سلامة: لا بس ولا شي أنهي هذا الموضوع بتشوفين الأسبوع الياي إن شاء الله يوم برد , الحين بقولج شورايج نظهر نسير مكان.
موزة: وين يعني؟ .
سلامة: نسير الحديقة .
موزة: الحديقة يوم الجمعة .
سلامة : لا يعني يوم الأحد والا الأثنين شو رايج؟ .
موزة أي حديقة آثار الهيلي لا تقولين اكرها.
سلامة: لا البصرة شورايج؟ عائلية .
موزة: حلو لكن مع منو بنسير لا أمج ولا أمي يحبون الحدايق.
سلامة: عادي مب مشكلة نروح نحن بس مش لازم أمهات بتسير عمتي مريم شورايج.
موزة: زين والله بتقولين لمريم.
سلامة : شي طبيعي مريم لازم تكون ويانا و انتي قولي لحرمة أخوج عبدالله إذا بتسير إذا ما تبا شلي عيالها و بعد بشل و يانا خلود و جسوم و حمود .
موزة: ما بيرضون أصلا هم يكوهون رحلات البنات .
سلامة: ما عليج انتي خليهم على .
موزة:انزين خلاص اتفقنا يوم الأثنين بحاول أقنع السلطات العليا أول و بعدين برد عليج خبر إن شاء الله .
سلامة: هاهاهاهاها يا السخيفة الحين خالوه و أبوج سلطات عليا.
موزة : لا السلطات العليا أخوي خليفة والله ما يخلينا نطلع إذا ما استأذنا منه لازم يكون يعرف .
سلامة: والله يعينج على هذا الأخو الشرير هذا مش سلطات عليا هذا قوات غاشمة.
موزة: هاهاهاها لا والله أصلا خليفة طيب بس يحب يتحكم .
سلامة: انزين الله يخليه لكم يلا مع السلامه .
موزة: ليش .
سلامة: بسير عند أمي .
موزة: يلا انزين باي.
وراحت سلامة عند أمها و أبوها قالتلهم إن محمد روح و بعدين خبرته عن سالفة الحديقة وافقوا بس بشرط إذا حد كبير راح وياهم مثل عمتهم أو حرمت أخو موزة عبدالله (أسما)
وراحت سلامة اتكلم عمتها وقالتلها عن الحديقة وعمتها وافقت و بعدين قالت لمريم إلي قالت بعد إنها موافقة و أهلها ما برفضون.
وبعد صلاة العشا راحت تتصل بأخوها محمد تريد تعرف هو ليش قال جيه بس محمد قالها بأنه مشغول و إن شاء الله هو باجر بيكلمها و بعدين نست الموضوع وراحت حجرتها تقرأ قصه لين ما حطوا عشا تعشوا و بعدين راح كل واحد على حجرته عشان يرقد.
الساعة 9 كانوا أبو محمد أم محمد يتريقون مع روضة و خالد وبعد شوي نزلت سلامة. سلامة: السلام عليكم و رحمة الله و بركاته .
الكل : و عليكم السلام و رحمة الله و بركاته.
أبو محمد : شحالج بنتي.
سلامة: الحمدلله بخير .
أم محمد: تعالي تريقي.
سلامة: لا أمي مشكورة ماريد .
أبو محمد : ليش يا بنتي؟
سلامة: أبويه أنا ما أحب أكل الصبح .
أم محمد : على الأقل شربي شاي.
سلامة: ما عليه بصبلي بعد شوي.
أم محمد : كيفج
سلامة: غريبة رويض وخويلد قاعدين مع بعض بدون أي ضرابة من وين طالعة الشمس. روضة: لا تحسدينا .
سلامة: ماشاء الله إن شاء الله دوم أشوفكم جيه إلا أقول أبويه ممكن أطلب شي.
أبو محمد: شو بغيتي يا بنتي عيوني لج.
سلامة: فديت عيونك بس أريد أروح عند عمتي مريم .
أبو محمد: بس غالي وطلب الرخيص أصلا عمتج كلمتني أمس وهي تباج تباتين عندها وعلى ما أعتقد انتن متفقات صح؟.
سلامة وهي مستحيه: صح و مشكور أبوي.
أبو محمد وهو يكلم حرمته: قومي يلا خلينا نروح .
سلامة: أبوية وين بتروحون ؟.
أم محمد و انتي شعليج ليش تسألين؟.
سلامة: قفطت: ولا شي بس كنت أريدكم توصلوني فدربكم.
أم محمد :أنزين يلا قومي .
روضة: و أنا و خالد بتخلونا بروحنا .
أبو محمد: وين تبين انتي وياه بعد؟ .
خالد: أنا ما أريد أروح مكان .
روضة: انزين أبوية أريد أروح وياكم .
سلامة: انتي ما تستحين ريال يبا يطلع مع حرمته انتي ليش رازه بويهج وياهم .
روضة: تراج انتي بعد بتروحين وياهم .
سلامه: أنا بخطفوني عند عموه ما بسير معاهم .
أبو محمد : يلا رويض قومي ويانا.
روضة: هيـيه يحيا العدل فديتك أبويه مشكور أنا ماريد أروح بس أريد أشوف أهون عليك وإلا لا؟ .
أبو محمد: أكيد ما تهونين على انتي بنتي الغالية.
أم محمد : بس عاد خلونا انروح لا نتأخر .
راحت سلامة تتجهزوروضة يلست تغايض أمها و خالد راح بيت عمه منصور عند جاسم راح أبو محمد أول بيت أهله وسلم عليهم و بعدين وصل سلامة عند عمتها وروح.
العمه: فديت سلامي إلي يايه تآزر عمتها فوحدتها .
سلامة: هاهاهاهاهاهاها أي وحده عموه ريلج مسافر من يومين و بناتج عندج كيف تحسين بالوحده؟.
العمه: مالت عليهن شميس ما منها فايدة كله تاكل و طالع التلفزيون كل ما أقولها تعالي قعدي وياي تقولي يوم بيخلص الرسوم و انتي تعرفين الرسوم ما يخلص .
سلامة: انزين مويز؟ .
العمه: فديت مويز الممله ما عندها بس خدموني و بصيح هاي هيه مويز.
سلامة: هاهاهاها والله انج تحفه انتي و بناتج .
العمه : ماعليج بتشوفين الخبال على أصوله .
و قعدن سلامة و عمتها يسولفن و بعدين راحن يسون غدا وبعد ما خلصن راحن يتسبحن وصلن و بعدين حطوا الغدا و تغدوا و كله ضحك و سوالف بعد الغدا قالت العمه لسلامه انهن بشوفن فلم فيلسن يشوفن الفلم و العمه حاطه جدامهم الحلويات و الكيك و كل ما تشيهيه الأنفس.
العمه: سلامة ليش ما تاكلين ؟.
سلامة : عموه حرام عليج من ساعه مخلصين غدا تبيني أكل بعد؟ .
العمه: عادي يلا كلي عن البزا و الرجيم .
سلامة : والله ما أسوي رجيم بس ما أروم أكل أكثر انتي أكلتينا غداج كله بعد تبينا ناكل ؟ .
العمه: برايج, شموس شمـوووووووس وصمخ.
شمسة: هاه شو تبين حشرتيني ليش ما تخليني أطالع ؟.
العمه: روحي يبيلنا شاني .
سلامة: انا ماريد .
راحت شمسه تيب لامها شاني وعاد سلامة و عمتها مندمجات في الفلم ولا يحسن بحد شمسة: خذي أمي بس تراه مثلج.
وراحت شمسه و امها طبعا ما سمعتها ولا سلامة العمه بطلت الشاني و عيونها على التلفزيون و ما تحس إلا شي بادر فويها و ملابسها و في الحجرة كلها . سلامة:هاهاهاهاهاهاهاهاهاهاها.
العمه: خيبه تخيب العدو الله يخربلج يا شميس شمووس شموس .
شمسه : شوتبين خيبه شو سويتي انتي ؟؟؟ .
العمه: أنا شو سويت يا الحمارة ليش ما قلتيلي إنه مثلج؟؟؟؟.
شمسة: قتلج بس انتي ما تسمعين حشا مش شاني سوا جذا .
سلامة ميته ضحك على عمتها.
العمه: والله إنج هبله شوفي كيف خيستي المكان!!!.
شمسه: أنا خيست المكان و إلا انتي ؟؟.
العمه: يعني انتي تعرفين أن أمج من تشوف الكل ما تعرف حد و من أطالع فلم تراها ما تحس .
و قامت موزة على حشرت امها و تمت اتصيح راحت سلامة تشلها.
العمه: شفتي شو سويتي وعيتي أختج الحين.
شمسة: والله انتي وعيتيها بحشرتج .
العمه: الله يخربلج يا شميس يلا روحي يبي بروش و فوطه وماي عشان نمش هاه الوسخ يلا بسرعه .
شمسة : انزين هي إلي توسخ و ترده علينا.
العمه : حسبي الله عليه من شاني وصل السقف حشى.
سلامة: والله يا عموه انج حشرة وااايد تصارخين.
و تمن ينظفن كلهن مع بعض.
شموس تسأل: الحين أريد أعرف هذا كيف وصل السقف ؟؟؟!!!!.
العمه: يا الغبيه لأنه كان مثلج وأصلا كان بينفجر في الثلاجه .
سلامة: خلاص عاااد عموه من كثر ما تسبين البنت بعدين بتتعقد .
العمه: يالله هاي تعقد بلد ولا تتعقد .
خلصن تنظيف وراحت شمسه الحجرة بكل هدوووووء و تمن سلامة و العمه مع بعض شمسه في حجرتها يالسه تفكر كيف يعني سوى شاني جيه و قالت ليش ما أجرب ببطله في الحمام محد بيدري راحت شمسة المطبخ وشلت شاني مثلج و دخلت الحمام و بطلته ووسخ الحمام كامل و هي توسخت وياه وتروعت شمسه الحين لو أمها بتدري عادي تذبحها راحت شمسه بسرعه المطبخ و يابت الاغراض عشان تنظف و كان باب حجرة العمه مفتوح شوي و شافت العمه شمسه تربع و هي شاله بروش.
العمه: عندي إحساس إن شميس مسويه شي !!!.
سلامة:شو يعني بتسوي؟؟.
العمه: ما تلاحظين إنها راحت عنا من ساعه شو تسوي؟؟ .
سلامه: يمكن أطالع التلفزيون .
العمه: شوف التلفزيون ما يحتاي بروش .
سلامة: وعلامة تعجب على ويها: بروووش ؟
قامت العمه وراها سلامة وراحن يشوفن شمسه شو تسوي في الحمام.
العمه دق الباب: شموووس شو تسوين ؟.
شمسه وهي خايفه لأنها ما خلصت تنظيف: ماشي .
العمه: بطلي الباب .
شمسه: كيف أبطل الباب انتي ما تستحين؟.
العمه: أقولج بطلي الباب أحسلج .
سلامه: عموه خليها حرام .
العمه: صدقيني هي تسوي شي بطلي الباب والإ بضربج و بحرمج من العشا .
عاد شمسه ما تقدر تقاوم الأكل مثل أمها بطلت الباب و علامات الخوف على ويها .
العمه: خيبه تخيبج يا الهبله شو سويتي؟؟.
سلامه و تبا أطالع شو سوت شموس و من شافت تمت تضحك على عمتها و بنتها .
شمسه: والله أماه اسفه بس كنت أريد أشوف كيف بينطش الشاني و يوسخ الحمام آسفه والله آسفه .
العمه: هبله والله انج هبله مثل أمج و عقاب لج تنظفين الحمام بروحج و أبا أشوف الحمام يلمع مثل ما كان فاهمه.
شمسه: فاهمه.
و ارتاحت لأن أمها ما نازعتها و مر اليوم على سلامه و عمتها و بناتها سوالفهم إلي ما تخلص.
و بالباجر سلامة اتذكر عمتها بانهم اليوم بروحون الحديقة.
العمه: زين يوم ذكرتيني انا كنت ناسيه .
سلامه : ما عليه ما صار شي صح أبا أكلم موزة ما أعرف أخوها وافق يخليهم يروحون . العمه:انزين اتصليبها.
راحت سلامه بتتصل بموزة بس رن التلفون .
سلامة: عموه تعالي تيلفون.
العمه: ردي عليه سلامي.
سلامه: يمكن ريلج؟.
العمه: أنا متأكدة إن مش هو هذا مش وقته يتصل و حتى لو كان ريلي عادي ردي عليه. وردت سلامه على التلفون.
سلامة: الوه .
محمد: ألو السلام عليكم سلامه.
سلامة و هي فرحانه: و عليكم السلام هلا والله بمحمد شحالك أخوي؟.
محمد: الحمدالله بندفش.
سلامه: بسم الله الرحمن الرحيم منك عنبوه ساحر.
محمد وهو مستغرب : ليش ؟ بعد متصل أسلم عليج تقوليلي جيه الله يسامحج.
سلامه: الحين أنا قايمه اتصل بمويز تتصل انته عنبو جيه انته تحس إني بكلمها؟!.
محمد و هو فرحان بس ما يبا يبين لأخته لأن يعرف أنها ما تخش شي على موزة.
محمد: لا والله ما احس بس أمس اتصلت في البيت و قالولي إنج عند عموه و الحين ما عندي شغله و قلت بطمن عليج و على عموه بس.
سلامه وهي مستغربه من رد فعل محمد سلامه: محمد انته فيك شي ؟! .
محمد : لا ليش؟ .
سلامه: محمد لا يكون كلام مويز صدق.
محمد وهو خايف شو قالت هاي: أي كلام؟!.
سلامه: قالت يمكن انته تعرف وحده ثانيه و نسيتها و أنا شكلي بقتنع بكلامها .
محمد وهو معصب: الحين هذا إلي طلع منج انتي وياها و مالت عليج يا سلامه أنا قلت أختي و تفهمني ع الطاير طلعتي ما تفهمين شي انتي و بنت خالتج .
سلامه : بسم الله أنا شو قتلك عشان تصارخ شو أفهم و بعدن عادي تغلط على أنا لكن تغلط على موزة عاد ما سمحلك.
محمد:يا سلامه أنا تراني تعبت والله تعبت من تصرفات بنت خالتج والله عذبتني خلاص ما أقدر أتحمل أكثر أبا أعرف هي تبادلني الشعور و إلا لا و تريحني تراني خلاص مليت و تعبت من كثر ما أذل نفسي لها عنبو الكل يلاحظ إني أحبها إلا هي ليش يعني أريد أعرف . سلامه و محمد كسر خاطرها: والله يا محمد ما أعرف شو أقولك بس بطمنك والله يا أخوي إن موزة تحبك .
محمد : صدق يا سلامه .
سلامه : صدق .
محمد: بس أنا ما حس إنها تبادلني مشاعري انتي ما تلاحظين إنها ما طالعني يوم أكون عندهم يمكن أقول لأن أهلها موجودين عشان جيه بس حتى يوم نكون أنا و انتي وهي و أحمد و سيف ما تكلمني ولا طالعني ولا جني موجود .
سلامه : بس صدقني هي تحبك تذكر ذاك اليوم يوم كنت أكلمها .
محمد: هيه أذكر .
سلامه: موزة زعلت وااايد لأنك ما سيوتلها سالفه و تمت تحاتيك و تقول أكيد لقيت لك وحده ثانيه عشان جيه ما تهتم فيها.
محمد : فديتها والله ما تهون على .
سلامه: إيه لا تتفداها جدامي .
محمد : ما قدر هاي القلب هاهاهاهاها انزين أقولج أبا مساعده.
سلامه: شو المساعده .
محمد: أباج تساعديني عشان أخلي موزان تغار على .
سلامه: تغار عليك من منو؟!!!.
محمد: من إلي أكلمها.
سلامه : آخ عليك يا محمد والله طحت من عيني .
محمد : خيبه صبري يا الهبله أنا ما أكلم حد بس أريد أمثل إني أكلم وحده فهمتي و إلا أفهمج بعد زياده.
سلامه: هيه فهمت قول جيه إنك بتمثل خلاص موافقة بساعدك .
العمه: سلامه عنبوج منوه ترمسين هالكثر .
سلامه: هذا محمد عموه .
العمه: محمد سلمي عليه وايد .
سلامه : محمد عموه تسلم عليك وايد.
محمد : الله يسلمج وياها من الشر سلمي عليها.
سلامه : عموه يسلم عليج .
العمه : الله يسلمج وياه من الشر .
محمد : عيل خلاص سلامه بخليج الحين مع السلامه.
سلامه : مع السلامه .
محمد : و حبيلي مويز.
سلامه: أي وحده فيهم؟؟؟!!.
محمد: عن الاستهبال الزايد سلامه .
سلامه: اسفه باي.
وبعدين اتصلت سلامه بموزة قالتلها موزة بأن خليفه وافق يخليهم يروحون و اتفقوا الساعه خمس ونص يطلعون من البيت سكرت سلامه عن موزة و اتصلت بمريم و اتفقوا على نفس الموعد وع الساعه خمس وربع
سلامة: لا بس ولا شي أنهي هذا الموضوع بتشوفين الأسبوع الياي إن شاء الله يوم برد , الحين بقولج...
سلامة: لا بس ولا شي أنهي هذا الموضوع بتشوفين الأسبوع الياي إن شاء الله يوم برد , الحين بقولج شورايج نظهر نسير مكان.
موزة: وين يعني؟ .
سلامة: نسير الحديقة .
موزة: الحديقة يوم الجمعة .
سلامة : لا يعني يوم الأحد والا الأثنين شو رايج؟ .
موزة أي حديقة آثار الهيلي لا تقولين اكرها.
سلامة: لا البصرة شورايج؟ عائلية .
موزة: حلو لكن مع منو بنسير لا أمج ولا أمي يحبون الحدايق.
سلامة: عادي مب مشكلة نروح نحن بس مش لازم أمهات بتسير عمتي مريم شورايج.
موزة: زين والله بتقولين لمريم.
سلامة : شي طبيعي مريم لازم تكون ويانا و انتي قولي لحرمة أخوج عبدالله إذا بتسير إذا ما تبا شلي عيالها و بعد بشل و يانا خلود و جسوم و حمود .
موزة: ما بيرضون أصلا هم يكوهون رحلات البنات .
سلامة: ما عليج انتي خليهم على .
موزة:انزين خلاص اتفقنا يوم الأثنين بحاول أقنع السلطات العليا أول و بعدين برد عليج خبر إن شاء الله .
سلامة: هاهاهاهاها يا السخيفة الحين خالوه و أبوج سلطات عليا.
موزة : لا السلطات العليا أخوي خليفة والله ما يخلينا نطلع إذا ما استأذنا منه لازم يكون يعرف .
سلامة: والله يعينج على هذا الأخو الشرير هذا مش سلطات عليا هذا قوات غاشمة.
موزة: هاهاهاها لا والله أصلا خليفة طيب بس يحب يتحكم .
سلامة: انزين الله يخليه لكم يلا مع السلامه .
موزة: ليش .
سلامة: بسير عند أمي .
موزة: يلا انزين باي.
وراحت سلامة عند أمها و أبوها قالتلهم إن محمد روح و بعدين خبرته عن سالفة الحديقة وافقوا بس بشرط إذا حد كبير راح وياهم مثل عمتهم أو حرمت أخو موزة عبدالله (أسما)
وراحت سلامة اتكلم عمتها وقالتلها عن الحديقة وعمتها وافقت و بعدين قالت لمريم إلي قالت بعد إنها موافقة و أهلها ما برفضون.
وبعد صلاة العشا راحت تتصل بأخوها محمد تريد تعرف هو ليش قال جيه بس محمد قالها بأنه مشغول و إن شاء الله هو باجر بيكلمها و بعدين نست الموضوع وراحت حجرتها تقرأ قصه لين ما حطوا عشا تعشوا و بعدين راح كل واحد على حجرته عشان يرقد.
الساعة 9 كانوا أبو محمد أم محمد يتريقون مع روضة و خالد وبعد شوي نزلت سلامة. سلامة: السلام عليكم و رحمة الله و بركاته .
الكل : و عليكم السلام و رحمة الله و بركاته.
أبو محمد : شحالج بنتي.
سلامة: الحمدلله بخير .
أم محمد: تعالي تريقي.
سلامة: لا أمي مشكورة ماريد .
أبو محمد : ليش يا بنتي؟
سلامة: أبويه أنا ما أحب أكل الصبح .
أم محمد : على الأقل شربي شاي.
سلامة: ما عليه بصبلي بعد شوي.
أم محمد : كيفج
سلامة: غريبة رويض وخويلد قاعدين مع بعض بدون أي ضرابة من وين طالعة الشمس. روضة: لا تحسدينا .
سلامة: ماشاء الله إن شاء الله دوم أشوفكم جيه إلا أقول أبويه ممكن أطلب شي.
أبو محمد: شو بغيتي يا بنتي عيوني لج.
سلامة: فديت عيونك بس أريد أروح عند عمتي مريم .
أبو محمد: بس غالي وطلب الرخيص أصلا عمتج كلمتني أمس وهي تباج تباتين عندها وعلى ما أعتقد انتن متفقات صح؟.
سلامة وهي مستحيه: صح و مشكور أبوي.
أبو محمد وهو يكلم حرمته: قومي يلا خلينا نروح .
سلامة: أبوية وين بتروحون ؟.
أم محمد و انتي شعليج ليش تسألين؟.
سلامة: قفطت: ولا شي بس كنت أريدكم توصلوني فدربكم.
أم محمد :أنزين يلا قومي .
روضة: و أنا و خالد بتخلونا بروحنا .
أبو محمد: وين تبين انتي وياه بعد؟ .
خالد: أنا ما أريد أروح مكان .
روضة: انزين أبوية أريد أروح وياكم .
سلامة: انتي ما تستحين ريال يبا يطلع مع حرمته انتي ليش رازه بويهج وياهم .
روضة: تراج انتي بعد بتروحين وياهم .
سلامه: أنا بخطفوني عند عموه ما بسير معاهم .
أبو محمد : يلا رويض قومي ويانا.
روضة: هيـيه يحيا العدل فديتك أبويه مشكور أنا ماريد أروح بس أريد أشوف أهون عليك وإلا لا؟ .
أبو محمد: أكيد ما تهونين على انتي بنتي الغالية.
أم محمد : بس عاد خلونا انروح لا نتأخر .
راحت سلامة تتجهزوروضة يلست تغايض أمها و خالد راح بيت عمه منصور عند جاسم راح أبو محمد أول بيت أهله وسلم عليهم و بعدين وصل سلامة عند عمتها وروح.
العمه: فديت سلامي إلي يايه تآزر عمتها فوحدتها .
سلامة: هاهاهاهاهاهاها أي وحده عموه ريلج مسافر من يومين و بناتج عندج كيف تحسين بالوحده؟.
العمه: مالت عليهن شميس ما منها فايدة كله تاكل و طالع التلفزيون كل ما أقولها تعالي قعدي وياي تقولي يوم بيخلص الرسوم و انتي تعرفين الرسوم ما يخلص .
سلامة: انزين مويز؟ .
العمه: فديت مويز الممله ما عندها بس خدموني و بصيح هاي هيه مويز.
سلامة: هاهاهاها والله انج تحفه انتي و بناتج .
العمه : ماعليج بتشوفين الخبال على أصوله .
و قعدن سلامة و عمتها يسولفن و بعدين راحن يسون غدا وبعد ما خلصن راحن يتسبحن وصلن و بعدين حطوا الغدا و تغدوا و كله ضحك و سوالف بعد الغدا قالت العمه لسلامه انهن بشوفن فلم فيلسن يشوفن الفلم و العمه حاطه جدامهم الحلويات و الكيك و كل ما تشيهيه الأنفس.
العمه: سلامة ليش ما تاكلين ؟.
سلامة : عموه حرام عليج من ساعه مخلصين غدا تبيني أكل بعد؟ .
العمه: عادي يلا كلي عن البزا و الرجيم .
سلامة : والله ما أسوي رجيم بس ما أروم أكل أكثر انتي أكلتينا غداج كله بعد تبينا ناكل ؟ .
العمه: برايج, شموس شمـوووووووس وصمخ.
شمسة: هاه شو تبين حشرتيني ليش ما تخليني أطالع ؟.
العمه: روحي يبيلنا شاني .
سلامة: انا ماريد .
راحت شمسه تيب لامها شاني وعاد سلامة و عمتها مندمجات في الفلم ولا يحسن بحد شمسة: خذي أمي بس تراه مثلج.
وراحت شمسه و امها طبعا ما سمعتها ولا سلامة العمه بطلت الشاني و عيونها على التلفزيون و ما تحس إلا شي بادر فويها و ملابسها و في الحجرة كلها . سلامة:هاهاهاهاهاهاهاهاهاهاها.
العمه: خيبه تخيب العدو الله يخربلج يا شميس شمووس شموس .
شمسه : شوتبين خيبه شو سويتي انتي ؟؟؟ .
العمه: أنا شو سويت يا الحمارة ليش ما قلتيلي إنه مثلج؟؟؟؟.
شمسة: قتلج بس انتي ما تسمعين حشا مش شاني سوا جذا .
سلامة ميته ضحك على عمتها.
العمه: والله إنج هبله شوفي كيف خيستي المكان!!!.
شمسه: أنا خيست المكان و إلا انتي ؟؟.
العمه: يعني انتي تعرفين أن أمج من تشوف الكل ما تعرف حد و من أطالع فلم تراها ما تحس .
و قامت موزة على حشرت امها و تمت اتصيح راحت سلامة تشلها.
العمه: شفتي شو سويتي وعيتي أختج الحين.
شمسة: والله انتي وعيتيها بحشرتج .
العمه: الله يخربلج يا شميس يلا روحي يبي بروش و فوطه وماي عشان نمش هاه الوسخ يلا بسرعه .
شمسة : انزين هي إلي توسخ و ترده علينا.
العمه : حسبي الله عليه من شاني وصل السقف حشى.
سلامة: والله يا عموه انج حشرة وااايد تصارخين.
و تمن ينظفن كلهن مع بعض.
شموس تسأل: الحين أريد أعرف هذا كيف وصل السقف ؟؟؟!!!!.
العمه: يا الغبيه لأنه كان مثلج وأصلا كان بينفجر في الثلاجه .
سلامة: خلاص عاااد عموه من كثر ما تسبين البنت بعدين بتتعقد .
العمه: يالله هاي تعقد بلد ولا تتعقد .
خلصن تنظيف وراحت شمسه الحجرة بكل هدوووووء و تمن سلامة و العمه مع بعض شمسه في حجرتها يالسه تفكر كيف يعني سوى شاني جيه و قالت ليش ما أجرب ببطله في الحمام محد بيدري راحت شمسة المطبخ وشلت شاني مثلج و دخلت الحمام و بطلته ووسخ الحمام كامل و هي توسخت وياه وتروعت شمسه الحين لو أمها بتدري عادي تذبحها راحت شمسه بسرعه المطبخ و يابت الاغراض عشان تنظف و كان باب حجرة العمه مفتوح شوي و شافت العمه شمسه تربع و هي شاله بروش.
العمه: عندي إحساس إن شميس مسويه شي !!!.
سلامة:شو يعني بتسوي؟؟.
العمه: ما تلاحظين إنها راحت عنا من ساعه شو تسوي؟؟ .
سلامه: يمكن أطالع التلفزيون .
العمه: شوف التلفزيون ما يحتاي بروش .
سلامة: وعلامة تعجب على ويها: بروووش ؟
قامت العمه وراها سلامة وراحن يشوفن شمسه شو تسوي في الحمام.
العمه دق الباب: شموووس شو تسوين ؟.
شمسه وهي خايفه لأنها ما خلصت تنظيف: ماشي .
العمه: بطلي الباب .
شمسه: كيف أبطل الباب انتي ما تستحين؟.
العمه: أقولج بطلي الباب أحسلج .
سلامه: عموه خليها حرام .
العمه: صدقيني هي تسوي شي بطلي الباب والإ بضربج و بحرمج من العشا .
عاد شمسه ما تقدر تقاوم الأكل مثل أمها بطلت الباب و علامات الخوف على ويها .
العمه: خيبه تخيبج يا الهبله شو سويتي؟؟.
سلامه و تبا أطالع شو سوت شموس و من شافت تمت تضحك على عمتها و بنتها .
شمسه: والله أماه اسفه بس كنت أريد أشوف كيف بينطش الشاني و يوسخ الحمام آسفه والله آسفه .
العمه: هبله والله انج هبله مثل أمج و عقاب لج تنظفين الحمام بروحج و أبا أشوف الحمام يلمع مثل ما كان فاهمه.
شمسه: فاهمه.
و ارتاحت لأن أمها ما نازعتها و مر اليوم على سلامه و عمتها و بناتها سوالفهم إلي ما تخلص.
و بالباجر سلامة اتذكر عمتها بانهم اليوم بروحون الحديقة.
العمه: زين يوم ذكرتيني انا كنت ناسيه .
سلامه : ما عليه ما صار شي صح أبا أكلم موزة ما أعرف أخوها وافق يخليهم يروحون . العمه:انزين اتصليبها.
راحت سلامه بتتصل بموزة بس رن التلفون .
سلامة: عموه تعالي تيلفون.
العمه: ردي عليه سلامي.
سلامه: يمكن ريلج؟.
العمه: أنا متأكدة إن مش هو هذا مش وقته يتصل و حتى لو كان ريلي عادي ردي عليه. وردت سلامه على التلفون.
سلامة: الوه .
محمد: ألو السلام عليكم سلامه.
سلامة و هي فرحانه: و عليكم السلام هلا والله بمحمد شحالك أخوي؟.
محمد: الحمدالله بندفش.
سلامه: بسم الله الرحمن الرحيم منك عنبوه ساحر.
محمد وهو مستغرب : ليش ؟ بعد متصل أسلم عليج تقوليلي جيه الله يسامحج.
سلامه: الحين أنا قايمه اتصل بمويز تتصل انته عنبو جيه انته تحس إني بكلمها؟!.
محمد و هو فرحان بس ما يبا يبين لأخته لأن يعرف أنها ما تخش شي على موزة.
محمد: لا والله ما احس بس أمس اتصلت في البيت و قالولي إنج عند عموه و الحين ما عندي شغله و قلت بطمن عليج و على عموه بس.
سلامه وهي مستغربه من رد فعل محمد سلامه: محمد انته فيك شي ؟! .
محمد : لا ليش؟ .
سلامه: محمد لا يكون كلام مويز صدق.
محمد وهو خايف شو قالت هاي: أي كلام؟!.
سلامه: قالت يمكن انته تعرف وحده ثانيه و نسيتها و أنا شكلي بقتنع بكلامها .
محمد وهو معصب: الحين هذا إلي طلع منج انتي وياها و مالت عليج يا سلامه أنا قلت أختي و تفهمني ع الطاير طلعتي ما تفهمين شي انتي و بنت خالتج .
سلامه : بسم الله أنا شو قتلك عشان تصارخ شو أفهم و بعدن عادي تغلط على أنا لكن تغلط على موزة عاد ما سمحلك.
محمد:يا سلامه أنا تراني تعبت والله تعبت من تصرفات بنت خالتج والله عذبتني خلاص ما أقدر أتحمل أكثر أبا أعرف هي تبادلني الشعور و إلا لا و تريحني تراني خلاص مليت و تعبت من كثر ما أذل نفسي لها عنبو الكل يلاحظ إني أحبها إلا هي ليش يعني أريد أعرف . سلامه و محمد كسر خاطرها: والله يا محمد ما أعرف شو أقولك بس بطمنك والله يا أخوي إن موزة تحبك .
محمد : صدق يا سلامه .
سلامه : صدق .
محمد: بس أنا ما حس إنها تبادلني مشاعري انتي ما تلاحظين إنها ما طالعني يوم أكون عندهم يمكن أقول لأن أهلها موجودين عشان جيه بس حتى يوم نكون أنا و انتي وهي و أحمد و سيف ما تكلمني ولا طالعني ولا جني موجود .
سلامه : بس صدقني هي تحبك تذكر ذاك اليوم يوم كنت أكلمها .
محمد: هيه أذكر .
سلامه: موزة زعلت وااايد لأنك ما سيوتلها سالفه و تمت تحاتيك و تقول أكيد لقيت لك وحده ثانيه عشان جيه ما تهتم فيها.
محمد : فديتها والله ما تهون على .
سلامه: إيه لا تتفداها جدامي .
محمد : ما قدر هاي القلب هاهاهاهاها انزين أقولج أبا مساعده.
سلامه: شو المساعده .
محمد: أباج تساعديني عشان أخلي موزان تغار على .
سلامه: تغار عليك من منو؟!!!.
محمد: من إلي أكلمها.
سلامه : آخ عليك يا محمد والله طحت من عيني .
محمد : خيبه صبري يا الهبله أنا ما أكلم حد بس أريد أمثل إني أكلم وحده فهمتي و إلا أفهمج بعد زياده.
سلامه: هيه فهمت قول جيه إنك بتمثل خلاص موافقة بساعدك .
العمه: سلامه عنبوج منوه ترمسين هالكثر .
سلامه: هذا محمد عموه .
العمه: محمد سلمي عليه وايد .
سلامه : محمد عموه تسلم عليك وايد.
محمد : الله يسلمج وياها من الشر سلمي عليها.
سلامه : عموه يسلم عليج .
العمه : الله يسلمج وياه من الشر .
محمد : عيل خلاص سلامه بخليج الحين مع السلامه.
سلامه : مع السلامه .
محمد : و حبيلي مويز.
سلامه: أي وحده فيهم؟؟؟!!.
محمد: عن الاستهبال الزايد سلامه .
سلامه: اسفه باي.
وبعدين اتصلت سلامه بموزة قالتلها موزة بأن خليفه وافق يخليهم يروحون و اتفقوا الساعه خمس ونص يطلعون من البيت سكرت سلامه عن موزة و اتصلت بمريم و اتفقوا على نفس الموعد وع الساعه خمس وربع