أنــا .. وصديقتـــي .. معقولة انتهى كل شي بيننا بهالسهولة؟؟مستحيل اصدق!!

السلام عليكم ورحمة الله وبركاته

كيفكم بنات

السالفة يابنات
انا عندي صديقة حبوبة وطيبة والكل يشهد بأخلاقها العالية
كنا اكثر من صديقات في المتوسط والثانوي كل شي مع بعض مايفوت يوم مانكلم بعض
حتى بالمرايل نفصل سوا
الفطور مع بعض

كانت بالنسبة لي توأم روحي
الكل كان يعللق على صداقتنا كانت تحبني لأبعد الحدود
وانا احبها

انا اتزوجت وخفت علاقتي معاها لظروفي
لاني مااقدر اكلمها باي وقت زي ماكنت عند اهلي
قلت علاقتنا مع بعض
لكن مازلت احبها
وهي كذلك


مشكلتها تغااار لدرجة ماتتوقعوها
كانت اذا شافتني امشي مع غيرها تزعل
واشياء كثيرة

المهم
انا انشغلت عنها كثيير مادري ليه
وهي اللي كانت تدق دايما وتسألني عن اخباري
لكن يعلم الله اني مانسيتها:(
المهم قبل ثلاث شهور اتصلت علي وانا كنت متنرفزة من قبل وكلمتني وانا متغيرة
كيفك
وش اخبارك
وش فيك متغيرة؟
قلتلها مافي شي
وشوي وقفلت

وبعده بشهر
كنت مسافرة
وجت على بالي
اتصل ماترد
اليوم اللي بعده كمان ماترد
اللي بعده برضوا ماترد
ارسلت رسالة ردي علي والله مشتااقة لك حييييل

جلست اسبوع وارسلت مرة ثانية
شفيك ماتردين علي انا .......
كمان تطنيش

وبعده بايام ارسلت رسالة جرحتني
للأسف حضورك وغيابك صار عندي سوا وماعاد استحمل جراح كفاية منك وزي ذا الكلام
انا استغربت
والله كنت ناوية اشتريلها هدايا وارجع ازورها بس هونت
ارسلتلها
انا جرحتك بإيش؟
ردت لي

توني عرفت ان الانسانة اللي كنت احبها واموت فيها ماتحبني ولاتعزني وكل هالزمان كانت تجاملني للأسف كانوا الناس يقولولي كذ لكن انا ماصدقتهم الا لما عرفت الحقيقة بنفسي انك ماتبيني والدليل اخر مكالمة بيننا ( تقصد اليوم اللي كنت معصبة ومتنرفزة )
وكلام كثير

انا ارسلت لها
انا اسفة اذا كان اهملتك وجرحتك بيوم من الايام اعذريني وسامحيني



المهم اسبوع ماردت علي وبعدها انا ارسلت لها
اذا زعلانة قوليلي اراضيك واذا ماتبيني عاد بحياتك صارحيني

هي قالت
بس بسألك سؤال واحد واتمنى الاقي اجابة
وش اللي ذكرك فيني ومين؟
ووينك كل هالمدة؟




وانا مارديت لها الى الآن
هذا قبل شهر

وش اسوي بنات
ووش تتوقعون منها
تبغى تنهي اللي بينن اصلا وتتعذر باني اهملتها
؟؟

يعني انا غلطااانة
والا هي

بذمتكم ردوا علي
عجزت من التفكير فيها
لاتخلووني :(