ام عبدالقادر :

السلام عليكم ورحمه الله وبركاته شلونكم يا بنات .. والله اني كلش ملتهيه بروان ومدا اقدر ادخل واكتب بس دا احاول اتماشى وياكم واقرى مواضيعكم ام مرومه ،،ام اموني،،ام عبودي،،ام وسيم ،، ام حيدوري ،،ام زيودي ،، ام مصطفى ،، ام يوسف ،،ام علاوي (صبا ) ،،ام زيودي بريطانيا ،،ماما زوزو،، ليالي ،، أبيسه (ام جوجو ) دجله ،، جمانه بغداد ،، بنوته بغداد ،، بااااان ،،ام يعقوب ،، ام زهراء (بنت ديالى) ،، نيبال ،، فنكي ،،ام فهودي ،، أبيسه ام جوجو .. بالي يمج .. يارب تكون ساعه سهله عليج .وتبشرينه بكل الخير يارب (( اللهم هون الطلق وحسن الخلق )) .. والله يرزقج باحلى اخ لجوجو .. وحبيبتي جوجو ما عدها غير العافيه .بوساتي لعيونها الحلوة ام عبودي .. الف شكر لكلامج الحلو . والله خجلتيني ..الله يخليج الولد يارب ويخليج ابو عبودي ويبعد عنه كل برازيليات ويشوفهم بقرات بعيونه :42: . يارب الله يديم هذه المحبه ونتلقى ان شاء الله بالدنيا مثل مدا نتلاقى بالنت ..والله يجمعنا بعراقنا الحبيب .. بااااااااااااااان ام مرومه شنو هلغيبه .. وشلونها صديقه روان ... ظل بالي يمج .. ادخلي طمنينه عليج ماما زوزو .. حبيبتي شلونج عيني وشلونهم الصغار .. ان شاء الله بخير .. يله تشجعي وتعالي ادخلي ويانه على الياهو والله تتونسين هوايه .. اللمه حلوة ومكانج خالي .. واني يعجبني اتعرف عليج اكثر .. فرغي نفسج شويه وتعالي 100 هلا بيج ويانه واذا ما يشيلج الياهو تشيلج عيونه . . بس والله يا ماما زوزو اني يعجبني ادخل كل يوم واكتب بس عندي فد شيء اسمه روان بالبيت .. وهذه روان كلــــــــــــــــــــش نحسه ومتعبتني :( .. يعني اذا تكون قاعده فلازم اقابلها واقعد .:09: . واذا تنام .. فاني اقوم ركض على شغل البيت ..وهي نومها خلال النهار كلش قليل . .. وما تقبل اقعد قدام الكمبيوتر نهائيا .. من تشوفني اقعد تتتنعوص الخاتونه ... وفوق هذا اني هسه بشهر السادس يعني بطني بدات تكبر والثقل ده يبين عليه.. ام مرومه ... شلونها الطالبه المجتهده مرومه .. صارلي يومين ما حاجيه وياج عبالك سنه ... ان شاءالله نتشاوف اليوم على الياهو ام زيودي . شلونج حبيبتي .. اني روان متعبتني .. انت ليش ماكو .. حتى على الياهو مدا اشوفج .. شلونهم دندونه وزيودي .. مكانج خاااالي يله رجعي ام حيدوري .. شلونج عيوني .. شلون صار ابو حيدوري .. والله بالي يمج وخاصه انت ماكو نهائيا على الياهو .. بوساتي للصغار .. ولاتغيبني هوايه .. اليوم اتصلت بيج مرتين وما حصلتج وما لحيت هوايه لانه اخاف الوقت ما مناسب .. ام فهودي .. شلونه فهودي ... الله يخليه ..شفت صوره صلوات على محمد وال محمد .. ما شاء الله عليه كلش حلو .. عيني ام فهودي ضميلي هذه الدشداشه والعرقجين :42: اذا يصير عندي ولد دزيليها لطهور ابني :22: .. صبا .. ام علاوي اني بيتبوري .. افيد ...:22: ..شوكت تنزلينه صور علاوي وهباوي .. شكر حبيبتي لكلامج الحلو .. وروانه زينه الحمدلله .. يمكن اكو خيانه بالموضوع خابرت اليوم على مرت عصام تقول يمكن ده طلعون باجر انتو وبيت خالد .. اشو اني كلشي ما اعرف ..:( دجله .. ان شاء الله يارب ما يمر هذا الشهر الا وانت حامل ..وبالمناسبه اعراض الحمل الاولى مثل اعراض الدوره ..اني من صرت حامل بروان كلساع احس انه راح تنزل عليه الدوره .. ان شاء الله يارب الله يرزقج .. انت وكل البنات ( نيبال ..ام يوسف .. ليالي ..ام مرومه ) ام اموني .... الف الف مبروك البنوته الجديده .. يارب خلقه واخلاق امها .. وحبيبتي الف شكر لكلامج الحلو عني والله انت الاحسن .. ولانه انت زينه تشوفين الناس كلها زينه الله يديم المحبه يارب ام زيودي شلونه زيودي وعلاوي ... وسنونه لعلاوي شلونها .. الله يساعده حبيبي تأذي هوايه الى ان تطلع ..اني همين اضم صوتي وياكم واشارك بموضوعج الجديد ان شاءالله ..و يله انت همين تشجعي ودخلي ويانه على الياهو ام يعقوب .. الف حمدلله على سلامتج .. وسلامه يعقوب .. شلونه الصغير الله يخليه وشلونها نومته .:22: ..الله يساعدج لانا بغداد .. اهلا وسهلا بيج اختي ويانه .. اميره .. اهلا وسهلا بيج ام مناف .. وتشرفنه بمعرفتج .. الله يخليج الاولاد والاحفــاد .. والله يساعدج عايشه بعمان .. الاردنين صايره معاملتهم للعراقيين تلف ..الله يسامحهم وسلامي للجميع ..

السلام عليكم ورحمه الله وبركاته شلونكم يا بنات .. والله اني كلش ملتهيه بروان ومدا اقدر ادخل...

am abude :

الله يسمع من حلكج رشاوي ونلتقي يمعوده احسد الي تلتقي بهيج وجه طيب مثلج حبيبتي انتي

الله يسمع من حلكج رشاوي ونلتقي يمعوده احسد الي تلتقي بهيج وجه طيب مثلج حبيبتي انتي

um Emeen :

لالالالالا هيجي ميس اي اكيد مو الي بالقلب بس الي ينحفظ مشمش وننو واحنة نتزحل بكشر الموز مو ههههههههه:D اصلا ايميلي اسهل من ايميل مشمش مو صح مشمش:22: اني ورشا اسهل شيء لان ايميلاتنا على ........ فمعروفة عالميا ههههههههههههه ام رنوش عيوني يالله هسة منو راح يكدر بعد يكول مرآتي يامرآتي بعد لتخافين مراح اسويه راح تجي البنية وتسكتني ههههههههههههههه:p ام زيودي اي والله الواحد ميكدر اي شيء يسوي وية هالحمل :44: ام علاوي (صبا) يالله ياريت والله تكوليلي اسماء :) وهذا الكلام موجه للجميع بنات الي عندها اسماء تكولها عفية حتى اختار منها بس اريدها حلوة مو قديمة ومو مثل جانا ونانا وغيرها اريدها حلوة وناسكة :22: :23: هههههههه بنات اكوللكم نكتة ههههههه تذكرتها هسة من دااكتب حلوة وناسكة مرة دليمي كال الابوه بابا اريدها بيضة وطويلة ابوه راح جابله ثلاجة ام 12 قدم هههههههههه

لالالالالا هيجي ميس اي اكيد مو الي بالقلب بس الي ينحفظ مشمش وننو واحنة نتزحل بكشر الموز مو...

moon_2005 :

لا يمكنك مشاهدة هذا التعليق لانتهاكه شروط الاستخدام.

saba_sverige :

سلام لكل البنات ام امين استلمي هاي الاسماء لين مينة لارا ميس نورا منة الله سمر هبة بس تعرفين اني من كان عمري 12 سنة كنت مقررة اذا اتصير عندي بنية اسميها سمر او ظليت على قراري لحد يوم ولادة بنتي اتصدكين بعد ماشفتها غيرت او قلت لزوجي هاي هبة الله النا او سميناها هبة ماما تقول كل طفل يجي او اسمه وياها هذا خوششششششش موضوع عاشت ايديج ام زيودي اني عندي كم طبخة متعيقلة بيهن:42: الكباب الايراني او الكنافة او الدولمة رشاوي حبيبي لا انتي كلش بعيدة بيتج عن بيتي وين يلا اركب قطار او اجيلك:22: هسه فد يوم من تجيني تعلميني انزل صور الجهال بس والله اني كلشي مامخططة من وراج مو عيب اني خابر خالد راد ابو علي فكال هاي سارة تريد صبا فكالت خلي نتشاوف الثلاثاء زين دادة اني وراها خابرت زهراء او سالتني على سارة كتلها اني صارلي هواية ماشايفتها بس خابرتني او كالت خلي نتشاوف او على اساس كلنا احنا او:arb: بس اني اكول هاي حجاية ماتصور صدك لان لاخابرو بعد ولا سمعنه شي ليش هي الطلعة تحلى بلياج انت شلونج روانة خانم اشلونها والله هاي روانة ملاك بس انتي اطلعين عليها سمعة مو بعدين يصدكون شبيج المفروض انتي تمدحيها مو امهات العراريس كاعدات:D :26: لكل البنات

سلام لكل البنات ام امين استلمي هاي الاسماء لين مينة لارا ميس نورا منة الله...