أنقذوني ب تبيض وتوريد : (

شوفي هذا موضوع الأخت توما2 وإن شاء الله يفيدك إسمها خلطة البياض الصارخ
اخواتي الحبيبات انا الحين في حالة ذهول ماتنوصف بالكتابه مادري احس اني باطير من الفرح وناسه والله العظيم والله العظيم صرت قشطه تعرفون وش يعني قشطه يعني لمبه اذا دخلت بغرفه ظلمه انورتها (من جد اتكلم ترى اكتب واناظر مو مصدقه) ............

السالفه ياعزيزاتي اني احب دائما اكون متميزة بكل شي وابحث عن اي شي يجملني عموما تدرون كل فتاه تبحث عن اي شي خاصة عن الجمال عاد انا موتي وصفاء وبياض البشره خلاص وحده بشرتها صافيه على الاقل بتروح خبال تطلع تجنن فمابالكم اذا صفاء مع بياض يوه مادري وش اقول لكم عموما احب الحلا واجول اني استخدمت هذة الخلط المعجزه اللي قلبت حياتي وقسم بالله صديقاتي بالدوام مبقبقين عيونهم مايصدقون يقولون وش سويتي طبعا التفتيح والنعومه ماحصلت عليهم بنتيجه افضل الا بعد شهر من استخدام الروعه (ادري اني غثيتكم بس يابنات ماصدق ان فيه شي معجزه مثل هذا ) عاد اسمعوني يوم قالو لي صديقاتي الله واكبر وش الخلطات اللي استخدمتيها طبعا بسخريه عاد انا مو سمراء ولا حنطيه اميل للبياض اكثر بس فيني بعض الشي اللي ابي ازيد جمالي وبياضي وماكنت اطمع الا في جمال حالي بس ويوم شفتهم يسخرون مني قلت تبون اقول لكم وش اسوي عاد تخيلو كلهم حطو خشششهم (وجيهم ) عندي يبون يدرون وهم اللي يقولون خلطات ومادري ايش بس شفت نفسي عليهم وقلت ماراح اقول لكم والله العظيم بيموتون ويعرفون مو مصدقين عاد خليهم يتقلقلون شوي قهروني بنظراتهم (احسن ) المهم اقول لكم مكونات خلطتي الطبيعيه جدا جدا جدا وياليت تجيبونها من عند العطار مو الصيدليه العطار طيب واليكم المقادير (حشا طبخه احم احم ):
المقادير :
1- صابون الغار
2-ماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7- علبة فكس صغيره

واليكم الطريقه :

تبشرون الصابونه برش ناعم وبعدين تحطونها في كاس ماء ورد من الليل الى الصبح عشان يذوب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم (يعني الجسم كله حتى الوجه ) وتخلونها ساعتين وبعد كذا تجيبون ليفة الجسم اللي من بودي شوب صايره على شكل قفازات احسن من الليفه المغربيه وتحطون عليها ملح خشن وتعصرون ليمون فوق الملح ويالله تبدأون بفرك الجسم فرك جيد والله يطلع لكم كل شي وتحسون بالنظافه من اول استخدام وبعد كذا يبدأ التفتيح يوم ورى يوم وطبعا هذي الخلطه بشكل يومي واكيد اللي بيتزوجون مهتمين اكثر شي عموما نفسي اشوف رد على الموضوع بعد تجربتكم بصراحه انا انهبلت وشايفه حالي كثير وخصوصا على زميلاتي اللي يقولون اني اخلط كريمات وحركات خل سخريتهم تنفعهم ( شديده ) .:

ورب البيت يابنات حتى الاماكن الحساسه راحت جنان مادري وش اقول لكم بس اللي انا متاكده بتشكريني وايد ع البياض الصارخ ترى حتى سمار الركبه والاكواع والاماكن الحساسه ماقول لكم تحسن اللون لا اقول اللون صار قشطه بياض وروعه وبشره موحدة اللون شي والله شي
وترى بياض للابد بدون رجعه للسمار ......
لاتقولون غرور لا بالعكس هذي ثقه وثقه عمياء يوه ماصدق جربو وبتشوفون
وتقبلو خالص حبي وتقديري انا جربتة من اسبوع والله كل يوم يزيد البياض ابي اواصله شهر اجوفة اكثر



منقــــــــــــــــــــــــــــــــــــــــــــــــــــــــــــــــــــــــــــــــول
وهذا رابط الأخت توما2
http://forum.hawaaworld.com/showthread.php?t=44494...

النسبة لتوريد الشفايف سويلها تقشير وشوفي
جيبي عسل وسكر وأفركي شفايفك بفرشاة
وأشربي 8 أكواب ماء يوميا
2 بعد الفجر و٢بعد الظهر و٢ بعد العصر و١بعد المغرب و٢ بعد العشاء واستمرررررررررري فلا يأس مع الحياة وأهم شيء خلي ثقتك بربك كبيرة وإدعيه وهو ما رح يخيبك أكيد رحيم بعبده وأبغى أسألك إنتي يوم كنتي صغيرة كنت بيضا ولا سمرا
وبالتوفييييييييييييييييييييييييق بــــــــاي



لا إله إلا الله

وصح شوفي موضوعي فيه أشياء تهمك لأن العناية الداخلية هي أساس البياض والصفاء
http://forum.hawaaworld.com/showthread.php?t=44502...

الله يسعدك حبيبتي مشكوره جدا .

حبيبتي والله يهمني تستفيدين