أنصحوني و أدعولي تكفون

السلام عليكم ورحمه الله وبركاته

أنا أم لـ ثلاثه أطفال بنتين وولد كتت حامل وعند مراجعتي للطبيبتي

كانت تقول المشيمه نازله لازم لك الراحه فقط وكنت اريح نفسي قدر المستطاع

ووصلت لشهر التاسع وأنا على نفس الوضع وفي يوم قمت الصبح على بركه دم

وانا في السرير لدرجه كان كانه حنفيه مفتوحه انفجعت وصحيت زوجي وطرنا للمستشفى

وأنا أتشهد دخلنا الطوارئ واغمي علي وقتها من شدة النزف وصحيت بعد اسبوعين وأنا في

العنايه المشدده وجت الطبيبه وقالت احمدي الله انك رجعت من الموت ماكنا نتوقعك تعيشي

سألت عن طفلي قالوا مات قبل مايطلع لدنيا لان المشيمه انفصلت عنه وأثناء صدمتي فجعتني بخبر

ثاني صعقني قالت انهم استئصالوا الرحم لانقاذ حياتي

ونصحتني ارفع شكوى على الطبيبه الي كنت اراجع عندها لان حالتي كانت تستوجب مراقبه طبيه

قلت لزوجي رفض الموضوع قال الي صار قضاء وقدر وخلاص

الحين لي 50من العمليه احس حياتي انتهت كا أنثى عمري 28 كيف

بتصير علاقتي مع زوجي لان احس ببرود فضيع منه ويتهرب انه يقعد معي

وما حاول انه يطلب حقوقه الزوجيه نهائي بالرغم من أني كل شي مسويته من تجمل وغيره

ودي اعرف فيه احد صارله مثلي وكيف عاشت حياتها خاصه مع زوجها

تكفون ادعولي بصلاح عيالي وان يسخر الله لي زوجي

أعذروني الموضوع ملخبط اكتب من الجوال