أم مشاري77 :

بالنسبه لتجربة الإستقدام من أندنوسيا سددي رسوم الفيزه ومن ناحيه أمنيه يفضل الإستقدام من المملكه عن طريق مكتب أستقدام أكتبي العقد معهم وبشروطك وأن يستبدلونها لك لو طلع فيهم مرض او تمشكلتي معاهم لأن بعضهم مايرضون يقولون بما أنك أخترتيها بنفسك مانضمنها لك الكلام هذا قبل السفر بمدة من أسبوعين إلى شهر عشان يمدي العقد يصدق من السفاره الأندنوسيه هنا ويرسلونه لأندنوسيا وانتي تعرفين مطمطة المكاتب ماراح يودون عقدك لحالك للسفاره بيستنون عقود ويودونها كلها مع بعض لأن لو العقد ماوصل للمكتب في أندنوسيا بتتعطل كل الأمو هناك وممكن تختارين وحده ويطلع جوازها قبل العقد مايوصل وهذي فيها مشكله والفيزا تكون معك يوم تسافرين ودفتر العائله لتسهيل الإجرائات هناك وممكن تسوين إجرائاتها بنفسك..وهذا المفضل..خصوصا في السفاره او تسوين توكيل للمكتب وهو يخلصها..بالنسبه للجواز وغيره هذا للي يخافون من نصب المكاتب هناك وللي سفرتهم تقل عن شهر ومايمديهم يتابعونها اللي وده يقدم وبيطول هناك ومايخاف على فلوسه ممكن يقدم عن طريق مكاتبهم هناك وبيكون أرخص بحوالي 2000ريال ويسأل السفاره عن أسم المكتب هل هو معتمد عندهم أو لأ ولا يرجع الديره الا والشغاله معاه وفيه مكتب هناك أسمه العمري نصف مكاتبنا تتعامل معاه أحس يوم تقعدين معاهم وتتكلمين اريح لك وأريح لهم نفسيا يكونون هم عارفين طبيعة العمل عندك وأنتي أخترتيهم بشروطك قبل كل مكاتب الأستقدام في مكتب العمري واحد اسمه نصيب يتكلم عربي ممكن تكلمينه قبل السفر وتقولين له شروطك ويقول لك هل هي موجوده او لأ لو ماكانت موجوده يدور طلبك في المكاتب الثانيه نصيب مايحب يتعامل مع الرجال لأن كثير مشاكل تصدر منهم الله يهدي شبابنا فيفضل أنك أنتي تكلمينه عشان يتطمن أكثر للموضوع ممكن تقعدين مع الخادمات في المعسكر حقهم أطلبي من نصيب أنك تروحين المعسكر وتختارينها بنفسك أنتي وزوجك معسكر مكتب العمري أفضل معسكر شفته مرتب وفيه مدرسه يعلمونهم الترتب والنظافه أنا أنصحك بالتعامل مع هذا المكتب أفضل مناطق أندنوسيا من ناحية العقيده ويفضل أنك تستقدمين منها لو لقيتي أسمها جاوا براد هذي معلومات من السائق السحر فيها قليل جدا بعكس المناطق الثانيه وفيه منطقه ثانيه يقول أن بناتهم يلبسون عبايات وغطا مثلنا الله يكثرهم

بالنسبه لتجربة الإستقدام من أندنوسيا سددي رسوم الفيزه ومن ناحيه أمنيه يفضل الإستقدام من المملكه...