um Emeen :

السلام عليكم بنات :) كيفكم وكيف احوالكم اسفة تاخرت بالرد بس انتو تعرفو بالويك اند الواحد ينشغل مع العائلة والتسوق اولا اهلا وسهلا بيكي اخت لمى والان اقولها الك من قلبي موة فقط بلساني مبروك ماجاكي ويتربوا بعزكم يارب وان شاء الله ربنا يجعلهم اولاد صالحين بارين فيكم جوج حبيبي اني مازعلانة بس انشغلت والله وينك ماااشوفك اون لاين ام زيد برطانيا مبروك نجاح اختك وربنا يقوم علاوي بالسلامة وتكون عملية سهلة ميسرة واجر وعافية ابيسة ربنا يقيمك بالسلامة مابقى شيء راح الكثير وبقى القليل طبعا ننو دائما يضل بالها وخابرتني خطية من الصبح بس حتى تتطمن اشكرج عيني ننو واجازيكي ان شاء الله بالافراح ام رنوش مبروك على نجاح بنت اختك ويوم الي تشوفين رنوش باعلى درجات الدينية والعلمية ام يوسف رورو حبيبتي يالله كله باجرة وصدقيني لو يضل كان يبقى معلول لان مادام البيضة مو صحيحية والتلقيح غير سليم فيكون الطفل ايضا غير سليم اعرف وحدة كان عندها 4 بنات ونفسها بولد ويوم حملت وعرفت انه عندها ولد مصدقت وكانت طول فترة الحمل متتحرك لان مهدد انه ينزل وتجهضة لان وضعه جدا حرج وكانت بس نايمة تقول اريده يبقى ويوم ولدته ولدته وكان شكلة جميل وهادىئ ومن كبر اكتشفوا انه مابداخل خلايا جسمة مختلة مو الخلايا فالى الان وهو غير سوي فالحمد لله ربنا ان شاء الله يعوضك على خير ويرزقك باخ ليويو فنكي شكرا على رسالتك واني ماعندي شيء وهاي اني اكتب بالمنتدى ياسو شكرا على شسؤالك ومشاعرك الطيبة ام وسيم والله المنتدى منور بيكي وبكل البنات حبيبتي انتي واشكر كل من سال عني بغيابي البنات زاد عددهم وماااقدر اذكر الجميع وراح انزللكم قصة وداعي وزواجي بعد مااخذنا الفاصل الاعلاني (ماكان اعلاني كان ازعاجي :22: )

السلام عليكم بنات :) كيفكم وكيف احوالكم اسفة تاخرت بالرد بس انتو تعرفو بالويك اند الواحد ينشغل...

moon_2005 :

لا يمكنك مشاهدة هذا التعليق لانتهاكه شروط الاستخدام.

um Emeen :

السلام عليكم:) :) راح اكتب القصة على اجزاء اوكي ابدي بقصة زواجي وووراها فراق الاهل اولا اني بابا استاذ بكلية الزراعه من كنا بالعراق كان دائما يذكر اسم ابو زوجي بحكم انه ايضا استاذ معاه بس عمرنا ماشفناه او تكلمنا معاه على الرغم انه احنا ساكنين بالغزالية واهل زوجي بحي الخضراء المهم كان مرات يذكر اسم ام زوجي لان كانت مرات تراقب معاه على الطلاب بس هي ماستر مكملة مرت الايام وبسنة 98 قرر والدي انه يطلع للاردن لان العيشة بعد متراد بالعراق كنا نقول هذا الكلام والله العالم بعيشتهم الان!!!! طلع بابا على اساس احنة نطلع وراه بكم شهر وصارت ضربة على العراق ب سنة 99 برمضان وبابا كان قلق جدا علينه اني واخواني الاثنين لان اختي الكبيرة متزوجة والثانية متزوجة وبالاردن معاه وكانت اختي الثالثة بالجامعه سنة اخيرة يعني مجبورة تبقى لان هذه اخر سنة الها اما اني واخواني كنا نقدر اننا نروح للاردن ونسكن مع بابا. بعد ماهدات الاوضاع قرر بابا انه نروح للاردن حتى يقل الحمل على ماما والى ان تصفي امورها وتخلص اختي جامعه تطلع ماما معاها طبعا ماما سافرت معانا للاردن وودعت خالاتي وكنت ابكي من كل قلبي عليهم وعلى اختي بينما اختي كانت تقولي ليش تبكين راح تروحين تشوفين بابا وكنا مشتاقيله بشكل جنوني لان هذه اول مرة يفارقنا بيها تكولي مبقى كم شهر واني اجي عندكم ونرتاح المهم رحنا مع ماما ووصلنا وتركتنا ماما بعد شهر ورجعت للعراق وكنت اني ست بيت ممتاز:22: الفطور اسويه بيض والغدا دجاج مسلوق ومقلي وبطاطا مقلية والعشا كانت ماما مسوي كبة بعد مخلصت كمت اسوي مرتديلا وبطاطا مقلية وكان بابا بين فترة واخرى يروح يلتقي باصحابه اذا عنده اجتماعات او اي شيء وكان ينذكر ايضا اسم ابو زوجي لان هو ايضا طلع للاردن ببداية العام الدراسي الجديد اجت ماما مع اختي بعد ماصفت امورها بالعراق والتحقت بيها اختي المتزوجة لان زوجها كان اصلا بامريكا بس هي كانت متقدر تطلع من العراق لان بنتها كان ماعندها جواز والتمينه جميعا مرة اخرى لكن بالاردن:) ومرت الاشهر وكان بابا دائما يعزم العراقيين ومرة من المرات قال صديق بابا انه راح يجيب معه عراقي شاب فقاله بابا اوكي اهلا فيه ومرة اجت ام هذا العراقي للاردن وعزمناه هو وامه وشافت اختي وانعجبت فيها وخطبتها لابنها ووافقنه عليه:) :) وتمت الخطبة وبابا عزم جميع اصحابة العراقيين الاساتذة على الخطبة كان اعداد العراقيين قليله بهذاك الوقت وكان من ضمن المعزومين اهل زوجي بعدها جا ليباركو لاختي على وزواجها وشافوني وانعجبو فيه وخطبوني لابنهم الي بامريكا كان هذا بشهر سبعة بالصيف فاني قلتلهم لا ننتضر الان جاء ابنهم (زوجي الحالي على رمضان وكان الكلام هذا بنهاية شهر 11 ) كان ناوي يعتمر ويتزوج ف خطبني وكنت قبلها شايفته لكن فقط بالصور واجلت الرفض او الموافقة الى ان ياتي هو على اساس بالصيف لكن هو نوة على العمرة برمضان ومن ضمن الخطط كانت الزواج اجه وشافني وشفته:) :) وجلسنه مع الاهل وصارت الموافقة على ان تكون الخطبة بعد العيد صار عقد القران يوم 25-12 وعلى اساس الزواج يصير 7-1 اي بعدها بكم باسبوعين وتحضرت على هذا اليوم ورحت للكوافير لكن شاء الله ان ينلغي الزواج والسبب ..... تعبت هههههههههههه:30: شريره اني انتضروا الجزء القادم جزء الزواج والسفر

السلام عليكم:) :) راح اكتب القصة على اجزاء اوكي ابدي بقصة زواجي وووراها فراق...

بنت البصرة :

البغدادية ام يوسف سلامتج الف سلامة 00 والله يعوضج بغيءه المهم سلامتج 00 وهله برجعتج النه 00

البغدادية ام يوسف سلامتج الف سلامة 00 والله يعوضج بغيءه المهم سلامتج 00 وهله برجعتج النه 00

Layali*Baghdad :

السلام عليكم بنات.. ألاخوات عيوشه(أم عموري) و ريحانة السنة..:) مشكورات على الرابط مال صفة الوضوء..بارك الله بيكم.. اختي ريم(أم يوسف) حبيبتي..الله يعوضج بخير ان شاء الله..ويارب ترزقين بالذريه الصالحه ان شاء الله..واني تره صاير بيه هاي الحاله..مال المشيمه الفارغه من دون جنين:( ووراهه سويت العمليه ونزلت المشيمه..(اسم الله على خواتي الحوامل) وبالنسبه لهورمون الحمل هسه يتغير..راح ينزل..ويصاحبه تغيرات بنفسية المرأه:( ديري بالج على نفسج حبيبتي.. ولا اتفكرين باللي صار...ودائما اطلعي غيري جو..انتي وزوجج وأبنج.. وتره الرحم يكون active بهذه الفتره.. يعني..keep trying, Never give up!:) ويارب ترزقين بحمل ثاني قريبا جدا.. مون..(ام زيودي) يا حبيبتي..الله يكون بعونج..ويارب يا الله يكوم زيودي بالسلامه وترتاحين انتي هم..وأتصير كلهه سوالف.. دجله يا دجله keep trying, you still young!:42:

السلام عليكم بنات.. ألاخوات عيوشه(أم عموري) و ريحانة السنة..:) مشكورات على الرابط مال صفة...