السلام عليكم ورحمة الله وبركاته
الحمدلله اللذي يسر لي هذه النعمه
فالسفر نعمه..تعطي الإنسان فرصه للتدبر والتفكر في عظمة هذا الخالق
أساس الرحله كانت للبحث عن سائق وخادمه أزواج
المدة كانت10 أيام
قبل الرحله تصفحنا مواقع في الأنترنت وجمعنا معلومات
والحمدلله ربي يسر لنا شركة سياحه لشخص يدعى أبو أبراهيم
رتب لنا كل شيء قبل السفر
أبو أبراهيم..صاحب مكتب وبتكلم عن التعامل معه إن شاء الله
حجز لنا السكن والسائق قبل لانتحرك من الرياض
في نظري
أساس نجاح أي رحله فيها عوائل
السكن والمواصلات
التذاكر حجزناها عن طريق طيران السعوديه
مع أن فيه أكثر من شركة طيران ممكن نحجز عليها
لكن الميزه في السعوديه
أن رحلتهم مافيها توقف
وطيران ديرتنا وجربناه قبل كذا
غير كذا يكفي أن دعاء السفر ينقال قبل السفر
ماينباع فيها خمر أو غيره وهذي نقطه مهمه بالنسبه لي
يقدمون لك وجبتين غير العصير والشاي
الرحله وأحنا رايحين كانت أكثرها أندنوسيين
وفي الرجعه أكثرها سعوديين
عيبها
كراسيها ماهي مريحه لرحله مدتها 8 أو 9 ساعات تقريبا
خطة السير كانت
جاكرتا-باندونج-الجبل بونشاك
بحط صور التقطتها عليها أسمي..
وبضيف صور من بعض المواقع
آخر الموضوع بحط مرجع أستفدت منه لأفضل المواقع اللي ممكن تزورونها في أندنوسيا
مع أن الوقت ماساعفني عشان أزورها
وممكن تحملونها على الجوال أو تطبعونها وتفيدكم
أرجوا عدم الرد لحين إكتمال الموضوع
رحنا المطار وحملنا العفش طابقوا معلوماتنا
وركبنا الطياره
مثل ماقلت كانت أغلبها أندنوسيين
الرحله كانت الساعه 10 بالليل
ووصلنا جاكرتا 6 بتوقيتنا و10 بتوقيت جاكرتا
في الطائره وزعوا بطاقات صعود الطائره باللغه الأنجليزيه
عبيناها مثل ماهو مكتوب في الجواز
صور من الطائره لجزرها
أول شيء صادفنا من جاكرتا..خضارها
وفي المطار أول شيء سويناه
أخذنا الفيزا من شباك الفيز
أخذوا نصف بطاقة صعود الطائره
ونصفها الباقي أحتفظنا فيه لوقت الرجعه
ولو ضاع فيه غرامه ماليه
بعدها طابقنا جوازاتنا
ووقفنا في طابور كانت فيه موظفه
عشان تطابق الصور
والبصمه للرجل فقط
أخذنا أغراضنا
وتوجهنا للخروج
ولقينا السواق رافع لوحه كاتب عليها أسم زوجي
وركبنا السياره
طبعا كانت مظلله وهذي ميزه حلوه فيها
السواق كان يتحدث العربيه بطلاقه
كان يعمل في السفاره السعوديه هناك
وأكتسب اللغه منهم
كان هذا السائق الساعد الأيمن لزوجي
وعرفنا منه معلومات عن أندنوسيا غيرت نظرتنا لها ولشعبها
ميزة شرق آسيا عن صلاله في عمان وبلاد الشام..لأني زرتهم
الخضار على مد نظرك أكثر منها
سواء أرض منبسطه او مرتفعه
الضباب في المناطق المرتفعه
جوها حار نوعا ما
وبالليل معتدل
مايمر يومين الا نشوف الأمطار
هذا إذا ماكان يوميا
والميزه هذي أكتسبتها لوجودها قريب من خط الإستواء
عشان كذا كل شيء فيها أخضر
حتى جذع الشجر والصخر