am abude :

بنات اريد اخذ رايكم بشغله طبعا البنات المقربات مني يعرفون وان حاجيتلهم على الوضعيه الاخلاقيه لنساء البرازيل وطبعا اكيد كلكم تعرفون البرازيليات شكد جميلات ورهيبات بجمالهم وشكد معروف عنهم خطافات الرياجيل ويحبون الرجل العربي وباي طريقه يلتفون عليه خصوصا اذا عرفو انه حالته الماديه زينه ويا سبحان الله اني البارحه كنت اشكي للبنات عالياهو من عمايل البرازيليات المهم اليوم الساعه بالسبعه الصبح دك علينا تليفون للبيت واذا بيها صديقتي سوريه مقيمه هنا بالبرازيل خابرت تبجي منهاره تريد تحجي ويه زوجي بس من البجي مالتها مافتهمت شي المهم انطيت التليفون الزوجي واذا بالمشكله انه زوجها جايها بوقت متاخر من الليل ويبجي ويتوسل بيها بان متتركه هيه تكول ظليت صافنه (هذا الكلام وره ساعه لمن رحتلها للبيت حجتلي اياه)المهم تكول اني تفاجئت شبيه هذا واذا بالستاذ الافندي زوجها مسوي علاقه ويه برازيليه طبعا رائعه الجمال حسب ما يقال ومتورط وياها وهسه هيه حامل ومتقبل تذب الطفل فالاخ شيسوي لازم يتزوجها لان تعرفون العرب مو سهله يرمون اطفالهم فصارحها بانه مظطر يتزوج البرازيليه بس يكعدها بشقه وحدها لان لخاطر الطفل بس هوه منهار وميدري شيسوي لان يحب زوجته وطبعا هوه مقيم دائمي هنا ماعنده جنسيه برازيليه يعني ميمشي عليه القانون البرازيلي الي يمنع من الزواج من اثنين (يعني الاخ مسيطر لاصداد ولا رداد) يعني هاي البرازيليات مصيبه وبالخص هوه ماشاءالله عليه وسيم جدا وطول بعرض وحالته الماديه ماشاءالله وشاب فاكيد هيج واحد ميعوفنه البرازيليات بحاله واني ماعرف شاسوي لان زوجته عزيزه عليه والله متستاهل المسكينه وبعدها يا دوب صارلها سنتين زواج ومنهاره تريده يطلقها وهيه حامل 8 اشهر طبعا وزجها من الليل للان كاعد بالغرفه منهار بس يبجي ميدري حاير اني مشفته بس زوجي يكول عيونه صايره دم من البجي وزوجته مصره عالطلاق وبنات وكل شويه تخابرني تبجي واني ما اتحمل اشوفها هيج لانها ورده مال الله وماعرف شانصحها لان الموقف صعب اني مجرد احس وحده عينها على زوجي انهار زين هيه شتكول واكو وحده ثانيه حامل من زوجها ولا يريد يتزوجها فوكاها والله ماعرف شاكوللها وشانصحها ماعرف انتو شتكولون ولو دوختكم

بنات اريد اخذ رايكم بشغله طبعا البنات المقربات مني يعرفون وان حاجيتلهم على الوضعيه الاخلاقيه...

أم يوسف.البغدادية :

الله يساعدها اويلي عليها هاي اشديصير بيها وهي جمالة بأخطر شهر ب 8لازم( لاتحيص ولاتفيص )خوفا على الطفل اني سامعة حرام اتنزل الطفل حتى لو ابن زنا ميصير لان هاي قتل نفس وجمالة بسرعة يحبلون ميكذبون خبر راسا( ايسي ديسي) وبصراحة اني انقهرت عليهم الاثنين وهو اكيد عرف نفسة غلطان والا ليش هل البجي وحابس روحة بالغرفة اكيد اتندم وهذا فد شي زين هواية يغلطون وعدهم زلاطة وميدرون بال وحتى ميخافون من اهل الزوجة هذا لا صدك متندم وخايف من اهلها لياخذوها منه وخايف على مرته وصدك يحبها مو معناها هو خانها معناها ميحبها خلي يساعدوا اهلها واهله يكونون ويا مو عليه لان هو هسة ابو حفيدهم وبامس الحاجة للمساعدة هو لو صدك ميحبها مجان اعترفلها خو يبقى ويه( الدجاجة البرازيليه)وميحجيلها لصديقتج ولامنشاف ولا مندري بس اني اكد واكول هو يحبها هو بعيد على رب العالمين من زنا ولذاك الشيطان الرجيم الملعون الى يوم الدين زينله اعماله واكيد اهلها حيشوفولها حل والله يساعدهم على هاي المصيبة الله يرزقهم الهداية يارب ويبرد قلبهم والله كريم ايجوز موحامل منه يجوز من غيره وتلزكها براسه خلي ينطيها فلوس وتعترف بالحقيقة ويكلها اني حرجع لبلدي ويشوف شنو ردة الفعل مالتها بس تدرين شلون ادب هسة اتادب هذا اللي ميصلي يوكع بمطبات يابو مطبات

الله يساعدها اويلي عليها هاي اشديصير بيها وهي جمالة بأخطر شهر ب 8لازم( لاتحيص ولاتفيص )خوفا على...

ياسو :

شلونكم بنات خلي قبل كلشي تصوتون علة هذة الموضوع تستعد شبكة سكاي نيوز الانجليزية لنشر الرسوم المسيئة للرسول الكريم عليه أفضل الصلوات والتسليم وقد قامت بوضع استفتاء لأجل القيام بذلك الرجاء من جميع الاخوه المسلمين التصويت بـ ( NO ) ثم الضغط على زر التصويت ( VOTE NOW ) وهذا أقل ما يمكننا فعله و بارك الله فيكم أمانه في أعناقكم نشرها رجاء مررها لأكبر عدد ممكن من أصدقائك فضلاً و ليس أمراً ... إنشرها لتعم الفائدة و الثواب و لا تنسونا و كاتبها من صالح دعائكم و جزاكم الله خيراً

شلونكم بنات خلي قبل كلشي تصوتون علة هذة الموضوع تستعد شبكة سكاي نيوز الانجليزية لنشر الرسوم...