مشكورات أخواتي على هالردود الحلوة وأنا أحاول دائما أني أستقبله بالابتسامة لكن حتى الابتسامة صارت تخوفه !! أقصد لما يشوفني أحسن استقباله يقول خير ان شاء الله !!! في شي ؟؟؟ تبين تطلعين مكان ؟؟؟ صار شي ؟؟؟ هو يكون بين المزح والجد!! لكن يكون فرحان طبعا .والله إني أحاول أكون لطيفة وخفيفة لكن أنا عندي شغل كثير وما يخلص وأرد البيت الساعة 6 يعني أذان المغرب ولين أطبخ أو استريح شوي وأشوف طلبات الأولاد يكون قرب موعد وصول زوجي وأكون خلاص نعسانة ومعصبة وأنتظره ياخذ الأولاد عني عشان أرتاح !!

لكن والله بجهود بنات حواء في المنتدى صرت أطبق الكثير من الوصفات الزوجية !! حتى هو اللي يسمع بالمنتدى سمع يقول لما يشوفني متكشخة : بنات حواء قالوا لك تسوين كذا ؟؟؟ وأحيانا لما أطالبه بشي فوق الطاقة يقول أكيد هذي تعليمات بنات حواء !! أقول له حرام عليك لأ هذي مني أنا وبس .

هلا مهى
والله انا اعتقد ان الزوج مو دايما يسوي هالحركة "الاستئذان و الأدب الزايد "من باب الخوف من انج تجرحينه بكلمه او تصرف لا ممكن يكون هاي الطريقة الي تربى عليها في بيتهم يعني لكل فرد خصوصيته في البيت و لا يحق لأي شخص ان ياخذ من اغراضه دون استئذان.....
و هو يكون بعده يتصرف بنفس الطريقه مع انه ما في فرق بينج و بينه
"و لو اني لو كنت مكانج و شفت ان حد ماكل من الكيكه بنقهر بس باخذها بروح رياضية ما باليد حيله "

انا مثلا في البيت مع اهل زوجي ...بس احس ان لكل شخص خصوصيته باغراضه ..يعني انا احط شي بالثلاجه لو حبو ياخذون منه غالبا يقولون مع ان الكل ما فيه استئذان كلنا واحد بس نادرا ما يسوونها

احيانا الطبع يغلب التطبع

و هذا موقف ..كانت اخت زوجي عندنا بالبيت و شافت زوجي ياكل شوكولاته "انا مشترتها"و قالت له عطني قال لها قولي لزوجتي ..انا ضحكت بصراحة قلت له حلال عليع مخلص العلبه بس ما تقدر تعطي حد ؟؟؟؟؟:42:

اختى العزيزه:27:

الله عطاك نعمة الزوج المحب فصونيه

مافيه زوج يخاف يمكن يتفادى المشاكل وتصادم الكلام الجارح منك


وبنسبه لشغلك الى الساعه 6 اذا كنتى ماانتى بحاجة مولازم عشان ماتكون اعصابك تعبانه وتعكسه على حياتك الخاصه

وزوجك نفس اشى يشتغل ولا يشتكى

ياليت تغيرين من فكرتك ان زوجك يخاف منك

غيري بطريقة اسلوبك وبطريقة تصرفاتك


مع تمنياتى لكي ولزوجك السعاده

:26: :26:

وأنا مع الأخوات أقول راجعي نفسج
وشوفي شلون تصرفج معاه ...

هل جرحتيه يوما ؟ هل كان ردك قويا وعصبيا يوما لسؤال عابر سأله ؟

والافضل من هذا كله قعدي معاه وكلميه .. قوليله عندما تجد شيء وتريد السؤال عنه فسالني ولا تجعل بيننا أي حاجز

وشوفي عقبها ردة فعله

ههههههههههههههههه

اقول يا حظك بسسسس تراك في نعمه كبيرة ..

الف من ذكر الله عليك :(

بنت الغامدي