الله يعين
احنا ما عندنا صيف زوجي يدرس وانا في المعهد
وولدي مسكين حزينه عليه لانه في الصباح يجلس مع ابوه وطبعا
يودوني المعهد ويرجعوا البيت زوجي يدرس لما يرجع والمسكين بس يخبط في الجدران
ولما ارجع انا احل الواجبات واجهز الغداء وننام انا وهوه
الى ان يجي زوجي نتغدا
زوجي ينام وولدي مسكين ضايع بيننا نادرا ما نطلعه برى
لاننا ما نحصل وقت

والله يعين حياه ممله
انا تعبت مالي الا شهر ونصف من يوم رجعت من اسعوديه
تخيلوا ايش بسوي في الايام الجايه


الله ييسر

شكرا لكم على الموضوع

أعتذر أخواتي لتأخري بالرد بالمنتدى وبالخاص لأنني لا اجد أبدا متسعا من الوقت

وكما تعلمن الآن عطلة طويلة في أمريكا بسبب عيد الإستقلال ؟..... بس استقلالهم عن ايش والله ما بعرف

لذلك وجهي مخجل منكم بصراحة


وكنت أريد فعلا مناقشة القوية بالموضوع لأنه موضوع يؤرقنا كثيرا ويشغلنا هذه الصيفية ...

وأعتذر لأني ربما لن أستطيع الرد بالتفصيل عليكن أخواتي فاعذرنني .....

تخيلوا أول ما قعدت على الكمبيوتر ابني فات على الحمام وشعل المي . بده يلعب يعني

وعم قول وناديله : مين في بالحمام ..........!!!!!! ما عم يرد عرفان حاله

آآآآآآه الله يحميهم

يا جماعة الأولاد مسؤولية كبيرة جدا وخصوصا لما بدك تحاولي ما تقصري فيها أبدا

يعني بعض الأمهات بجيبوا الولد وبخاولوا يطعموه ويشقوه وينيموه منح ويحطوه بمدرسة جيدة وخلص ...... بقولولك نحنا عملنا اللي علينا وبكرة بس ليكبر بيتعلم لحاله


طيب خلينا نبلش بالبداية ..... واسمحولي احكي بالعامي هلأ لأني بدي فضفض مظبوط

أنا من جهتي

لما بيجيني مولود بفضل الله تعالى بحاول دير بالي على أكله وشربه ونظافته يعني بغسله ايده طول مالي قاعدة وما بخليه يزحف على الارض إلا لما بتأكد من نظافتها وبليف ألعابه بالصابون ووو........الخ كل أنواع الحماية للنظافة

من جهة التعليم .بحاول أني سمعه قرآن بالبيت حفظه كلمات إيمانية ..الله عزوجل- محمد - صلى الله عليه وسلم - الله أكبر ............ وهيك يعني

لما يكبر شوي ويصير يقدر يحكي بعلمه قرآن و الآداب ..لما يعطس ولما ياكل ولما يشبع ولما ولما .........

حتى لما يبكي بده شغلة معينة بقله لازم تهدى وتحكي شوي شوي لحتى افهم عليك

وبعدين باخده على جنب وبناقشه وبيفهم عليي وينتفق

وصلى الله وبارك وكل شي لحد هون تمام .......

لكن لاحظت ان الطفل لما يكبر ويعاشر اولاد بالمدرسة عم ياخد منهم اشياء سيئة
ولما بتذكريه باللي تعلمه بيرفض يقوله .....

في اولاد عندهم عناد بشكل عجيب ......

ويمكن ابني واحد منهم ...... بده سياسة خاصة مسايرة وأخد بالحسنى متل ما بقولوا أو مسايرة بالحكي طبعا بس مو بتنفيذ طلباته ....

ماشي لحد هون ....

لكن كلما كبر أكتر كلما عم تصير الصعوبة أكتر
وكلما الكلمات البشعة عم تزيد بالبيت اكتر

ستيوبيد - شت أب - يعني أحمق - اخرس

تحاولي تمزحي معه فبينتفض ويقلك : اتس نت فني .....

آي هيت يو - كلمات بتضرب على الوتر الحساس ما بتذكر نحنا كنا نقول هيك لماما او بابا ......

........ الخ

ثم يبدء بتقمص شخصية الأولاد اللي معه بالصف

يعني بتعرفوا اولاد الامريكان شخصيتهم قوية وبناقشوا الأب بكل وقاحة والأهل متعودين على هالشي فكمان بناقشوهم بكل هدوء لانه بكل بساطة تعودوا على هالشي وكانوا هيك بصغرهم

لكن نحنا عندنا ما منتخيل ولادنا يطلعوا بهالشكل ......

وطبعا الولد ما له حيلة باللي عم يصير .فقط عم يسمع ويقلد ونحنا علينا نوجهه ونفهمه انو هادا غلط وهادا صح وووالخ

لكن لما تلاقي أنك أنت وحدك فقط عكس التيار ...... والتيار بقصد فيه .المدرسة - الناس وولادهم - التلفاز وبرامجهم - الموفيز - لما تروحي على البارك وتسمعي الاولاد هيك طريقتهم وهيك عم يحكوا ......

ولما ما يكون الأب مهتم بهالكلمات أيضا ........

يعني شيء بموّت وبتحسي حالك لا حول لك ولا قوة

أنا مرة قرأت بموقع إسلام أون لاين أن الأم تريد من ابنها رجلا مثاليا او فتاة مثالية وهذا غير ممكن حاليا بسبب أن الطفل يتعلم كل يوم شيء جديد والمثالية هي نتيجة تربية سنين طويلة

وهالقاعدة ريحتني كتير
لأني لما اسمع طفلي عم يحكي حكي مو مناسب أو تصرف تصرف غير جيد بتضايق وبحط الحق على حالي

فارتحت شوي

لكن لما تلاقي أنك عم تعلمي ابنك على الصح والخطا ألف مرة وبعدين مرة بيسمع ومرة لاء ؟؟؟؟؟
والاصعب من هيك لما يسمعوه أخواته ويصيروا يحكوا متله ........؟؟؟؟؟؟؟

وبصير بدك تربي الكل من أول وجديد ...........؟؟؟؟؟؟؟

لا حول ولا قوة إلا بالله

طيب يلى تحملوني شوي الله يعينكم عليي .....

بتجي لناحية التسلية وتعبئة فراغهم ......

بالله عليكن وين بتاخدوا وبتجيبوا ولادكن لو ضايق خلقهم

لا ناس بتعاشريهم ولا أماكن إسلامية ...ما في غير الموفيز والبارك وتشكي تشيز وميغا بلي ومدونالدز أو بيرغر اللي فيه اماكن لللعب ومدري ايش

وكل هدول مو عاجبيني ...... ماعدا البارك طبعا حلوة وبيلعبوا وبينبسطوا فيها وبنفسوا طاقتهم

لكن الاماكن التانية ما بحسها بتلائمنا ......

وفي ناحية مضايقتني كتير وهي أنو بدهم ياني اطلع كل يوم من البيت

صدقوني أنا ما بحب اطلع كتير ولا روح طول ما لي قاعدة لأن بيتي ما بعود مرتب وما بحلق شغل وكلما لهم بملوا وبيزهقوا ......

وهادا كووووووووووووووووم

واللغة العربية كوووووووووووووووووم تاني

وخصوصا لما ييرفض ابنك يحكي عربي بحجة أنو الإنلكيزي اسهل منه وبالفعل .....

لا تقولوا انا مالي معلمته العربي من اول

صدقوني حافظ على العربي والحكي العربي كله من وقت ماكا عمره 3 سنوات لكن المدرسة نزعته وعدمته عدم

وانا متل ما قالت عزيزتي ام معاذ ضغط الحمل والغربة والمسؤولية والحمل والإنجاب بخليك تتعبي وما تلحقي تتابعي بكل دقة ......

وخصوصا أنا مرت علي ظروف صعبة جدا جدا خلتني قصر بحق ابني بالتدريس وهيك

لكن كلما برجع وبضغط عليه بالعربي بيرفض أو بموتني لبين ما تطلع الجملة وبعيط وبخانق ووووووووووووو الخ

معركة حقيقية

الحمد لله ابني يعرف الحروف ويستطي عقراءة الكلمات السهلة وبدأت معه بالطريق ةالتي دلتني عليها العزيزة حمرة الورد كتابة كلمات كل يوم وتعليقها على الحائظ حتى يحفظها وبعدين حفظها بصندوق الكلمات ماشيين عليها


وبعد كل هالتعب والإجهاد

بضل بقول لنفسي :

يا ترى معي حق الحقهم على كل كلمة ولا أنا مزودتها عليهم ؟؟؟؟؟

زوجي بضل يقلي : عقدتيهم , يعني عملتيلهم عقدة من كتر هي مو منيحة ولا تقول هيك ولا تحكي هيك

وكمان مشان حفظ القرآن وكذا أحيانا بقول : والله نحنا ما حفظونا لكبرنا وصرنا نقدر نقرأ لحالنا وحطولنا مدرسات خصوصي وختمنا القرآن وعين الله علينا طلعنا ماأحلانا

ومن جهة تانية بقول :

نحن علينا جهد شاااااااااااااااااااق جدا بسبب وجودنا بالغربة وفقدان المعين من الاهل والزوج والأصدقاء وأيضا فقدان القيم الأخلاقية فالبيت بدك تعلمي مدرسة وجامع وعائلة وأسرة ورفقات وكل شيء ........


وعندي حكي كتير بس صدقوني رح انفجر بالبكاء لأن مو عرفانة شو اعمل , ومن جهة تانية صار عندي وجع رأس فظيع

ودائما عم عاني من أوجاع بالبطن وعرفت بعدين أنها كلها ضغوط وتعصيب

وسامحوني بالله عليكم وجعتلكم راسكم

اعتبروها فضفضة من أخت تعزون عليها ومحتارة بأمرها

هل أعمل ما بوسعي ولا ألوم نفسي عل ىالتقصير بمعنى : لا يطلف الله نفسها إلا وسعها

أم أضغط على نفسي وصحتي ومتاعبي وأحاول جهدي بتربيتهم بمعنى : كلكم راع وكلكم مسؤول عن رعيته

ماذا أفعل ؟؟؟

شام يا حبيبتي كأنك بتتكلمي عني ...


سبحان الله إحنا مثل ما قلت لك في موضوع من قبل إحنا بنضغط على نفسنا كتير عايزين المثالية في كل شيء في أطفالنا تربيتهم وتعليمهم وأخلاقهم ونفسنا عايزين نتابع ونعمل ونعمل أطفالنا كل كبيرة وصغيرة عايزين بيوتنا تظل نظيفة وكل شيء في مكانه وفي الظلام تقدري تحطي أيدك تجيبيه وبعدين يعني ليه أزواجمنا المشغولين أو المطنشين نديهم حقهم فينا وفي بيوتنا وأطفالهم وكل شيء يصير ممتع ورائع ...


هذا ليس خطأ


لكن هل نسينا أننا بشر؟

وطاقاتنا محدودة ..؟؟

وكل ما نفعله يأتي على حساب صحتنا النفسية والجسدية والعقلية كمان لأنني أحيانا أتصرف وأشعر أنني كنت أشبه بالمجانين مني للعقلاء .. كله من الضغط ...


عارفة أ،ا كتبت في ردي الأول أنني اتفقت مع معلمة وقلت تروح الفلوس بس الطفال يستفيدوا !! لم تحضر إلا حصتين؟!

وده تعبني وضايقني أكثر وبدأت رحلة البحث عن مدرسة جديدة ...

ثاني شيء تعرفي مثل ما بتقولي بنعاني أمراض من الضغط النفسي والعصبي .. أنا استيقظ من النوم وأشعر كأن جسمي كله جبل لا استطيع حراكه .. غير أحيانا استيقظ ووجهي كله متورم ...

غير ما زاد وغطى ... اتضح أنني أحمل عدد لا بأس به من الحصوات في كلتي اليسرى .. وقولون عصبي .. وفقدان شهية ... وصداع نصفي وكلي .. وآلام مفاصل (أمراض شيخوخة) ...


تعرفي مؤخرا ... اصبحت أعاني من ضعف شديد في العضلات ... حتى أنني عندما امسك قلما للكتابة لا استطيع إحكام قبضتي عليه ...


بدأت ابحث عن وسائل بديلة ... فكلمت أي أحد وكل أحد ليبحث لي عن شغالة ... تيجي تتعب أعصابي يومين وتروح !!

يا عيني يا شام على هل فضفضة كانك عم تحكي بلسانا كلنا
انا كمان متلك اتغربت ولحالي وما بعرف حدا ابدا والي سنين
وكل وقتي كان للبيت وابني اعلمه واحفظه قران ومهتمه فيه كتير
كبر ابني وراح الدي كير وطبعا عندهم بناقشوا كتير وعينهم قوية
لكن انا بخلي يحكي ويناقش لكن بساعد يختار الاسلوب في الحكي معي يعني ماشي فيك تحكي هيك مع الاولاد في الدي كير لكن ممكن مع بابا وماما نحكي في طريقة مؤدبة
يعني مرات بمزح معه بقلي هاها ذاتس نت فني متل ابنك بالعكس بضحك
صحيح ما كنا نسترجي نحكيها لاهلنا لكن برضه بعبر عن شعوره
لكن لو قال شت اب ما رح مرقها ورح اقله ممكن تفكر بكلمه احسن من هيك نحكيها لانك جرحت شعوري او شعور حدا طبعا هو ما بقولها
وفي المناسبة في ولد معهم بالدي كير بقول هل كلمه كتير وبسمع المعلمة كيف بتحاول اتصلحها وبيجي ابني بقول ستيفن باد بوي لانه بحكي حكي باد
اول فترة اتعلم منهم الزن والتنكد ما كانت عنده لاني ما بعطي ايا شي وقت النكد
وصار يجي ويرفع صوته ويصرخ لمى بده السي وانا ما اعطيه الا لمى يحكي بطريقة مادبة
وعلمته ما بناخد الشي الي مو منيح بنتركه ورانا وبس بنتعلم السي المنيح والحمد لله ترك هل الاسلوب

وبالنسبة للعربي هادي مشكلتي الحالية مع انه ما كان يحكي الا عربي لكن هلا قلب انجليزي وبزن عليه يعيد بالعربي وانا بعيد وراه بالعربي هو بفهم منيح عربي ممتاز لكن لانه اغلب وقته بحكي انجليزي واحنا ما بنعرف عرب وما بروح على المسجد فاختلاطه مع الدي كير وبرامج الاطفال وهل الشي متعبني لاني بكره اسمعه بحكي بالانجليزي بس هلا صرت اطنش لانه وقتيها الولد رح يبطل يجي يحكيلي شي مشان بزن عليه يعيد بالعربي
لكن عم بفكر اجيب برامج اطفال بالعربي وحطله ياها ورح ابدا معاه من جديد تعليم عربي وقران لكن ما بدي اضغطه كتير يعني لو حفظ سورة بالاسبوع و3 كلمات منيح
وبالنسبة للادب انا متلك موسوسة لازم يقول اذا سمحت وشكرا ولمى يعطس وكل هاد بركز عليها
لكن لا تضغطي ولادك كتير بكرة ما بتعبوا وبملوا وكل ما كبر الولد بسير ما بده قوانين اكتر
وشو ما اعملنا رح يختلط في ناس وعالم بره غير عنا كتير اهم شي انعلمهم الصح والغلط الحلال والحرام غرس الدين فيهم الصدق ورقابة الله والباقي على رب العالمين
وبالنسبة لشغل البيت هاد الشي الوحيد الي ما بدبح حالي فيه لاني كنت ارتب ونضف وبلحظة ينتفل العاب واغراض المطبخ من ابني ولهلا فصرت ما اهد حالي فيه اهم شي بعد ما يخلص يرجع كل شي مكانه ومو دايما بتسيير لكن بحاول

شام ما قلتيلنا قديه عمر اولادك الله يخليلك ياهم