أنشودة يايمة منتهي جيتك وطالب منك الغفران

وعليكم السلام ورحمة الله وبركاته

يا هلا بالحبيبة ريفان ..

حياك الله بيننا ..

احببت ان انقل لك الكلمات لانها تتوفر لدي ..

يمّـه .. منتهي جيتك وطالب منك الغفران
أقبـّـل قاعة أقدامك واغسلها بدمعاتي

يا يمّـه .. كل مافيني يناديلك أنا ندمان
طلبتك ! قولي سامحتك وردي لوجهي بسماتي

أنا أدري قلبك الطيب كسرته بصدمة النكران
غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان
وربي إللي رفع ذاتك ونزّل للردى ذاتي

فقدت الراحة من بعدك .. فقدت الطيبه والتحنان
بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان
أشوف .. ولا أشوف إللي يوريني مساواتي

أنا وسيد الشّـقى والهم من بعدك غدينا أخوان
يجيب هموم هالعالم .. ويرميها بمتاهاتي

صِدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي

أنا من شالك بيده ورماك بأسفل البركان
نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان
رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان؟
سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان
أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان
تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان
أبسمع (يمّــه) بصوتك أبذكر فيها نشواتي

أشوفك ساكته يمّـه ؟!!.. غفيتي ولا أنا غلطان؟
غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان
أشوف الموت بعيونك .. عساها تخيب هقواتي

تعالوا يا بشر شوفوا أنا محتار .. أنا تلفان
أنا أمّي مدري وش فيها .. أنا مدري أنا أحاتي

شنو ؟؟ أمّي أنا ماتت ! لا لا.. لا ترى غلطان!!
أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان
أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟
إذا متي أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان
أنا جتيك وأنا ناوي أببدي فيك جناتي

تركتيني ومتي ليـه؟؟ تركتيني وأنا غرقان؟
ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان
أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران
وشفت الناس تلعني .. وتحذرني من الآتي..

وباذن الله اوفر لك رابط الصوت بعون الله ..

محبتك/ البراااءة ؛؛؛

تفضلي هنا ستجدي طلبك بعون الله

http://hawaaworld.net/showthread.php?t=435243

الله يحفظنا بحفظه

محبتك/ البراااءة ؛؛؛

تلاقينها في هذي الصفحة أختي ..


http://www.almoso3h.com/nshed-m/fat-alawan/index.php

وفعلا الانشودة روووعة ..

كل الشريط رااائع ..

اذا تبين اناشيده كلها احط لك روابطها

بالتوفيق

البراءة
أنشودة المطر
الندى
هلاوالله بالغاليات حسيت أن ظني مارح يخيب في بنات حواء تسلمووووووو
لكم من الشكر أكمله وأجله وأحبه أرفعه
أدامكم الله على دروب الإيمان
اللهم حقق جميع أمانيهم وأجمعني بهم في الفردوس الأعلى من الجنة

والله مدري خيتو بس الاخوات ما قصرو
انا كل الا اقدر افديك فيه انها قصيدة للشاعر نصار الظفيري
وانا عندي القاه هو مع شوية موسيقى
عشان كذا ماجبتها
مشكورة اختي