صبآحكم / مسآئكم "سع‘ـآده"
انا ترددت كثير أني اكتب موضوعي ذا بس يابنات صاير يشغلني كثيروتعبت من كثر التفكير ..
بدخل بالسالفه ..
قبل امس يابنات جالسه اسولف مع وحده من صديقاتي ايام الثانوي بالواتس صديقتي ذي مب من نفس قبيلتــى وعلاقتي فيها عاديه والبنت طيبه بالمره وعلى نيآتهـآ
المهــم جالسه تسالني عن احوالى ونضحك ونسولف .ـ
فجاه قطعت كلامي وقالت لى : مبروك ياحلوه ع الخطوبه والله يوفقك ..!
انا تفاجآت قلت لهـآ اومآ وجلست اضحك .. قآلت لى خير وش فيك ؟؟
قلت لها ومن قال لك أني أنخطبت ؟؟
قآلت لى جيران لزوجه اخوها يعرفون ناس من عندنا أحنــآ وقالو لها ..
قلت لها لا مآنخطبت ولاشي ؟؟ قالت الا ولد خآلتك الى خطبك واسم ولد خالتك خآلد
انا وقتها تفاجات وش عرفها باسم ولد خالتي وهي اصلا اسماء اخواني ماتعرفها وحنا بعدين عنهم بالمره
قلت لها اي عندي ولد خاله اسمه خالد بس مافي اي خطبه ابداً ..
بعدين قالت لى اصلا يقولون هو يبيك موووووت
انآ يابنات الدنيا درات بي قلت من قال ذا الكلام وجلست اقولها جيبي لى الناس الى طلعو
ذا الكلام لاني ابي اعرفهم وبعدين كاني عرفتهم طلعو بنات عم ولد خالتي لان بنات عمه
متزوجين من نفس قبيله صديقتي قلت لصديقتي هم قالت لالا بعدين قالت بخوف اسفه
ماقصدي اسبب مشاكل بس هذا الى سمعته قلت ماعليك وكيذآ عآآآدي والله بس ودي لو
مره وحده اعرف من الى يطلع خبر خطبه لى وهو اصلا مافى ..ردت على وقالت حرام
كذا يكسرون نصيبك انآ هنـآ حسيت بغصه بقلبى مدري ليش حسيت كلامها صدق
أنتهي كلامنـآ انا وصديقتي
..الحين يابنات ادري بتقولن وين المشكله ؟؟
المشكله هذي ثالث مره يطلعون خبر خطبتي وان احد يبيني ومره وحده من صديقاتي كمآن دقت علي وقالت تزوجتي ولا عزمتيني تعبت وربي كل الناس عيونهم على ومطلعين هآلكلـآم
..بنآت انآ كنت شآكه بآبوي انه يمنع عني الخطآب لان ابوي عايش بعدي عنا من زمان وعلاقتنآ فيه سطحيه جداً ومآيحبني ويكرهني من كرهه لآمي ودآيم يحب يقهرني قدام زوجته بس انا ماعمري غلطت عليه وهو ابوي قبل كل شي
~وأحس تآكدت الحينَ ان فيه شي يمنع عني الزوآج وكل شي وآكيد هو يمنع ومآيوافق دآم الخطاب من طرف أمي ..
بنآت لاتحسسبون ميته على الزوآج وإلا ابي اتزوج بس صديقاتي كلهم تزوجو ومابقى الا أنآإلوحدي.، وحتى لليوم لما اكلمهم يقولون مافي شي منا والا منا ويقولن غريبه بهآلحلاوه وماحد خطبك ولامرهه ،يآقلبى عليهم هم ماقصدهم يجرحوني بس انا انجرح من دآخلى
مآحب احد يسآلني هآلآسئله واحس الناس عيونهم كلهم على بالرغم توني ماتعديت الـ23 سنه
..وبعدين وارجع افكر بآبوي ان هو الى مآنع عن ألخطآب وربي ذبحني التفكير من بعد كلام البنت مدري اصدقهـآ والا اصدق عقلى واقول الناس فاضين وماعندهم شي بس مافى دخان من دون نار
أرشدوني مآبي التفكير يذبحني مآبي افكر بأشيآء انا فغنى عنهـآ كفآيةة إلى فيني منتظرتكم يآأخوآتي ولآحد يقول اسآلى أمك او شي لان مأحب اسال بهآلامور
..ودعوآتككككم يآلغآليـآإت والله يوفق كل وحده فتحت موضوعي
..أختكم رؤح طفله..
45 مشآهدهـ ولآرد ..