أنـــــــــــــا وزوجــــــــــــــــي والنمــــــــــــــــــــل

مبارح دخلت المطبخ حتى اشرب مي قمت لقيت مجموعة كبيرة من النمل متجمعين على شي، قلت بنفسي خليني بخهم بالبف بف وارتاح، بعدين تذكرت اني مرة قرأت اني لازم اقول للنمل يا أيها النمل ادخلوا مساكنكم ، وبعدين اذا ما دخلوا ممكن اقتلهم.. قلت خليني اجرب،

المشكلة زوجي جالس بغرفة الجلوس وهي قدام المطبخ يعني زوجي يشوف كل شي..
فكرت خليني احكي بصوت واطي اكيد ما راح ينتبه عليي

ونزلت لتحت لعند النمل وصرت قول بصوت واطي: يا أيها النمل ادخلوا مساكنكم يا أيها النمل ادخلوا مساكنكم يا أيها النمل ادخلوا مساكنكم وإلا راح اقتلكم كلكم!!

ووقفت.... قمت لقيت زوجي على وجهه علامات الاستغراب والتعجب :confused::blink::o:eek:
قال: حبيبتي ...مخبية واحد تحت المجلى؟؟
انا فقعت ضحك
قال: اكيد مخبية واحد ما في غير هالسبب.. طلاع من تحت يالله كشفتك!!
وانا ميتة ضحك!

قال بالله عليكي شو كنتي عم تساوي؟
وانا مو قادرة احكي من الضحك
قال او يمكن عم تحكي مع الجن مثلا؟؟
وانا ازيد ضحك..

بس هديت شوي قلتله كنت عم بحكي مع النمل
قام حط ايده على راسي وقال حبيبتي انتي سخنانة شي؟ اكيد سخنانة روحي نامي!!
وشو كنتي عم تحكي مع النمل؟؟؟؟؟؟؟؟
وانا لسا عم بضحك..
قلتله كنت عم قلهن يا أيها النمل ادخلوا مساكنكم وإلا بقتلكم
قال: هلأ صار لازم اتصل بأهلك!

حبيت شارككم القصة...تم بحمد الله :)