ام عبدالقادر :

السلام عليكم ورحمه الله وبركاته الاخت العزيزه ... لمى اولا وقبل كل شيء الف مبروك وبالخير ما جاكم وان شاء الله يتربى بعزكم يارب .. اني أسفه يمكن تأخرت هوايه بالرد عليج .. بس ضروف البيت وروان ...والتعطيل الي صار بالمنتدى لاسف ما حالفني الحظ ارد عليج مع العلم انت كاتبه بوقت متأخر واني ما شفت ردج الى بوقت الضهر عدنه بالسويد .. اختي .. اني بالحقيقه استغربت من كلامج واعتذارج .. لانه انت بكلامج الي وجهتي الي كنت مصره انه اني مو مستواج وماتريدين تحجين ويايه مع العلم انت ماتعرفيني ولا تعرفين اي شيء عني علمود تحكمين عليه هذا الحكم الغريب ..وتكلمتي معي بطريقه جنت مقرره ..اني مستحيل اردلج تحيه بعدها اول سلام .. بس هذا كلامج الاخير غير كل نظرتي عنج .. واذا اني العبد الفقير ما اغفر خطا عباد الله . شلون راح اطلب من الله سبحانه وتعالى ان يغفرلي ذنوبي يوم القيامه .. ارحمو من في الارض يرحمكم من في السماء واذا اني هسه مراح اقلب وياج صفحه جديده .. فا اني اكون مو ام روان الي عرفوها البنات وحبوها والحمدلله .. صحيح انت خطأتي هوايه بحقي واصريتي بكل كلامج السابق على الخطا ويايه .. بسسسسسسسسسسسسسسس الحمدلله .. يا لمى اني عندي اخ ( الله يرحمه ويغفرله ) يملك حنيته وطيبه تعادل العالم كله .. يعني لو اني مأخذه 5% من هذه الحنيه مالته وطيبه وحب للناس فهذه كافيه الخمسه تخليني احب العالم كله واتسامح وياهم .. الف الحمدلله والشكر انه احنه مسلمين .. اولا واخيرا .. واهلا وسهلا بيج ويانه بهذا الحله الجديده .. اما بالنسبه لكلامج عن ام عبودي يا حبيبتي يا لمى القلوب سواجي مثل ما يقولون ... واكيد راح تلاكين كل البنات كلامهم نفس كلام ام عبودي اذا احد ممكن يمس ام عبودي بحجايه وحده .. لانه الطيور على اشكالها تقع .. والف الحمدلله والشكر .

السلام عليكم ورحمه الله وبركاته الاخت العزيزه ... لمى اولا وقبل كل شيء الف مبروك وبالخير ما...

لمى الكبيسي :

ام روان اختي الغاليه ياريت لو ممجاوبتني وتاركتني بلا جواب هوايه احسن يعني اني لعد لمن كلت في يوم من الايام انتي مو من مستوايه اذا كنت صادقه كل الصدق وياريتلو ممجاوبتني لانج صحيح مو من مستوايه ام روان انتي مو من مستوايه لان كلبج اكبر اكبر وعقلج اكبر من عقلي وياريت لو اكدر اني اوصل لربع ربع مستواج شوفي اذا اني مكنت غلطانه وياريت لو ممجاوبتني احسن لان بجوابج الي حسستيني بالذنب اكثر وفشلتيني من نفسي بحسن اخلاقج ام روان قسما بالله دمعت عيني من قريت الي كاتبته وفشلت من نفسي والله الي حجته ام عبودي صح مثل مكالت قليل بحقج ياختي العزيزه الله يبارك بيج ويحفظلج زوجج وبنتج ويكومج بالسلامه باذن الله ويرزقج طفل كامل الصحه والخلقه باذن الله وياربي يرحم اخوج عبد القادر برحمته الواسعه ويدخله فسيح جناته ياعليم ياقدير يالله واني لو اضل طول عمري اعتذر منج ما رتاح واني الغلطانه من راسي لرجليه بحقج واني اسفه وهاي بوسه على راسج الي ان شالله يظل مرفوع والى كل الاخوات ريحانه السنه وليالي تره والله صح اني اول مره اعتذر من ام اروان شخصيا وحتى رغم اعتذاري كنت ما استاهل ترد عليه لكن بنات الاصول الي مثلها اصلها متهزه لو اقوى الاشياء والف شكر وان شالله خوات باقين .:26:

ام روان اختي الغاليه ياريت لو ممجاوبتني وتاركتني بلا جواب هوايه احسن يعني اني لعد لمن كلت في...