أنـــا قويه أنـا أقــــــدر ^_^وانتي بعد ,, كيف هنا تعرفين !
سلام من الله و رحمه
كيفكم خواتي ؟ ان شاءالله بصحه و سعاده وفرح
ممكن كثير من الاخوات هنا يذكرون مواضيعي و ممكن كمان تتصفحونها الان ع السريع وتشووفوا
عمري ببداية الـ20 ,, أعيش بأسره جميله و ام محبه و اب مهمل
من فتره ابوي اتزوج ع امي و الدنيا اسودت بوجهي
لاني كنت اشوفها تتألم باليوم مليون مره
انا ممكن اتنازل عن كل شي حلو بهالدنيا الا راحة أمي ,, انا ممكن اتمنى ع ابوي انه يروح من حياتنا للابد بس لاجل أمي
أحبه و مااتمنى له الشر ابد رغم ان عمره ما كان لنا اب >> مافيني افصل اللي تستغرب هالكلمه ترجع لمواضيعي
لكــن اسمح لي يا ابوي و اسمحي لي يادنيا هذي الغاليه خط أحمـــر من دونها و مااسمح لاحد يجرحها و لو من بعيد
انا عندي همومي الخاصه عندي دراستي و طموحاتي المتوقفه بسبب اشياء كثيره و أحدها مستوانا المادي و مشاكل ابوي و بعد جامعتي كل هذا مصعب علي اموري
لكني اضطر ما افضفض لامي كثير عشان ما تشيل همي ,, و امس كانت تفضفض لي و عورت قلبي
تشكي لي انها لما تزوجت ابوي كانت صغيره و اهلها اكتشفوا انه مو كفؤ لكن يقنعونها تبقى معاه خوفاً من انها تتطلق
فكروا بالناس و باعوها و ضاعت 20 سنه من عمرها معه
المهم كانت تفضفض و تفضفض وانا اسمع واحاول اواسيها وقلبي يتقطع مليون قطعه عليها
لما خلصنا سوالف شغلت عندها سورة البقره و طلعت ورحت احاول انام
طار النوم من عيني و بكيت بكيت بكاء من سنين مابكيته
لحظتها كنت ابي اي احد ارمي نفسي عليه وابكي ,, ما اقدر اروح لها انا ابغاها تستمد مني قوتها ما ابغى العكس ..!
مر ع بالي صديقاتي واني افضفض لهم و ذكرت سحبت اعز صديقاتي علي هالترم بدون اي مبرر
لكن هي القلوب بين أصابع الرحمن : )
ذكرت اني عمري محد احتاجني الا و طبطبت عليه و وقفت جنبه وربي وحده اعلم
و امس كنت محتاجه اي احد مو قادره بانكتم خلاص ..
رحت وفتحت اللاب و دموعي ع خدي مدري ليش فتحته كان ودي اكتب موضوع يمكن ..!
و اول ما طاحت عيوني هنا طاحت ع موضوع اخت لنا بعنوان بشرررى ..
و محتواه ان ربي سبحانه اذا اشتد الكرب و يئسنا يضحك لانه يعلم ان الفرج قريب
وحسيت انها ما اشتدت الا لانها بتفرج قريــــــــــب
أحيانا يلفنـا الالم و الدنيا تتفنن بقهرنا ,, تتعمد تحسسنا بالضعف وقلة الحيله و هذا اسوء شعور ممكن نحسه ,,
و اذا جت الهموم تجي مره وحده ,, و مهما شكيت تعرف ان النار ماتحرق إلا رجل واطيها : )
فكرت و فكرت سألت نفسي انتي مؤمنه ان ربي رحيم بك ؟
تذكرين كم مره وكم مره انظلمتي او انقهرتي و ربي كان معك ؟
تذكرين كم مره حزنتي و حسيتي بنسمة رحمه وبشي جميل و ان ربي مسح من على قلبك الحزن ؟
ليش اليأس أجل ؟ و ليش أحساس الضعف ؟
انتي قويه مو لازم احد يعرف يكفيك انك تعرفين ..
ليش تكبتين هالاحساس ليش تكبرين كل شي اسود بعينك و تتركين ماسواه ؟
انتي قويه لانك تجين لامك تبغين تفضفضين وتفضفض هي وتكتمين مافيك وتطبطبين عليها و تدعين لها
انتي قويه وبتتخطين هالشي مثل ما تخطيتي غيره بنجاح
انتي قويه لما هجرتك صديقتك و عطيتيها فرص واخرتها عزيتي كرامتك و صرتي كل يوم تشوفينها و قلبك يحن لكن كرامتك اقوى
انتي قويه لما فلانه غلطت عليك و وضحتي لها وماذليتي نفسك لها
انتي قويه لانك كل يوم تدفعين نفسك لقدام و تجاهدين عشان دراستك
انتي قويه لان الله معك :27:
يللا يابنات كل وحده تقول لنا وش الموقف اللي كانت فيه قويه واستمدت منه قوتها وطلعت منه فخوره بنفسها
خلونا نعزز صفاتنا الحلوه و نصبر انفسنا
لاننا قويات و نقـــــدر
يجب أن نثق أننا ما خُلِقنا أبداً
لـِ نفشل !َ
أو لـِ نحزن !َ
...أو لـِ نكُن أُناس بِلا هدف !
يجب أن نثِق أن وجودنا ليس صُدفه
و ليس رقماً فّ حسب ..
وجودنآ لِ حآجة !
أنا موجود : لإن الكون يحتاجني ,
و لأن الله مازال .. يمُد فِي عُمري كُلَ صَباح
لِـ أنال نصيبي مِن الطاعة و الفرح و الإنجازات
ثِقتُنآ بِ الله فوقَ كُل شيء , وأي شيء
هو سِر سعادتنا , وتفوقنا
لــِ
سلمان بن فهد العودة
و بالنهايه اتمنى تشاركوني و اتمنى اذا عجبكم موضوعي تدعون لامي بالنصر و ان ربي يسعدها دنيا واخره من قلوبكم حبايبي
وانتظر مشاركاتكم المثريه للموضوع
10
2K
يلزم عليك تسجيل الدخول أولًا لكتابة تعليق.
ام الدنانة
•
الله يفرج همك ويسهل امرك ويشرح صدرك ويعينك ع بر امك ويجزاك الجنه
سكر غرام
•
الله يفرج همك ويسهل امرك ويشرح صدرك ويعينك ع بر امك ويجزاك الجنهالله يفرج همك ويسهل امرك ويشرح صدرك ويعينك ع بر امك ويجزاك الجنه
برااافو علييك يالغــــــــــــــــلا
ايوا خليك كذا قويية وماشاء الله عليك اصلا باين من كلامك انك كذا وعقليتك ماشاء اللله طموحة ومتفتحة خليييك على هذا المسار---واناااااااا ياااااااااااااااااااامااااااا ويااااااااامااا--خليها بالقلب تجرح ولاتطلع وتفضح يعني صااارت لي عقبااااات بحياتي كثيير احس لو وحده غيري بتقبر نفسها من قوتها بس الحمد لله من انا وصغيرة فيني شعور ان حياتي بتتغير وتتحسن والحمد لله مو ذيييك التحسن بس الحمد لله على كل حااال الله يزيديني قناعة---يعني انتي بس خليك بهذا الامل والقوة ماشاااء الله حياتك بتصير احسسسن والله مايضيع عبده---بس دعواااااااتك لي
ايوا خليك كذا قويية وماشاء الله عليك اصلا باين من كلامك انك كذا وعقليتك ماشاء اللله طموحة ومتفتحة خليييك على هذا المسار---واناااااااا ياااااااااااااااااااامااااااا ويااااااااامااا--خليها بالقلب تجرح ولاتطلع وتفضح يعني صااارت لي عقبااااات بحياتي كثيير احس لو وحده غيري بتقبر نفسها من قوتها بس الحمد لله من انا وصغيرة فيني شعور ان حياتي بتتغير وتتحسن والحمد لله مو ذيييك التحسن بس الحمد لله على كل حااال الله يزيديني قناعة---يعني انتي بس خليك بهذا الامل والقوة ماشاااء الله حياتك بتصير احسسسن والله مايضيع عبده---بس دعواااااااتك لي
الصفحة الأخيرة