أمزح معكم كلوا موز عادي <= تتميلح
بس ذكرت نفسي اني اول ما شلت شعر وجهي كليت موز هههههههههههه
المهم كل الموضوع اني احب افيدكم كيف تتحاشين الحبوب بعد ما تزيلي شعر وجهك بالشمع و الا بالفتله
( للأمانه انا ما اشيل غير بالشمع و اللي ما ينشال بالشمع اشيله بالفتله , يعني ما جربت الفتله لكامل وجهي)
و أنصحكم تقروا النصايح و الملاحظات اللي في نهاية موضوعي ،،،،
انا من فتره كنت متخوفه جدا اني اشيل شعر وجهي كامل ..
خوفا من انه يطلع حبوب بعد الازاله بالشمع و كمان الحبوب المخيفه لما الشعر يبدا يطلع .. و قعدت فتره متردده
لأن الحبوب اللي سببها ازالة الشعر غالبا تترك اثار و تقعد اكثر من سنه اثارها ما تروح !!!!!
و أنا حابه اني اشوف وجهي صافي بدون شعرات :(
و الليزر مابي استخدمه لأنه الدكتوره ما نصحتني بإستخدامه لكامل الوجه ...
عموما بعد تفكييير و تفكييير و تفكييير
ما طلعت بنتيجه ههههههههه
فـــــــــجــــــــأة طاحت عيني على المسحات الطبية اللي على تسريحتي و قلت خلاص قررت اشيل
و رحت للمشغل و اليكم الخطوات خذيت معي حوالي 10 مسحات طبيه يعني اهم شي ما تخلص عليك و انتي في المشغل و تتورطين و كمان خذي كريمك اللي تستخدمينه بعد الشيل ...
قبل ما تبدا الكوافيره تشيل لي بالشمع مسحت وجهي كامل مع الرقبه بالمسحه الطبيه خذيت مسحتين
( عشان لو فيه اي جراثيم و اي ميكروبات تسبب لك حساسيه والا حبوب تقتلها و لما تشيل و جهك يصير ما يدخل للمسامات المفتوحه)
و بعدها مسكت مسحه طبيه مسحت يدي و اصابعي فيها عشان لو بالغلط لمست وجهي
بدت الكوافير تنزع الشعر بالشمع .. و كنت استغل وقت طلعتها و امسح المنطقه اللي شالتها بالمسحه الطبيه
و ترجع تكمل شغلها ... لما تنتهي امسحي يدك بالمسحه الطبيه و خذي من المسحات الطبيه الجديده و امسحي كامل وجهك مع الرقبه فيها مره ثانيه
(صحيح راح يحرقك بس صدقيني راح يطهر المسامات و يقتل اي ميكروبات و جراثيم تدخل )
و بعدها حطي الكريم بنفسك ( لا تحط لك الكوافيره يمكن يدها مو نظيفة )
الكريم اللي استخدمه فيسودين Fucidin
و صورة المسحات الطبيه او الكحوليه للي ما يعرفها
هذي طريقتي و الحمدلله ما عانيت من الحبوب ابدا ً ابدا ً في اول مره نزعت الشعر فيها بالشمع .. و ثاني مره عانيت من كم حبه بسيييطه لخربطتي في البرنامج نوعا ما بس راحوا :35:
ملاحظات :
1- لا تغسلين وجهك بالماء على الاقل لمدة ساعه بعد حف الوجه .
2- لا تخلين الكوافيره تلمس وجهك بيدها ابدا ً ,, كأنها تبرد لك بشرتك مثلا هذا غلط !! لأنه المسامات مفتوحه ..
3- لا تشيلين المكان اكثر من مره و الا راح يسبب لك سمار في وجهك .
4- استمري على طريقتي في انك تمسحين وجهك بالكحول لمدة ثلاث ايام و بعد ما تمسحين بالكحول حطي الكريم ضروووري ( 3 مرات باليوم المسحه + الكحول ) .
5- لا تكثرين من المسح بالكحول .. ممكن يكون له اضرار جانبيه مثل الجفاف او غيره ...
6- قبل ما تنامي غيري غطا وسادتك.
7- لا تغسلين وجهك بالصابون و لا تحطين ميك أب و لا شيييي خلال الـ 3 ايام (هذي النقطه جدا مهمه) .
8- لا تشيلين بالشمع دائما لانه يسبب ترهل للبشره .
9- أخيييرا ً و الأهم هذي الطريقه نفعت معي مع العلم انه بشرتي جدا حساسه و رقيقه لكن قد لا تتنفع مع غيري البشرات تختلف .. يعني بليز لاحد يدعي علي انا والله من الفايده اللي شفتها و الا ما كان قلت لكم !!!!
نقطه اخيره مهمه : اللي مثلا الكوافيره نزعت لها من بشرتها بالشمع ما انصحها تحط عليه من المسحه ..
هذي طريقتي بالاهتمام ببشرتي وقت نزع الشعر ... و الله اتمنى من كــــــــل قــــــــلبــــــــي انكم تنتفعون منها لعلي الاقي دعوه صادقه منكم بالتوفيق و تيسيير الأمور في الوظيفه و الزوج الصالح ...
إدعــــــوا لي أنا بأمس الحاجه لدعاء بظهر الغيب صدقوني
الله يسهل أموركم و ينعم عليكم بالبشره الحلوه و الروح و الحياة الأحلى :)
اللهم لك الحمد و الشكر حتى ترضى و لك الحمد و الشكر اذا رضيت و لكم الحمد و الشكر بعد الرضى و لك الحمد و الشكر على كل حال
لكـــم كـــل الود :26:
ايوه يالغلا هذي طريقتي وصح صادقه بس عمري مااستخدمتها لوجهي صراحه ااستخدم المسحه قبل وبعد للتعقيم وفعلا حتى لاسواد ولا شي
بس بعد الشيل تعطي لسعه تعور خخخخخ بس بعده احطك ريم حساسيه وكل شي يكون تمام الحمدلله
يسسسلمو
والله يفرج همـــــــــك ويجيب دعـــــــــائك امين يااارب