مدري والله ياختى ايش اقول لك
لكن جدتي فيها مرض الزهيمر وياليته نفس حالة حماتك
قسم بالله حماتك فى نعمه وانتى كذلك
بقول لك جدتي ايش تسوي وانتى تخيلى لو كانت ام زوجك نفس جدتي وكيف راح تتصرفي معها
عشان تقدري النعمه الى انتى فيه
اقسم لك بالله العظيم انه تشك فى اغلب عياله انهم ساحرينه وتتكلم عند الناس عن عياله
وهم مشاء الله برين فيها كما ظهر لى والله اعلم عن نوايهم
تخيلى معي انه تدخل له فرن كهربائي فى غرفتها عشان تصلح لها قهوه او شاهي
وفى يوم من الايام شبة فى غرفتها وغرفتها كانت موكيت مكرونه وكانت مقفله الدرايش
ولو الله ثم خالتى قامة فى الليل وشافة الدخان يطلع من تحت الباب كان يمديها احترقة او اختنقة ومحد دري عنها
مره رحة عند وحده من بناته تخيلي لقوها فاتحه باب البيت وجالسه عند الشارع وقت صلاة العصر
والرجال يمرون لصلاة فى المسجد ويشوفنها والله اعلم وش قالو عنها وعن عياله
ولا مراة تدخل غرفتها تقفل عليها الباب وتاخذ المفتاح معها وتضيعه ثم تقعد تردع بالباب انتو الى حابسيني انتو الى تبون تذبحوني
فى مره من المراة وربي جابو لهم عامل عشان يكسر الباب عشان تطلع
غير الدعواة القويه جدا الى مايتحمله العدو كيف عاد عياله
ترا مرض الزهيمر مره مساكين غير عاد النسيان وتكرير الكلام والوسواس فى الاكل والشرب
لدرجة التجويع واصوم والله بعض الاحيان تجلس ثلاث ايام ماتاكل غير تمره وماء

تمدحين نفسك وعاقله وأخاف الله
وهذي معاملتك لأم زوجك المريضة !!

تتمني لها الموت وتتمنين تقتلينها !

معليش والله لو بقلبك ذرة خوف من الله ماكان جالك هالشعور
اللي يخاف الله مايتخيل نفسه يقتل قطوة مو آدمية ومريضة كمان

على ايش زعلانه وحاقده ع المسكينة. هذا وانتي مو مسؤوله عنها لاتأكلينها ولا توانسينها. الله يخلي لها ولدها اللي هو زوجك. صدق انه رجال

معليش ماقدرت اطبطب عليك زي بعض الردود

الله يعينك واصبري ولابد تفرج والايام تمشي بلمح البصر ستصبح في يوم من الايام ذكرى

ماشاء الله الله اعطاك الصحه والابناء وفوق هذا الوظيفه المرموقه لن اقول لك اعطاك الزوج لانك بتقولين زوجي مشغول عني
يااختي ياحبيبتي
عمر حماتك 80 تعرفين ايش معنى 80 مابقى بالعمر كثر اللي راح يمكن يكون عمرك اقصر اوعمر زوجك لكن اللي نشوفه انها كبيره في العمر اتركيها لوجه الله سبحانه وتعالى ماراح اقولك عامليها كويس لان ان شاء الله من اسلوبك انك انسانه تخافين الله
لكن راح اقولك اصبري واحتسبي الاجر من الله سبحانه وتعالى راح ترضين ربك ثم زوجك وان شاء الله تشوفينه في عيالك

هاذي امه يالغلا
ونتي تقولي عندها زهايمر
اصبري وحتسبي الاجر الدنيا دواره
لاتضيعي اجر صبرك
هاذي امه ومن البر انه يقوم فيها ويشوف طلباتها
اختي لاتقسي قلبه عليها
ولا تتشكي كثيرقدام زوجك وتخربي بيتك بنفسك
الله يعطيك خير نفسك ويهديك