أنقذوني من اللي أنا فيه ... تكفووووووووووووون !!!

مساء الخير للجميع ....

بنااااااااااااااات بصراحه مدري وشلون أبدأ لكم ولا وش أحكي وأقول ...

أنا طفشااااااااااااااااااااااااانه لأبعد درجه ... أنا تخرجت من الكلية ومعي شهادة بكالوريوس.. ودبلوم سنتين حاسب وتعليم .. وشهادة لغة إنجليزية .. ودورة في إدخال البيانات ومعالجة النصوص ... وشهادة في الإنترنت ...

وكل هالشهادات اللي جمعتها عندي لا وظيفة ولا يحزنون على قولة إخواننا المصريين (سبع صنايع والبخت ضايع) ... من جد يابنااااااااااات أنا طفشت من جلسة البيت .... لاتقولون إدخلي دورات لأن الوالدة هي اللي كانت متكلفة بدراستي وتكاليفها وأحس إني كسرت ظهرها بالمصاريف ولا ودي أكلّف عليها لأن عندها غيري 3 يدرسون بالجامعه غير الباقين في المراحل الثانيه... وأنا ودي أشيل نفسي وماأحتاج لأحد بس قولوا لي وشلون؟!! ....
يعني إذا عندكم لي وظيفة بمدرسة بالرياض أو مركز أو أي شيء ساعدوني الله يخليكم .....
وبيني وبينكم أنا مخطوبة وزواجي مؤجل لفتره طويلة شوي .. وزوجي على قد حاله يعني يصرف على أهله لأن أبوه متوفي وأهله ساكنين في دور واحد ومستأجر بعد يعني الظروف صعبـــــــــــــــــــــــــــــــــــه ...
وأنا أبغى أجمع لي كم قرش أستفيد منهم بعدين .... ففكرت أني أحط لي مبلغ في صندوق استثماري وكانت الفكرة تراودني من زمان بس يوم جاء وقت التنفيذ مالقيت أحد يسلفني مبلغ 7500 ريال ... قولوا لي وش أسوي يابناااااااااااااااااااات ؟؟!!
لأن الزواج بيكون جدا عائلي علشان التكاليف ... بس برضو أنا بنت وأبغى أكون زي باقي البنات يعني أبغى عزيمة كبيرة بعد الزواج وهذي اللي فهمت من أهلي انهم مايقدرون حتى يسوونها لي .. يعني أنا اللي لازم أدفعها من جيبي وأنا متقبله الشيء هذا لو معي مبلغ محترم .. بس حتى المهر يابنااااااااااااااات ماراح أقول انه شوي الحمد لله على كل حال بس من جد من زمان ماسمعت بنت الأيام مهرها يكون هالمبلغ لأن انتم بنات وتعرفون اسعار الأسواق بالله سااااااااااااااااااااااااااااااااااااااااااااااااااااااااااااااااااااااعدوني من جد محتاجه لكم يابنات محتاجه فزعه منكم والله العظيم إني اكتب لكم ودموعي على خدي أحس كل الأبواب متسكره بوجهي فأبغى رايكم لأنكم انتم السند لي لاكشرت سود الأيام .....

أبغى ردود بأســـــــــــــــــــــــرع وقت ....