ياقمر انتي مسويه مشكله طويله عريضه على ولا شي بصراحه سوري أنا ما استسخف مشكلتك بس لو ترجعين تقرين بالمنتدى بتلقين العجب أصلا أنا عمري ماعرفت شي أسمه قسوة الأم الا من هالمنتدى
ياعمري أولا هدي أعصابك وأحمدي الله أنك متزوجه تخيلي لو إنك باقي بنت وعايشه بهالمشاكل ولا أهل زوجك مكان أهلك شي طبيعي ماراح يسمح لك تقطعين بأهله
انتي روحي لهم يوم الخميس أو الأربعاء من 5 إلى 12 أو 1 باليل توددي لأمك حاولي تساعدينها بتربية أخوانك الصغار مو مشكلة إذا خدمتيهم بالأخير هم أهلك حاولي تخلقين جو لك ولخواتك قولي اليوم بنشوي كذا فجأه مو تعلمينهم قبل عشان أمك ماتتوتر أمك مالها الا سمي ولبيه حتى لو كانت قاسيه وياحبيبتي نصيحه من كل قلبك انتبهي تقولين لزوجك ما أبي أروح أو تقللين من قدر أهلك عنده بالأخير بيعايرك فيهم الله يسخر لك ياقمر

اولا اتوقع انك صغيره صح او لا ؟
ثانيا ليش ماتغير اسلوب امك معك بعد الزواج يعني المفروض تشتاق لك وترحب بجيتك ؟؟؟
انا اقولك ليش لانك اصلا تروحين لها وانت مجبره وماودك وكارهه واكيد مكشره فهالشي بينعكس عليها ولا راح تفرح بك وبتذب عليك من الكلام
نصيحه مني انسي الماضي وعيشي حياة جديده مع اهللك خليهم يشتاقون لك ويفرحون لجيتك جيبي معك القهوه والحلى والفله واجلس واستانسوا وسولفوا شيل عن امك بعض المسؤليه اخوانك اصغار لاطفيهم جيبلهم العاب وهدايا سويلهم مسابقات انتي وخواتك على فكرى الاطفال الصغار بذات الشياطين يموووووووتون في شي اسمهم مسابقات والعاب راح تهديهم والله يعينك

طبي حاولي تعزمينهم وتغيرين عليهم جو يمكن هم بعد متضايقين
ومهما كان تعامل الام نرد لها الاحسن ولك الاجر بغذن الله
لاتنسين حبيبتي أنها امك وهذ إن شاء الله انه ابتلاء يريد الله به الاجر لك

أختي لا تطلعي من بيتك أبدا اذا زعلت من زوجك هذا هو التصرف الحكيم عن نفسي بعمري ما طلعت من بيتي وقت بزعل مع زوجي مع أنه ولله الحمد أهلي أكثر من عسل الله لايحرمني منهم بس مشاكل بيتك لازم ماتطلع برى

اصلا اذا زعلتي من زوجك ونمتي عنده وفي سريره تكبرين بعينه والمشكله تصغر ويندم و يقدر لك موقفك

الغبية فقط اللي تروح بيت اهلها على توافه الامور اسمحي لي

واهلك .. يوووووووووه كثير زيهم ... لاتخافين كثير عايشين مثلك ... لكن لازم ترتبين لك جدول لزيارتهم بحيث ماتحسسين زوجك انك ماتبينهم و بنفس الوقت تشوفين خواتك وامك .. ولا تطولين عندهم

واذا سأل زوجك قولي مااقدر استغني عنك .. وان ساعتين كافيه ..

على فكرة لاتفكرين ان زوجي الحبيب ماعمره زعلني .. بالعكس كم مره يطردني بصريح العبارة و اطنش كلامه والله بعدين يتفشل ويندم ويراضيني .. وياما صارت مشاكل كبيره بيننا عمري كله ماطلعت بره البيت .. كنت انام بغرفه ثانيه فقط وبعدها عرفت حتى النومه هذه غلط .. ومسكته واتفقت معاه اذا تهاوشنا ننام مع بعض مهما كبر الموضوع ومرات هو يطلع ينام بره .. والله اخذ لحافي وانام معاه .. ومسكته وحذرته ان طردني من بيتي مره ثانيه راح اطلع لاني عدة مرات اتغاضى ومن بعدها ولامره طردني ..

اهم شي زوجك يابنت الحلال لا تخسرينه