أنجبتت طفله تشبهه الجنه :$

الحمد لله الذي ب نعمته تتم الصالحات


راح أقولكم قصه ولادتي
بما أني نفوسه وطاقتني الغلقه
و أنا كتبتها ب التفصيل الممل ل صديقاتي ب تجمع مايو ويونيو مؤ قادره أكتبها ب التجمع إخاف تروح الصفحات ع الفاضي واهم يبون يملون الصفحات تباشير
اللي حابه تقرأ تجيب لها كم كوب كوفي خخ » لأني مطوله ب السالفه
ودري أسولف ب ذا الصبحيه ؤمالي إلا أنتوا ههههههههه



كان عندي موعد يوم الجمعه رحت موعدي طبيعي كان فينئ الآلام بس مؤ حاسه أنها قويه أو مرعبه أو لها علاقه ب الولاده على بالي تسأليف على قولتهم طلق كاذب ف مأخذت الموضوع ب عين الاعتبار
قالت لي دكتورتي فيك طلق بس الرحم مقفل و الرأس لسئ مؤ ب الحوض إشربي خروع لأنو فيك طلق عشان يفتح الرحم و تولدين أو ينزل الرأس

كنت متردده مررره ولا أبي أخذ خروع ولا كنت متحمسسه مره أنو أولد كنت أقولها ب اخليها على رب العالمين متى ماجت تجي لأني ب السياره زوجي فتح أذاعه القرآن إلا على إيه ” وَمَا تَحْمِلُ مِنْ أُنثَى وَلَا تَضَعُ إِلَّا بِعِلْمِهِ” جلست أفكرر فيها قلت ليه أتعب نفسي ربي من فوق سابع سماء يعرف ؤش راح يكون وكيف ييسرها لي
المهم راح الجمعه وراح السبت وزوجي كل يوم يسألني ب تأخذين خروع وانا مؤ ببالي لأن أصلن فائده الخروع يسوي انقباضات عن طريق الأمعاء وانا أصلن فينئ إسهال الله يكرمكم ماكان عندي أمساك ف النتيجه أنا فيها أصلن ليه أزيد من ألم بطني و مغصي
رأح كلم بنت أخته هي صيدلانيه
قالت أنو هي تأخذ الخروع ب حملين لها و كانت تولد ف جئت أنا قلت له أسألها بعد كم يوم جلست تضحك قالت قولي بعد كم ساعه
جاني رععععب قلت لا خلاص مستحيل أخذه
المهم هذا يوم السبت هالكلام
الأحد قلت ي بنت جربي ملعقه ملعقتين ماراح يضرك كل الناس أجمعوا تأخذين نص أو العلبه كامله
بس أنا قررت أخذ كم ملعقه بما أنو موضوع التسليك هذا معي
طبعا ولا أي تغير ب الموضوع أخذته يوم الأحد الساعه 2 الليل
انتطرته للفجر مافي أي سالفه سواء أني رحت للحمام الله يكرمكم وصأر ينزل معاي زي المويه حتى مؤ إسهال الله يعزكم
عرفت أن الزيت طلع
صليت الفجر واخذت لي ساندوتش توست و كملت العصير اللي خلطت نصه مع الخروع خخخخخخ
و دخلت سريري بين زوجي وولدي وسميت ب الله ونمت
توقعت ب أصحى على طلووووق
بس صحيت على ولا شيء

طلعت المشغل يوم الاثنين سويت حواجبي و سويت حمام مغربي شلت جسمي وشلت وجهي وزبركت نفسي ورجعت بيتي ونمت

الثلاثاء جاء المغرب صار يجئني ألم يروح ويجي كانوا أبي اتبرز يعني مغص حمام الله يكرمكم ويرجع يروح
قلت ي بنت أحسبي
صار بينهم تقريبا 35 دقيقه
قلت اوووه لسئ بدري
طبعا عندي مليون شغله في بالي أبي أسويها
قلت ب اطلع للسوق بس
المهم طلعت مع زوجي وديت ولدي عند مأما قبل اطلع مدرئ ؤش خلاني أقول للشغاله قومي روحي بيت مأما

ماعمري أخذتها بيت مأما إلا إذا فيه مناسبه أو أنا ب أنام عندهم بس إذا موديه ولدي لحاله ماخليها تروح

المهم حطيناهم بيت مأما ورحنا
ب الطريق تعرفون وساويس و تفكير و كيذا ومع المغص اللي يروح ويجي قلت خليني إشوف حركه بنتي
واتذكر أنو لها يومين مافي أي حركه إبددن

آخر حركه لها مع الخروع
واجلس أحركها أحركها كله وانا ب السياره واقول ل زوجي وقف جب لي عصير طازززج وبارد وبرضو أحرك واحرك مافي أي حركه وصرت اهز بطني ب قوووه واكح ؤمافي أي حركه
قرصني قلبي
قلت ل زوجي خلينا نروح للمستشفئ منها أتأكد من المغص ؤمنها إشوف ؤش سالفه البنت
وتحولت الروحه من السوق للمستشفئ
وانا ؤالله مافي بالي أبددد روحه

المهم دخلت سألوني دم مويه طلق مافي أي شيء بس جائه أتطمن على البئبي
سوا لي تخطيط وبعدين جت ألذكتوره قالت ب أكشف عليك أنا قلت يالله مره وحده بما أني ب المستشفى عشان لو فاتح أسوي أشياء تحررض أكثر على فتحه زياده
قالت لي مافي مقفل مررره والطلق عندك بارد تقريبا كان يوصل 28 30
بس كملي تخطيط وبنرجع لك

كملت تخطيط وانا اضحك مع زوجي أقول تخيل تقول تنويم
حتى قبل أنزل للمستشفئ وانا ب السياره أقول تخيل يمسكوني يقولون ولاده وميتن ضحك أنا وياه

المهم
جت ألدكتوره وطلع زوجي
هي يمينه وكانت لأبسه نقابها وتتكلم ؤالله مادري ؤش تقول بس فهمت من حكيها أنو التخطيط خلص وب تكلم دكتورتي وكيذا أنا مافهمت
شوي جاء زوجي وجهه منخطف وساكت
بعدين قلت شفيك قال مافيني شيء ورجع طلع ودخل علي
قلت ب ذمتككك وشفيك
قال مدرئ تقول تنويم وطلق صناعي وهو بتسم أنا قلت أكيد يستهبل
طبعا هو من الروعه كان يضحك
قلت كذاب ؤالله كذاب
جلس يضجك
بعدين رجع طلع ودخل هو والنيرس إلا تقرب الأغراض وتجيب اللبس ألمشخلع حقهم قالت يلا أنا ماستوعبت قلت ايش
قالت تنويم
واجلس أناظر في زوجي وارتتتجف أقول ليه ليه ليه « علقت
قال زوجي مدرئ مدرئ ب أنادي ألدكتوره
قلت ماأاابي لا تنادي لي أحد انت قولي ليه ؤش فينئ
قال زوجي ؤالله ولاشي وتجي ألدكتوره
قالت تنويم لأن مافي حركه بس فيه نبض الحمد لله ف نبي نولدك قبل يصير ب الجنين شيء
قلت ماأأبي أبي اطلع قالت تطلعين على مسؤوليتك إذا صار ف الجنين شيء ترا انتي المسؤوله
قلت جيبوا الأوراق وينها ب اووقع ماأبي أجلسسسس
واجلس أصيح واطردهم من الغرفه
ويجي زوجي ويجلس يضمني ومدري ؤش يخربط وانا ؤالله مؤ في وعيي
بالي و تفكيري مع ولدددي
حتى أنو أودعه أو أبوسه أو اشمممه
ماجاء ببالي أنو ب أروح ولاده أو تنويم أو أي شيء
واجلس أصيح ب قوووووه
وزوجي شكله كان يحسب الموضوع عادي ب يصير عندي
بس أنا جاني الموضوع زي الصاعقه
صرت بين مليون سبب ولدي بنتي طلق صناعي تنويم و و و و ماعاد أدري ؤش أفكر فيه
وصرت ارتجججججف كأني ب فريزيررر تجمدت أطرافي و أصيح أصيح
قال زوجي ؤش تبين اللي تبينه ب أجيبه لك
قلت مأبي ب اطلع واروح ل ولدي و بيتي و أبي أشبع منه بعدين ب أجي
شوي قلت ب أكلم مأما
واكلمها وانا أرجججف ؤالله أسناني تخبطط ببعض
واقولها قالت معليش ي مأما توكلي على الله وادخلي تنويم وانا ب أجيك
قلت بس ي مأما
قالت لا تقولين بس لا تضيعين بنتك ب تفكير سلبي كلها كم ساعه وترتاحين
ادخلي تنويم وانا جائه
قلت مأما أبي اطلبك طلب قالت ايش
قلت جيبي لي ولدي أبيئيئيه
ؤالله ماعاد صرت أسمع صوتها قالت أنا جائه جائه
قفلت منها ونزلت رأسي قلت ل زوجي جئت للموت ب رجولي قولهم تنويم خلااص
ويجون يلبسوني و يفكون ملابسي و يسحبون دم ويركبون المغذئ وانا ب عالم ثاني ؤالله من قو التوتر والخوف أني أحس الدنيا تللللف لف فينئ مادري أنا وين أنا إخاف من الإبر ؤالله كانوا يسحبون ويسون ؤالموضوع كله إبر وانا مؤ حاسه ب أي شيء
زوجي يناظري يقول ماتحسين ب الإبر وانا ب عالم ثاني يقولي أول مرا إشوفك تأخذين إبره بدون خوف
دقائق وجت مأما وانهاااار واجلس أصيح من جديد ؤالله حتى النيرسات يمسحون على رأسي و يمسحون دموعي زوجي صد عني وجاء وجهه أحمر ؤماما ماشفت وجهها متغطيه بس صوتها يروح ويجي
بعدين رقوني تنويم دخلوني كشك الولاده
مفروض واحد بس يجي مأما أو زوجي
أنا الاثنين دخلوهم مررره راحميني وحالتي حاأله
وتجلس مأما تمسح على رأسي
التخطيط موجود و كل شيء بس ينتظرون تجي دكتورتي وتكتب طلق صناعي كان عندها عمليه وجلست انتظرها
ب خلال انتظاري لها
مأما جائبه معاها تمر و زعفران و تأخذ التمره و تعبطها وتغمسها ب الزعفران وتعطيني
وزوجي جاب مويه وحط فيها زعفران وجلس يقرأ آيات السكينه وورد الولاده وينفث ويقرأ
المهم أنا دخلت تنويم الساعه 11
الساعه 1 إلا ربع جت ألدكتوره
إلا تشوف آلطلق قالت تحسين ب شيء قلت لا قالت الطلق يوصل عندك 100 قالت خليني أكشف أتأكد بعدين كشفت قالت مفتوح 2 سانتي خلاص مافي طلق صناعي
ؤالله كان مويه بارده انكبت علي
واجلس ادعي لهااا و ادعي لها ريحتني
بس مأزال فينئ توتر وهالتوتر اثر على بنتي
صارت ترتفع دقات قلبها توصل 200
وانا كان فينئ طلق بس في ظهري وكانوا يخلوني انقلب مرا يمين مرا يسار عشان تتحرك بنتي وبنفس الوقت كان الطلق ب ظهري و يتعببني
وعلى هالحال وهم عينهم على النبض
الساعه 2 و نص تقريبا جتني ألذكتوره قالت مستحيل تولدين كيذا
لازم تكون بنتك مرتاحه من خوفك وتوترك بنتك خائفه وتعبان قلبها
إذا استمريتي كيذا ب ندخلك قيصري
بنتك لازك ترتاح ويعطوني إبرتين مهدئه و يطفون الأنوار كلهااا ماكان فيه إلا أنوار التلفزيون و أنوار الجهاز حق التخطيط ؤماما كانت تتعشئ وتسولف علي ؤالله كلمه أسمعها وعشر كلمات ماادري عنها و تسولف وتسولف أنا مانمت بس صارت الدنيا تللف فينئ هديت مرره ودخت بس ماجاني النوم وكل شوي يدخلون ليه مأما سوي نوم سوي ريلاكس وين ريلاكس وورأي ولاده أنا كنت خائفه أنام ويقفل الرحم ويروح الطلق وارجع للصناعي خخخ
على بالي وانا صاحيه ب امسكه وعلى هالحال
بعد الفجر ب الضبط دخلوا وفتحوا الأنوار وقالوا يالله ولاده سوت لي قسطره الله يكرمكم
وكشفت صار 3 سانتي بس الرأس مرتفع شوي مانزل ب الحوض
بعدين قالت ب اخليك ساعه و ب أجي أفك لك المويه
راحت والطلق شغال معي
صارت تجيني طلقات أقوى ؤصارت كل 5 دقائق وصأر يغمئ علي بين الطلقه والثانيه
عرفت أنو ولاده خلاص الساعه 7 دخلت علي وفكت لي المويه ووقاست الرحم وصأر بين آل 3 و الأربعه
وعلى هالحال كل ساعه أو ساعه ونص يكشفون ويفتح سانتي بس المشكله أن بنتي مانزلت ب رأسها مانزل ب الحوض إبدد
وهالموضوع وترهم
كل شوي يسوون لي قسطره لأنهم يقولون يمكن المثانه تكون مليانه ب شكل انتي مؤ حاسه فيه و غشان كيذا ماتنزل
مرا أحس ب القسطره وأمووت ب الدقيقه مليون مره و مره مااحس فيها ويركبونها ويفكونها بدون ألم
وتوترت من سالفه القسطره صاروا كل ماجوا يركبونها أجلس أصيح واقفل رجولي و و و خلاص تعبت
وبنتي مانزلت ب الحوض
بعدين جتني قابله سوريه تهبببل تهبببل تههههبل أعجز أنو أوفيها حقها ساعدتني كثيررر
قالت شوفي حبيبتي جلست على طرف السرير ؤصارت تمسك رجولي وأيديني
قالت ب إمكاني الحين ادخلك عمليه وضعك خطير مررره وبنتك مؤ ب الحوض مفتوح عندك الرحم 7 سانتي وبنتك مو ب الحوض و نبضات قلبها صارت ضعيفه بس أنا ب أساعدك ل آخرر لحضه
جهزوني للعمليه قالت غشان لو لا سمح الله صار شيء يكون كل شيء جاهز
المهم قالت شوفي أبيك بس تساعدني مع كل طلقه ادفعي ادري انك مؤ حاسه ب دفع ولا إحساس تبرز بس أنا أبيك تدفعين
الطلق كان يجئني كل دقيقتين كانت الساعه 11 الظهر
قالت لي ب احط لك ب المغذئ نسبه قليله جدددن طلق صناعي
غشان يساعدك ب إحساس الدفع
المهم بعد 10 دقائق تقريبا صرت أحس ب إحساس الدفع بس على خفيف جهزوني كأني ولاده خلاص رفعوا رجولي وكل شيء وهي جلست على طرف السرير ومع كل طلق توسع لي ب أيدها وانا ادفعع بس كان ألم فضيع فضيع فضيع حاولت أتحمل بس عجزت صرت كل مااحس أنو ارتفع الطلق أصيححح ؤالله للحين صوتها ب رأسي وهي تقولي ادفعي ادفعي ب لهجتهم السوريه
وانا أحاول واحاول وهي تقول ادفعي لا ادخلك عمليه تخوفني وانا ادفععع أقوى واصارخ أقول جيبوا دكتورتي خلوها توسعني خلوها تسحبهااا خلوها تشفطها ب أمووووت
بعدين سوت لي حركه قووووويه لدرجه وقفت دفع وجلست أصصيئيئيئيئيح وقالت يلا نادوا الاستشارية
اللي فهمته أنو سحبت بنتي ب الحوض وصأر التوسع 10 وكنت أقولها خلاص يعني خلاص وهي تقول شو بدك عمليه واشوفها تغمز ل مأما
وانا أبيها بس تعطيني السالفه أنو خلاص مافي عمليه بعدين قربت عند رأسي و مسحت على رأسي وقالت شويتين وتخلصي
وجت دكتورتي وبدا الموضوع الأصصععععب
وكانت دكتورتي تسحب بنتي أقوووى من السحب الأول بس صرت أحس ب إحساس الدفع بس كان على خفيف المفروض أزيد الدفع من عندي وصأروا يضغطون بطني و مأما ماسكه أيدي و تمسح على وجهي وراسي وتقول يلا ي مأما بؤش بؤش « صارت دكتوره معهم
ويضغطون بطني ؤماما تضغط بطني ويقولون أرفعي رأسك وانا كنت أرجعه على ورا وهم يصرخون لا لا أررفعيه وجت مأما ب حركه قويه شالتني ورفعت رأسي ب أقوى مافيها إلا طلعت بنتي الحمد لله
وكلهمم صاروا يصفقون ويضحكون وحطوا لي بنتي على صدرررري
واشوف السوريه من ورا دكتورتي تضحك و تشجعني أنو خلصتت بغيت أقوم وأبوسها
وبس طلعوا المشيمه وخيطتني دكتورتي وخلوني ملاحظه ساعتين ورقوني غرفتي
شوي يمكن ربع ساعه ودخل عللللي نور عيني و دنيتي وحبيبي وقلبي و مأما و بابا و أهلللي وطوائفهممم وليدي و يبوس أيدي و يجي فوق حضني وهو يردد مأما مأما حسيت أني ملكت الدنيا ؤمافيهااا
وشوي جابوا بنتي هذي على فخوذي
وولدي على رجولي ي الله أحس الدنيا كلها صارت بين أيديني

الحمد لله الحمد لله الحمد لله
صدق تعذبت و تعبتتت و بغيت أمووت من شده الألم اللي حسيت فيه
بس سلامه بنتي و شوفه عيونها و أني أرجع للدنيا واشم وليدي ماتتعوض ب أموال الدنيا كلهاااا ولا لها أي وصف أو إحساس

وتوته توته خلصت ألحتوته :)

ولدت ب تاريخ 2 رجب يوم الأربعاء الساعه 1 و نص الظهر
وسميت بنتي ليندا



أنا ولدت ب مستشفى الحبيب العليا عند دكتوره شاكره « اللي مجربتها وتعرف كيف خياطتها تقولي
لأن وهي تخيطني قالت أنا سوي انتي مزبوووط وسوتها داخلي وخارجي مثل ولدي الأول
بس ولدي كنت تعبأنه مرره من ألم الغرز
وهالمره إحساس بسيط فيه ألم بس مؤ زي ولدي إبدد
خائفه ماأرجع كويسه ومزيوطه على قولتها
بس مأما تقول بديهي يفرق لأن أول انتي بكر وهالمره انتي مجربه يعني صار الموضوع عندك أسهل ويمكن مأوسعتك كثير مؤ زي ولدك لأنك بكر
عطوني تجاركم عااد من خلال البكر وغير البكر من ناحيه الخياط ؤالأحساس فيه


وبسسس
أتمنى ماأكون طولت عليكم
بس مشكلتي أحب التفاصيل
تقهرني قصص الولاده اللي حبتين وانتهىئ أحب يكون شرح وافي غشان أخش جو ب الموضوع
اسفه إذا الموضوع فيه أخطاء أو أي شيء
لأنو داخله من الجوال وكتبت لكم من الجوال

تمنياتي للجميع ب ولادات سهله ي رب
وب الأخص بنات تجمعيئي
ربي مثل ماجمعتنا ب قرؤوب واحد أجمعنا ب الآخره ب الفردوس الإعلى ي رررب