برسل لك على الخاص وترا مصاريفنا اكثر بكثييييييير منكم البيت اغلى بالضعف تقريبا وعددنا 5 ما شاء الله ومع كذا ندف عمرنا بس ما نحرمها

برسل لك جدولي وطريقتي على فكره كل شهر اوفر 150 دولار
انتظري رسالتي

انا حاسة فيك وفاهمتك تماما, مرت علي ايام بامريكا ماكان بجيبي دولار حسابي بالماينس. ..ومرات ماعندي الا دولارين او دولارين ونص, اشتري فيها اندومي واشرب موية من الحنفية والحمدلله عالنعمة ..ومرات ابيع الكتب اللي عندي واذا جابت كلها 50 او 35 دولار كانها العيد عندي
كان انتي معاك أحد انا لوحدي ومثلك استحي ادق عالاهل وكل ماسئلوا عندك فلوس قلت ايه ايه واعزي نفسي بقرب نزول المكافئات.

........بس الحين الحمدلله مكافاتنا تكفي ماشاءالله .. نقلت الله لا يعيد هذيك الايام.

بس ترا هالايام بتتذكرينها وتضحكين .. مافي شي يمر ما يستفيد منه الواحد كخبرة , يقولون الضربة اللي ما تموتك تقويك..لا تحسبين كلامي مثالية زايدة لا وربي انا مجربة واتكلم من تجربتي ..دايما احمد ربي انه انا ماتغيرت لا في الفقر لا في الغنى ..ومحافظة على ابتسامتي وايجابيتي وهذي نعمة من الله. .. بالعكس تتعلمين الصبر والمسئولية وحسن التدبير والاستقلالية والاعتماد على الذات. دروس مجانية هاه وش تبين اكثر :)

اصبري والله يعينك ويوفقك

اذا انتي بامريكا ..
طيب حبيبتي سجلي في برنامج ويك (اذا عندك اطفال تحت عمر الــ6 سنين او اذا كنتي حامل ) يعني هم بيصرفو للاطفال بهالعمر ويصرفون للحامل وللبيبي ببطنها الين يوصل عمر ال 6 سنين ..يصرفون لاولادك شيكات تشتري فيها الحليب والبيض والتوست والخضار والسيريال وحاجات كثير والجبن والعصيرات ..صحيح يحددوا لك شركات معبنه بس عاادي تنفع وتشيل عنك بعض المصاريف ..كل شهر يعطوك شيك يعني تخيلي انا (حامل )وعندي بنت في الشهر يطلع لنا 3 حليب الغلب الكبيره المشكله يجي الشهر الثاني وينزل الشيك وهي لسى ماخلصت فنعطي منها جيرانا ..هذا من فير المواد الغذائيه الثانيه ..
..
واذا عندك احد من اولادك جنسيته امريكيه سجلوا بــ برنامج ستامب فود <<بيصرفوا لكم 200 دولار تشتري فيها المواد الغذائيه اللي تحتاجينه ..لو تاخذينها كلها شيبسات ..برااحتك
وااذا عندك كذا واجد جنسيته الامريكيه بيعطوك كمان يعني بيزيدوك..
وبكذا توفرين الفلوس اللي تصرفيها على الاكل ..
والله يرزقك ويعينكم ... ترى التسجيل عندهم موب صعب صدقيني بيشيل عنك بعض المضاريف
ان شاء الله يارب اكون افدتك ..

الله يكون بعونك يارب

ويرزقك من حيث لا تحتسبين.

حبيبتي معليش ليه 700 دولار مقاضي حتى 200 كثير إذا إنتي وزوجك وولد واحد بس
إحنا ماشاء الله عددنا 6 وماتتجاوز مصاريف المقاضي بالشهر كله عن 400 دولار مع المطاعم ومهنيين نفسنا ونشتري كل اللي نبيه الحمدلله
إحنا نقضي كل أسبوع وماتتجاوز المقاضي 70 دولار
شوفي ودوري وين تروح الفلوس حتى إيجار بيتنا ضعف إيجاركم ب1800 دولار لكن الحمدلله ممشيين حالنا وماعمرنا حسينا باللي حسيتي فيه صدقيني دوري في مصروفاتك وراح تلاقي شي تصرفينه ممكن ماله داعي أو بزيادة