أنـا في حيـره ارشدوني ....

بسم الله الرحمن الرحيم..     
السلام عليكم ورحمة الله وبركاته ...

     بالبداية حابه اشكر هذا المنتدئ الرائع الذي طالما عشنا بظلاله وبظلال النصائح .....

موضوعي اليوم يخص بنت اختي وكلي ثقة أنكم بتجودون بنصائحكم وارشاداتكم ...

بنت اختي متزوجة من اربع سنوات عندها طفله وحامل بالشهر الرابع بالسنتين الاخيرة او الثلاث زادت مشاكلها عن حدها مع زوجها 
هو من بداية ماتزوجته وهو إنسان عصبي ويتلفظ بكلام سيء جدا ولكن يعتذر ويطلع منه شي يطيب خاطرها لكن الان تبدلت أحواله معهم هي تسكن بمنطقه مالها اي احد فيه حتى الجيران ومن فترة جت زيارة لأهلها تقريبا ثلاث أسابيع وقبل ماتنزل لأهلها زارت أهل زوجها وهم بمدينه ثانيه الرجل ماعاد له خاطر فيها اذا كلمها كلمها بعصبيه شديدة وكلام جاف شديد حتى قدام اهله ماراعئ ظروفها النفسيه من وحم وثقل وبنتها حركتها شديدة مزعجة وتأخذ نصف طاقتها ومع ذلك تحلف انها مو مقصرة معه بشي ومريحته بكل أموره يتلفظ وهي والله ساكته البنت خلوقه جدا الحمدلله كلمت امه وقالت ايش صاير وطلبت منها التدخل امه أيدتها انها مو مقصرة ابد وأنها تشوف كيف تحاول ترضيه وأنها ماقصرت حتا معهم لكن قالت انا ماراح اكلمه كلمت اخته وسكتت ماتدخلت بشي علاقته بأهله امه وخواته جدا جدا ممتازة اثناء الزيارة حاول ومن قبل وهو يحاول انها تروح لأهلها هي ماعارضت انها تروح لأهلها بس طلبت منه انها تقضي ملابس لحملها وقالت انتظر لراتب اذا ماعندك فلوس 
الرجال وداها أهلها وأثناء السفر وهم بالسيارة طلبت منه قهوة ومن قبل وهويشيل الأغراض مستمر ع أسلوب الصراخ والعصبيه معها بس ومع الغير عادي طنشت وبعد فترة تقريبا ثلاث ساعات قالت خلنا نأخذ قهوة والله مصدعه وأكلت حبة صداع قدامه ورفض يجيب وقال ليه ماسويتي قالت توقعت فيه قهوة لانه سألها عن عدة القهوة اللي هي التمر قالت انا احسب فيها قهوة ودائم بيتي ماطلع سفر الا بقهوة وشاهي زي ماتحب وما عمرنا سافرنا وانا ماسويت طبعا قطع كلامها و بعصبيه قال انتي تخدمين بخواتي وهي والله والله ما تطلب منهم شي اللي يحطون من اكل تأكل لدرجة انهم مايحطون فطور والبيت مليان عيال والحمام مشترك وتنام بغرفة الجلوس حتا قبل سفرهاكنست الغرفه اللي تنام فيها كله حرص المهم رفض يجيب وماقالت شي وقال انا برجع الكلب محله وعادها مرتين يقصدها انها كلب وانو راح توصلك اخبار زينه وانتي رفستي النعمة برجلك وانتي وصخة وقليلة أدب وقليلة حياء وسوالفك سامجة وانو البنات ميتين ع الزوج وهي والله ماردت عليه بحرف ويضرب ع البوري والطبلون وكلام جدا بذي وما كأنها إنسانه تحس قبل لا يوصلها لأهلها أخذ له قهوة لحاله وعشاء ومافكر يجيب لها حتا ماء المهم نزلها لأهلها ولا سلم ع احد منهم لها الان 25يوم مافكر يسال ويتصل هي نفسيتها تعبانه جدا حذفت الواتس وقفلت الجوال اليوم فتحت جوالها لقت له مكالمات طبعاماردت عليه وهي الان ماتبغى ترجع الا بعد الولادة يعني تقريبا خمس ست شهور خايفه يتصل ع أمها طبعا هو يصير ولد اخو الام ومو عارفه كيف تتصرف ايش تقول له
 
والبنت هل تصرفها لما ماردت صحيح؟

 وهل رأيها بعدم الرجعه واتخاذ اي قرار الان صحيح؟
 طبعا هي كلمت أبوها وأبوها منتظر يجي ويكلمه 


ايش تنصحونها فيه؟

 وايش رأيكم بالموضوع ؟

وهل راي الزوجة صحيح ماتبغى تتخذ اي قرار عشان ما تظلم عيالها ؟

هي طول ماهي عنده متحملته وماترد عليه ؛ وللعلم هو مع بنته وقت مايعصب عادي جدا يرميها باقوا ماعنده وما كأنها طفله وحتا قبل ماتسافر لأهله بأسبوعين كان جاي من برا زعلان وصاحبه معه وكان يهزءها والرجل يسمع ومن ضمن ماقال اما تصيرين سنعه والا انقلعي لأهلك باللي مايردك ولما قالت ليش طيب انا ايش سويت قال اسكتي لايجيك الصحن ع رأسك

 هو معترف انها مو مقصرة معه لآني عارفه أنكم بتساءلون انها ممكن مقصرة لكن هو بنفسه معترف الان

 نبغى نصحكم ورأيكم الله يسعدكم بالدارين ..