بالرد عليج .. بس ضروف البيت وروان ...والتعطيل الي صار بالمنتدى لاسف ما حالفني الحظ ارد عليج مع العلم انت كاتبه بوقت متأخر واني ما شفت ردج الى بوقت الضهر عدنه بالسويد ..
اختي .. اني بالحقيقه استغربت من كلامج واعتذارج .. لانه انت بكلامج الي وجهتي الي كنت مصره انه اني مو مستواج وماتريدين تحجين ويايه مع العلم انت ماتعرفيني ولا تعرفين اي شيء عني علمود تحكمين عليه هذا الحكم الغريب ..وتكلمتي معي بطريقه جنت مقرره ..اني مستحيل اردلج تحيه بعدها اول سلام ..
بس هذا كلامج الاخير غير كل نظرتي عنج .. واذا اني العبد الفقير ما اغفر خطا عباد الله .
شلون راح اطلب من الله سبحانه وتعالى ان يغفرلي ذنوبي يوم القيامه ..
ارحمو من في الارض يرحمكم من في السماء
واذا اني هسه مراح اقلب وياج صفحه جديده .. فا اني اكون مو ام روان الي عرفوها البنات وحبوها والحمدلله ..
صحيح انت خطأتي هوايه بحقي واصريتي بكل كلامج السابق على الخطا ويايه ..
بسسسسسسسسسسسسسسس
الحمدلله .. يا لمى اني عندي اخ ( الله يرحمه ويغفرله ) يملك حنيته وطيبه تعادل العالم كله .. يعني لو اني مأخذه 5% من هذه الحنيه مالته وطيبه وحب للناس فهذه كافيه الخمسه تخليني احب العالم كله واتسامح وياهم ..
الف الحمدلله والشكر انه احنه مسلمين .. اولا واخيرا ..
واهلا وسهلا بيج ويانه بهذا الحله الجديده ..
اما بالنسبه لكلامج عن ام عبودي
يا حبيبتي يا لمى القلوب سواجي مثل ما يقولون ... واكيد راح تلاكين كل البنات كلامهم نفس كلام ام عبودي اذا احد ممكن يمس ام عبودي بحجايه وحده .. لانه الطيور على اشكالها تقع ..
والف الحمدلله والشكر .
ياسو
ياسو •
ليالي حبيبتي اني لويش حبيتكم والله والله اليوم داكولة لزوجي حبيتكم لان انتو تذكروني ببغداد بزمن الخير وكت الثمانينات وحتى بالتسعينات ببدايتها فاحنا هنا وهسة نحاول ولو بالكلمات البسيطة الي دنكتبها نرجع للعراق وحدتة وهيبتة ووداعتج وداعت بنتي ترة الدول العربية كلها تحبنة وتقدرنا روحي لسوريا وللقاهرة وللامارات والمغرب والله يحلفون براسنة واللي ما يريدنة ربح مانريدة خسارة وانتي وبقية البنات سفراء للعراق بالخارج