الله اكبر عليك شايب وانت لسه في العشرين
امك قلبها عليك وهي عارفة انه مو مناسبك فا احمذي ربك انها رفضته
الله يرزقك باللي حسن منه

الصراحه قهرتين ليش مقلله من نفسك كذا بأذن الله الي جاب الشايب يجيب غيره

ليه مستنقصة من قدر نفسك؟؟ كلام أمك سليم العيال مش سعادة وهالعيال بعد ما يكبروا بيزوجوا وبيستقلوا عنك طيب وأبوهم لو شايب والعمر محد يعلم فيه الا ربي والأجل لكن ما بيعيش مثل ما لو أخذتي واحد بسنك

أنتي مش بتتزوجي حتى تنجبي وبس بتتزوجي حتى تلقي أحد يأنس وحدتك نفس اهتماماتك أفكارك قريب من سنك أنتي 28 هو 29 أو بالكثير 30 31 مش تاخذي شايب وتدفني نفسك بالحياة

قارني محيطك أكيد فيه بنات بالعشرين تزوجوا شياب شوفيهم سعيدات ويحسون بالغيرة على أزواجهم اذا كان ستيني مثل لو زوجها كبرها بالعشرين أو الثلاثين؟؟

يعني حتى لو اخذتيه ميوله غير أفكاره غير فارق العمر غير أطباعه كل شيء فيه هو شبع من الدنيا فرحة أول مولود بيت زوج عياله خلاص حقق كل شيء نفسه فيه ماخذك حتى يجدد شبابه اذا زوجته حية أو اذا ميتة أو مطلقة حتى يشغر مكان الزوجة عنده

أنتي ورأيك اسمعي كلام أمك أحسن لك والله من أسباب التوفيق بالحياة طاعة الوالدين

دام اخوانك يرفضون بكيفهم كلمي عمك ولاخالك وخليهم يعطونهم كلمتين كذا توجعهم ويحسون فيك مشكلة اذا غاب الاب ابوي الله يطول بعمره كان يقول ابي ازوجكم وانا حي لو مت قام كل واحد من اخوانكم يرفض ويولفق ع كيفه انتي اكثري من الاستغفار وخلي الموضوع على ربك وربي شوفيني انا انخطبت بنهاية عمري 28 وكان اول واحد يتقدم لي يعني تخيلي كنت زيك افكر اقول اخواتي وتزوجوا والناس تدري ان اهلي باقي ببيتهم بنت ولااحد تقدم لي بعدين سبحان الله جاني برود من ربي كذا ونسيت الموضوع واتزوجت وخلفت كمان هذا انا عمري 30 وعادي لاتحطين ان هالرقم 30 انو خلاص ماعاد فيه زواج ولاابغى اتكلم بالكلمة الي مقترنه بهالرقم بس اشوف انه تخلف ان الواحد يقعد يقول عمر فلانه كذا وماتزوجت حرام ليش هو بيدها كلها اقدار من رب العباد لو الود ودنا تزوجنا وخلفنا من حنا ب15 سنه وافتكينا استهدي بالله واعرفي ان الرزق الي ربي كاتبه لك لا اخوانك ولاامك ولاغيرهم بيمنعونه والي صار صدقيني ياقلبي خيره تخيلي تاخذين شايب ليش بطنك مو مليان ولاانتي فيك عيب تدفنين نفسك مع شايب فرضاً وتزوجتي شايب بكرة تبغين منه اهتمام وتبين يدخل عليك بورد وعطر وكلام حلو وتبين تلعبين معه بلاي ستيشن وتستهبلون على بعض وتروحين السوق وتفرفرون بالليل لو ماجكم نوم لو الساعه 2 امانه بتلاقين الشايب ذا بيسويلك كل هالاشياء لاوربي تلاقين عياله امهم ميته قالوا ندور له وحدة تهمزه بالليل وتدهن الركب له وتنتبه له لادخل الحمام وانتم بكرامه وتسوي له لقمته وتسوي له ابرة السكر وتنتبه لضغطه ووووووووخذي على هذا كلام كثير تراه شايب فيه مسكين مليون عله الله يرفع عن كل مسلم كلنا بنكبر وبنمر بلي مروا فيه وانا والله مااقولها شماته بس ابي اوضح لك انتي لساتك بنوته حلوة مقبله ع الحياة ليش تبين تطفنين نفسك ً

طيب شي ثاني بذمتك ماتبين تتصورين معه ولين طلعت الصور تعلقون عليها وتتذكرون اللحظات الجميله وتتذكرين ايام ماكنتوا متملكين وش كنتوا تسوون من مغامرات ومن حركات حلوة والله ان اخذتي شايب ماغير تملكين اليوم وزين لين خلاك اسبوع بهالاسبوع مايتصل ولايرسل ولايسال عنك هذا اذ ا ماقال عرس وملكة بليلة وحدة لايكون ياقلبي كل همك تتزوجين وبس لو انتي متحسسه عشان عمرك اقسم لك انه مجرد رقم وعمرك الحقيقي هو ايام سعادتك بهالدنيا غير كذا شطبي عليه




نصيحتي لك ولكل وحدة تقرا الموضوع نفس حالتك
خذي خاتم الاستغفار قاعدة عندك استغفري باليوم قد ماتقدري وخليها على ربك
صلاة الليل صلي وادعي وابكي بحررررررقه واشكي كل همك لربك
تصدقي لو بريال ماعندك عادي الباقي من الاكل زي الرز وفتات الخبز او الشابورة دقيها ووزعيها بشبابيك البيت الي دائماً تتجمع فيها طيور جيبي صحن بلاستك امليه موية باردة وسط معدوله يعني للبساس برا البيت لك اجرهم بيتعودوا على مكانها وصدقيني بتشوفين العجب كل هالاشياء مطلوب منك تسوينها وانتي متيقنه بالاجابه كنك حاطة شي بصندوق وقافله عليه بيدك انتي ووقت تبين تطلعينه تطلعينه فهمتي علي ياقمر يعني كنه شي ربي معطيك ياه بس مخبا وصدقيني هذا وعد من رب العباد ادعوني استجب لكم ❤



تقبلي ودي واحترامي ودعائي لك ولكل بنت تاخر نصيبها ان يرزقكم ربي باازواج صالحين طائعين مصلين يخافون الله في انفسهم وفيكم


اللهم صل على محمد وال محمد
سبحانك الللهم وبحمدك اشهد ان لا اه الا انت استغفرك واتوب اليك

خيره لك امكن ناوي يتزوج ويطلق خاصه لو حاله مستقر للاسف اكثر الشيبان صاروا كذا